ആലുവ: വെള്ളപ്പൊക്കത്തേത്തുടർന്നു പൂട്ടിക്കിടന്ന വീടുകളിൽനിന്നും ബ്രേക്ക്ഡൗണായി കിടക്കുന്ന വാഹനങ്ങളിൽനിന്നും മറ്റും മോഷണം നടത്താനായി ആലപ്പുഴയിൽനിന്നെത്തിയ നാലംഗസംഘത്തെ പോലീസ് പിടികൂടി. അരൂക്കുറ്റി സ്വദേശി മനീഷ് (21), പാണാവള്ളി കൊലവെള്ളിച്ചിറ താഹിർ (21), അരൂക്കുറ്റി പുതുമന വീട് ബിലാൽ (22), അരൂക്കുറ്റി കൊക്കാട്ട് ജിത്തു (21) എന്നിവരെയാണ് അറസ്റ്റ് ചെയ്തത്.
ഇവരുടെ പക്കൽനിന്നു കവർച്ചയ്ക്കായി ഉപയോഗിക്കുന്ന കുത്തുളി, സ്ക്രൂഡ്രൈവർ, കത്തി, കട്ടിംഗ് പ്ലയർ എന്നിവ കണ്ടെടുത്തു. മനീഷ് കളമശേരി പോലീസ് സ്റ്റേഷനിലെ പിടിച്ചുപറി കേസിലെ പ്രതിയാണ്.
