ആലുവ: മോഷ്ടിച്ച ബൈക്കിൽ കറങ്ങി മോഷണത്തിനിറങ്ങിയ രണ്ടു പേർ ഒടുവിൽ ആലുവ ഈസ്റ്റ് പോലിസിന്‍റെ പിടിയിലായി.
ചേർത്തല പള്ളിപ്പുറം അമ്പനാട്ട് വീട്ടിൽ മഹേഷ് (46), കൊടുങ്ങല്ലൂർ എസ്എൻ പുരം നെല്ലിപ്പറമ്പത്ത് ബൈജു (25) എന്നിവരെയാണ് കഴിഞ്ഞ ദിവസം പുലർച്ചെ ആലുവ പ്രൈവറ്റ് ബസ് സ്റ്റാൻഡ് പരിസരത്തുനിന്ന് കസ്റ്റഡിയിലെടുത്തത്.
മോഷ്ടിച്ച ലാപ്പ് ടോപ്പ്, മൊബൈൽ ഫോണുകൾ, സ്വർണമാല, വിഗ്രഹം എന്നിവ ഇവരിൽനിന്ന് പോലീസ് കണ്ടെടുക്കുകയും ചെയ്തു.
