കൊട്ടാരക്കര: തലകറങ്ങി വീണ യുവാവിന്‍റെ മോതിരം മോഷ്ടിച്ച ആളെ എഴുകോൺ പോലീസ് അറസ്റ്റ് ചെയ്തു.
എഴുകോൺ അറുപറക്കോണം ചരുവിള വീട്ടിൽ ബിജു (മൈഡി -49) നെയാണ് അറസ്റ്റ് ചെയ്തത്. കഴിഞ്ഞ എട്ടിനാണ് സംഭവം.
എഴുകോൺ സ്വദേശിയായ അനന്തുവിന്‍റെ മോതിരമാണ് മോഷ്ടിച്ചത്. തല കറങ്ങി കടത്തിണ്ണയിൽ കിടന്ന അനന്തുവിന്‍റെ വിരലിൽ നിന്നും മോതിരം മോഷ്ടിക്കുകയായിരുന്നു.
ബോധം വന്നശേഷം വീട്ടിലെത്തിയപ്പോഴാണ് മോതിരം നഷ്ടമായതറിയുന്നത്. തുടർന്നു നടത്തിയ അന്വേഷണത്തിലാണ് പ്രതി പിടിയിലായത്.
കൊട്ടാരക്കര ഡിവൈഎസ്പി ജി.ഡി വിജയകുമാറിന്‍റെ നേതൃത്വത്തിൽ എഴുകോൺ ഇൻസ്‌പെക്ടർ റ്റി.എസ് ശിവപ്രകാശ്, എസ്ഐ അനീസ്,
എസ്ഐ വി.വി സുരേഷ്, എഎസ്ഐ ഷിബു, എഎസ്ഐ വിജയൻ, സിപിഒ ഉമേഷ് ലാൽ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. പ്രതിയെ റിമാൻഡ് ചെയ്തു.
