കോയന്പത്തൂർ: ബൈക്ക് മോഷണസംഘത്തിലെ നാലുപേരെ പിടികൂടി. രത്നപുരി വിജയകുമാർ (22), സായ്ബാബ കോളനി മദൻകുമാർ (22), ബാബു (27), ജാഹിർ (26) എന്നിവരാണ് അറസ്റ്റിലായത്.
ഗാന്ധിപുരം ക്രോസ്കട്ട് റോഡ്, മെഡിക്കൽ കോളജ് ആശുപത്രി, പീളമേട്, പോത്തന്നൂർ തുടങ്ങിയ സ്ഥലങ്ങളിൽ ബൈക്ക് മോഷണം പതിവായതിനെ തുടർന്നു പ്രത്യേകസംഘം പ്രദേശത്തെ സിസിടിവി കാമറ പരിശോധിച്ചതിനെ തുടർന്നാണ് ബൈക്ക് മോഷണം പതിവാക്കിയ സംഘത്തെ പിടികൂടിയത്.
ലെയ്ത്ത് വർക്ക്ഷോപ്പിലെ തൊഴിലാളികളായ നാലുപേരും ആഡംബരജീവിതം മോഹിച്ചാണ് ബൈക്ക് മോഷണം നടത്തിയതെന്ന് ചോദ്യംചെയ്യലിൽ ഇവർ മൊഴിനല്കി. ഇവരുടെ പക്കൽനിന്നും പത്തു ബൈക്കുകൾ പിടിച്ചെടുത്തു.
