മൂ​വാ​റ്റു​പു​ഴ കാ​വു​ങ്ക​ര മാ​ർ​ക്ക​റ്റ് റോ​ഡി​ൽ ഭീതിവിതച്ച് കയറ്റിറക്ക് ജോലികൾ; ജീവൻപണയം വച്ച് യാത്രക്കാർ

മൂ​വാ​റ്റു​പു​ഴ: കാ​വു​ങ്ക​ര മാ​ർ​ക്ക​റ്റ് റോ​ഡി​ലെ ക​യ​റ്റി​റ​ക്ക് ജോ​ലി​ക​ൾ യാ​ത്ര​ക്കാ​രി​ൽ അ​പ​ക​ട​ഭീ​തി വ​ർ​ധി​പ്പി​ക്കു​ന്നു. ഇ​റ​ക്കു​ന്ന​തി​നി​ട​യി​ൽ സാ​ധ​ന​ങ്ങ​ൾ റോ​ഡി​ലേ​ക്ക് വീ​ണ് അ​പ​ക​ട​ങ്ങ​ൾ സം​ഭ​വി​ക്കു​മെ​ന്ന ഭീ​തി​യി​ലാ​ണ് യാ​ത്ര​ക്കാ​ർ. ക​ഴി​ഞ്ഞ വെ​ള്ളി​യാ​ഴ്ച സാ​ധ​ന​ങ്ങ​ൾ ഇ​റ​ക്കു​ന്ന​തി​നി​ട​യി​ൽ അ​ശ്ര​ദ്ധ​മാ​യി വ​ലി​ച്ചെ​റി​ഞ്ഞ പ​ടു​ത വീ​ണു​ണ്ടാ​യ അ​പ​ക​ട​ത്തി​ൽ വി​ദ്യാ​ർ​ഥി മ​രിച്ചിരു​ന്നു. ലോ​റി​യു​ടെ മു​ക​ളി​ൽ​നി​ന്നു താ​ഴേ​ക്കെ​റി​ഞ്ഞ പ​ടു​ത സ്കൂ​ട്ട​റി​ൽ യാ​ത്ര ചെ​യ്യു​ക​യാ​യി​രു​ന്ന വി​ദ്യാ​ർ​ഥി​യു​ടെ ദേ​ഹ​ത്തേ​ക്ക് വീ​ഴു​ക​യാ​യി​രു​ന്നു. ഇ​തേ​ത്തു​ട​ർ​ന്നു നി​യ​ന്ത്ര​ണം​വി​ട്ട വാ​ഹ​നം എ​തി​രേ വ​ന്ന ബ​സി​ന​ടി​യി​ൽ​പ്പെ​ടു​ക​യാ​യി​രു​ന്നു.

കൊ​ച്ചി-​ധ​നു​ഷ്‌‌​ക്കോ​ടി ദേ​ശീ​യ പാ​ത​യു​ടെ ഭാ​ഗ​മാ​യ റോ​ഡി​ൽ ക​യ​റ്റി​റ​ക്കു​മാ​യി ബ​ന്ധ​പ്പെ​ട്ട് അ​ധി​കൃ​ത​ർ ക​ർ​ശ​ന ന​ട​പ​ടി സ്വീ​ക​രി​ക്കാ​ത്ത​താ​ണ് അ​പ​ക​ട​ങ്ങ​ൾ​ക്കു കാ​ര​ണ​മാ​കു​ന്ന​ത്. ജി​ല്ല​യി​ലെ ത​ന്നെ വ​ലി​യ മാ​ർ​ക്ക​റ്റാ​യ ഇ​വി​ടെ ക​യ​റ്റി​റ​ക്ക് ജോലി സു​ഗ​മ​മാ​ക്കു​ന്ന​തി​ന് വി​വി​ധ പ​ദ്ധ​തി​ക​ൾ ത​യാ​റാ​ക്കി​യെ​ങ്കി​ലും ഇ​വ​യി​ൽ പ​ല​തും ജ​ല​രേ​ഖ​യാ​യി​രി​ക്കു​ക​യാ​ണ്. ജീ​വ​ൻ പ​ണ​യം വ​ച്ചാ​ണ് യാ​ത്ര​ക്കാ​ർ റോ​ഡി​ലൂ​ടെ യാ​ത്ര ചെ​യ്യു​ന്ന​ത്.

കാ​ൽ​ന​ട, ഇ​രു​ച​ക്ര വാ​ഹ​ന യാ​ത്രി​ക​രാ​ണ് കൂ​ടു​ത​ൽ ബു​ദ്ധി​മു​ട്ട് അ​നു​ഭ​വി​ക്കു​ന്ന​ത്. സ്കൂ​ൾ, ഓ​ഫീ​സ് സ​മ​യ​ങ്ങ​ളി​ൽ സ്ത്രീ​ക​ള​ട​ക്ക​മു​ള്ള യാ​ത്ര​ക്കാ​ർ ഏ​റെ ബു​ദ്ധി​മു​ട്ടി​യാ​ണ് റോ​ഡി​ലൂ​ടെ ക​ട​ന്നു​പോ​കു​ന്ന​ത്. റോ​ഡി​ലെ തി​ര​ക്ക് ക​ണ​ക്കി​ലെ​ടു​ത്ത് ന​ട​പ്പി​ലാ​ക്കി​യ വ​ണ്‍​വേ അ​ട​ക്കു​മു​ള്ള ഗ​താ​ഗ​ത സം​വി​ധാ​ന​ങ്ങ​ൾ പാ​ളി​യി​രി​ക്കു​ക​യാ​ണ്.ലോ​ഡു​മാ​യെ​ത്തു​ന്ന വാ​ഹ​ന​ങ്ങ​ൾ അ​ല​ക്ഷ്യ​മാ​യി പാ​ർ​ക്ക് ചെ​യ്യു​ന്ന​തും അ​പ​ക​ട സാ​ധ്യ​ത വ​ർ​ധി​പ്പി​ക്കു​ന്നു.

മൂ​വാ​റ്റു​പു​ഴ​യി​ൽ​നി​ന്നു കോ​ത​മം​ഗ​ലം, പോ​ത്താ​നി​ക്കാ​ട് ഭാ​ഗ​ങ്ങ​ളി​ലേ​ക്കു​ള്ള ബ​സു​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ പ​ല​പ്പോ​ഴും പ്ര​യാ​സ​പ്പെ​ട്ടാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്. ദി​വ​സ​വും മാ​ർ​ക്ക​റ്റി​ലെ മൊ​ത്ത​വ്യാ​പാ​ര ശാ​ല​ക​ളി​ലേ​ക്കു നൂ​റു​ക​ണ​ക്കി​നു വാ​ഹ​ന​ങ്ങ​ളാ​ണ് എ​ത്തു​ന്ന​ത്. പ്ര​ധാ​ന മാ​ർ​ക്ക​റ്റ് ദി​വ​സ​ങ്ങ​ളാ​യ തി​ങ്ക​ൾ, വ്യാ​ഴം ദി​വ​സ​ങ്ങ​ളി​ൽ നി​ര​വ​ധി വാ​ഹ​ന​ങ്ങ​ളെ​ത്തു​ന്ന​ത് യാ​ത്ര​ക്കാ​രു​ടെ ദു​രി​തം ഇ​ര​ട്ടി​യാ​ക്കും.

വീ​തി​കു​റ​ഞ്ഞ റോ​ഡി​ൽ നി​യ​മം പാ​ലി​ക്കാ​തെ വാ​ഹ​ന​ങ്ങ​ൾ തി​രി​യു​ന്ന​തും പ​ല​പ്പോ​ഴും ഗ​താ​ഗ​ത​ക്കു​രി​ക്കി​നു കാ​ര​ണ​മാ​കു​ന്നു​ണ്ടെ​ന്നും ആ​ക്ഷേ​പ​മു​ണ്ട്. മാ​ർ​ക്ക​റ്റി​ൽ സാ​ധ​ന​ങ്ങ​ൾ ഇ​റ​ക്കാ​നും ക​യ​റ്റാ​നു​മാ​യി റോ​ഡി​ന്‍റെ ഒ​രു വ​ശ​ത്ത് വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​നാ​ണ് ന​ഗ​ര​സ​ഭ അ​നു​വ​ദി​ച്ചി​ട്ടു​ള്ള​ത്. എ​ന്നാ​ൽ തൊ​ഴി​ലാ​ളി​ക​ളു​ടെ​യും മ​റ്റും സൗ​ക​ര്യ​ത്തി​ന​നു​സ​രി​ച്ച് ഇ​രു​വ​ശ​ങ്ങ​ളി​ലും വാ​ഹ​നം പാ​ർ​ക്ക് ചെ​യ്ത് ക​യ​റ്റി​റ​ക്ക് ജോ​ലി​ക​ൾ ന​ട​ത്തു​ന്ന​തു ദു​രി​തം വ​ർ​ധി​പ്പി​ക്കു​ക​യാ​ണ്.

മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ റോ​ഡി​ന് ഇ​രു​വ​ശ​ത്തും വാ​ഹ​ന​ങ്ങ​ൾ പാ​ർ​ക്ക് ചെ​യ്ത് ക​യ​റ്റി​റ​ക്ക് ന​ട​ത്തു​ന്ന​തി​നെ​തി​രേ‌ വി​വി​ധ സം​ഘ​ട​ന​ക​ളു​ടെ​യും നാ​ട്ടു​കാ​രു​ടെ​യും നേ​തൃ​ത്വ​ത്തി​ൽ പ്ര​തി​ഷേ​ധ​മു​യ​ർ​ന്നെ​ങ്കി​ലും അ​ധി​കൃ​ത​ർ ഇ​തു​വ​രെ ന​ട​പ​ടി സ്വീ​ക​രി​ച്ചി​ട്ടി​ല്ല. നി​യ​മ ലം​ഘ​നം ന​ട​ത്തു​ന്ന​വ​ർ​ക്കെ​തി​രേ ന​ട​പ​ടി സ്വീ​ക​രി​ക്ക​ണ​മെ​ന്നു ന​ഗ​ര​സ​ഭ ഗ​താ​ഗ​ത ഉ​പ​ദേ​ശ​ക സ​മി​തി നി​ർ​ദേ​ശം ന​ൽ​കി​യി​ട്ടു​ണ്ടെ​ങ്കി​ലും ട്രാ​ഫി​ക് പോ​ലീ​സ് അ​ട​ക്കം നി​സം​ഗ​ത തു​ട​രു​ക​യാ​ണ്.

ക​യ​റ്റി​റ​ക്ക് സ​മ​യ​ങ്ങ​ളി​ൽ ട്രാ​ഫി​ക് പോ​ലീ​സി​ന്‍റെ​യും മ​റ്റും പ​രി​ശോ​ധ​ന പേ​രി​ലൊ​തു​ങ്ങു​ന്ന​താ​യും ആ​രോ​പ​ണം ശ​ക്ത​മാ​ണ്. ഗ​താ​ഗ​ത നി​യ​മ​ങ്ങ​ൾ ലം​ഘി​ച്ചെ​ത്തു​ന്ന ഡ്രൈ​വ​ർ​മാ​ർ​ക്കെ​തി​രേ പ​ല​പ്പോ​ഴും അ​ധി​കൃ​ത​ർ സ്വീ​ക​രി​ക്കു​ന്ന മൃ​ദു​സ​മീ​പ​ന​മാ​ണ് പ്ര​ശ്നം രൂ​ക്ഷ​മാ​ക്കു​ന്ന​തെ​ന്നും പ​റ​യ​പ്പെ​ടു​ന്നു.