പൊ​ട്ടി​പ്പൊ​ളി​ഞ്ഞ ടൈ​ലു​ക​ൾ, ത​ക​ർ​ന്ന വൈ​ദ്യു​തി വി​ള​ക്കു​ക​ൾ, ഇ​ഴ​ജ​ന്തു​ക്ക​ളു​ടെ വി​ഹാ​ര കേ​ന്ദ്രം; മൂ​വാ​റ്റു​പു​ഴ​യി​ലെ പു​ഴ​യോ​ര ന​ട​പ്പാ​തയുടെ വിശേഷണങ്ങൾ ഇവിടെ തിരുന്നില്ല….

മൂ​വാ​റ്റു​പു​ഴ: പൊ​ട്ടി​പ്പൊ​ളി​ഞ്ഞ ടൈ​ലു​ക​ൾ, ത​ക​ർ​ന്ന വൈ​ദ്യു​തി വി​ള​ക്കു​ക​ൾ, ഇ​ഴ​ജ​ന്തു​ക്ക​ളു​ടെ വി​ഹാ​ര കേ​ന്ദ്രം. ല​ക്ഷ​ക​ണ​ക്കി​നു രൂ​പ ചെ​ല​വ​ഴി​ച്ചു നി​ർ​മി​ച്ച പു​ഴ​യോ​ര ന​ട​പ്പാ​ത​യി​ലെ വി​ശേ​ഷ​ണ​ങ്ങ​ൾ ഇ​നി​യു​മു​ണ്ട്.

ന​ട​പ്പാ​ത സം​ര​ക്ഷി​ക്കാ​ൻ ന​ഗ​ര​സ​ഭാ​ധി​കൃ​ത​ർ ത​യാ​റാ​കാ​ത്ത​താ​ണ് ഇ​തി​നു പ്ര​ധാ​ന​കാ​ര​ണം. മു​ൻ എം​എ​ൽ​എ ജോ​സ​ഫ് വാ​ഴ​യ്ക്ക​ന്‍റെ ആ​സ്തി വി​ക​സ​ന ഫ​ണ്ടി​ൽ​നി​ന്നു കേ​ന്ദ്ര​സം​സ്ഥാ​ന ടൂ​റി​സം പ​ദ്ധ​തി​യി​ലു​ൾ​പ്പെ​ടു​ത്തി മൂ​ന്ന​ര കോ​ടി​യോ​ളം ചെ​ല​വ​ഴി​ച്ച് നി​ർ​മി​ച്ച പു​ഴ​യോ​ര ന​ട​പ്പാ​ത​യു​ടെ അ​വ​സ്ഥ ഇ​പ്പോ​ൾ ഏ​റെ ദ​യ​നീ​യ​മാ​ണ്.

പ്ര​ദേ​ശ​വാ​സി​ക​ള​ട​ക്കം നി​ര​വ​ധി പേ​ർ എ​ത്തി​യി​രു​ന്ന ന​ട​പ്പാ​ത സ​ന്ധ്യ ക​ഴി​യു​ന്ന​തോ​ടെ ഇ​രു​ട്ടി​ലാ​കു​ക​യാ​ണ്. അ​ന്പ​തോ​ളം ലൈ​റ്റു​ക​ളാ​ണ് ഒ​ന്നേ​കാ​ൽ കി​ലോ​മീ​റ്റ​ർ ദൂ​ര​മു​ള്ള ന​ട​പ്പാ​ത​യി​ലു​ള്ള​ത്.

പാ​ത​യോ​ര​ത്തെ വ​ഴി​വി​ള​ക്കു​ക​ളി​ലെ ചി​ല്ലു​ക​ളെ​ല്ലാം ത​ക​ർ​ന്ന നി​ല​യി​ലാ​ണ്. വെ​ളി​ച്ച​മി​ല്ലാ​താ​യ​തോ​ടെ സാ​മൂ​ഹ്യ വി​രു​ദ്ധ​രു​ടെ താ​വ​ള​മാ​യി മാ​റി​യി​രി​ക്കു​ക​യാ​ണ് ന​ട​പ്പാ​ത.

ഇ​തി​നു പു​റ​മെ ഇ​ഴ​ജ​ന്തു​ക്ക​ളു​ടെ ശ​ല്യ​വു​മു​ണ്ട്. നി​ര​വ​ധി പേ​ർ നേ​ര​ത്തേ സാ​യാ​ഹ്ന സ​വാ​രി​ക്ക​ട​ക്കം ഇ​വി​ടെ എ​ത്തു​ന്നു​ണ്ടാ​യി​രു​ന്നു.

ലൈ​റ്റു​ക​ൾ തെ​ളി​ക്ക​ണ​മെ​ന്നാ​വ​ശ്യ​പ്പെ​ട്ട് ന​ഗ​ര​സ​ഭാ പ്ര​തി​പ​ക്ഷാം​ഗ​ങ്ങ​ൾ ഉ​ൾ​പ്പെ​ടെ രം​ഗ​ത്തു വ​ന്നെ​ങ്കി​ലും ന​ട​പ​ടി​ക​ളൊ​ന്നും സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ല.

ഇ​ടു​ക്കി ജി​ല്ല​യി​ലെ മൂ​ന്നാ​ർ അ​ട​ക്ക​മു​ള്ള വി​വി​ധ ഭാ​ഗ​ങ്ങ​ളി​ലേ​ക്കു പോ​കു​ന്ന വി​നോ​ദ​സ​ഞ്ചാ​രി​ക​ളെ ല​ക്ഷ്യ​മി​ട്ട് മൂ​വാ​റ്റു​പു​ഴ​യെ ടൂ​റി​സ​ത്തി​ന്‍റെ ഹ​ബ്ബാ​ക്കി മാ​റ്റു​ക​യെ​ന്ന ല​ക്ഷ്യ​ത്തോ​ടെ നി​ര​വ​ധി പ​ദ്ധ​തി​ക​ൾ ആ​വി​ഷ്ക​രി​ച്ചി​രു​ന്നു.

ഇ​തി​ന്‍റെ പ്രാ​രം​ഭ ഘ​ട്ട​മെ​ന്ന നി​ല​യി​ലാ​ണ് ന​ട​പ്പാ​ത നി​ർ​മി​ച്ച​ത്. മൂ​ന്ന് ആ​റു​ക​ൾ സം​ഗ​മി​ക്കു​ന്ന ത്രി​വേ​ണി സം​ഗ​മ​ത്തി​ന്‍റെ സൗ​ന്ദ​ര്യം ആ​സ്വ​ദി​ക്കാ​നും ന​ട​പ്പാ​ത​യി​ലൂ​ടെ എ​ത്തു​ന്ന​വ​ർ​ക്ക് ക​ഴി​യു​ന്നു​ണ്ട്.

മെ​യി​ന്‍റ​ന​ൻ​സും ശു​ചീ​ക​ര​ണ​വു​മ​ട​ക്ക​മു​ള്ള കാ​ര്യ​ങ്ങ​ളു​ടെ ഉ​ത്ത​ര​വാ​ദി​ത്വം ന​ഗ​ര​സ​ഭ​യ്ക്കാ​ണ് ന​ൽ​കി​യി​രി​ക്കു​ന്ന​ത്. മൂ​വാ​റ്റു​പു​ഴ​യാ​റി​ലെ ത്രി​വേ​ണി സം​ഗ​മം മു​ത​ൽ ല​താ​പാ​ലം വ​രെ ബ​ന്ധി​പ്പി​ക്കു​ന്ന രീ​തി​യി​ലാ​ണ് ന​ട​പ്പാ​ത നി​ർ​മി​ച്ച​ത്.

ര​ണ്ടാം​ഘ​ട്ട​ത്തി​ൽ ക​ച്ചേ​രി​ത്താ​ഴം പു​തി​യ​പാ​ലം വ​രെ നീ​ളു​ന്ന മ​റ്റൊ​രു​ന​ട​പ്പാ​ത​യും ല​ക്ഷ്യ​മി​ട്ടി​രു​ന്നു. വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന രീ​തി​യി​ൽ ക​ഫേ, പാ​ർ​ക്ക്, ബോ​ട്ട് സ​ർ​വീ​സ് എ​ന്നി​വ പ​ദ്ധ​തി​യി​ലു​ൾ​പ്പെ​ടു​ത്തു​വാ​നാ​യി​രു​ന്നു തീ​രു​മാ​നം.

എ​ന്നാ​ൽ വി​ള​ക്കു​ക​ൾ തെ​ളി​യാ​ത്ത​തി​നു പു​റ​മെ പാ​ത​യി​ൽ വി​രി​ച്ചി​രു​ന്ന ടൈ​ൽ​സു​ക​ളും ഇ​ള​കി ന​ശി​ച്ചു. പ​ല ഭാ​ഗ​ങ്ങ​ളി​ലും കു​ഴി​ക​ൾ രൂ​പ​പ്പെ​ട്ടു. കു​ളി​ക്ക​ട​വി​ലേ​ക്കു​ള്ള ടൈ​ൽ​സു​ക​ളും പൊ​ട്ടി​പ്പൊ​ളി​ഞ്ഞു.

ന​ട​പ്പാ​ത​യു​ടെ ഇ​രു​വ​ശ​ങ്ങ​ളി​ലും കാ​ടു​ക​ൾ ക​യ​റി​യും, ക​ഴി​ഞ്ഞ വെ​ള്ള​പ്പൊ​ക്ക​ത്തി​ൽ പാ​ത​ക​ളി​ൽ ക​രി​യി​ല​ക​ളും മ​ര​ക്കൊ​ന്പു​ക​ൾ വീ​ണും മാ​ലി​ന്യ​കേ​ന്ദ്ര​മാ​യി മാ​റി ക​ഴി​ഞ്ഞു.

ഫ​ല​ത്തി​ൽ അ​ധി​കൃ​ത​രു​ടെ അ​നാ​സ്ഥ​മൂ​ലം മൂ​വാ​റ്റു​പു​ഴ ന​ഗ​ര​ത്തി​ന്‍റെ മു​ഖ​ശ്രീ​യാ​യ ന​ട​പ്പാ​ത​യും നാ​ശ​ത്തി​ന്‍റെ വ​ക്കി​ലാ​ണ്.