പരിയാരം: കണ്ണൂർ ഗവ.മെഡിക്കൽ കോളജ് പരിസരത്തെ നിർത്തിയിട്ട ഓട്ടോറിക്ഷകളിൽ കവർച്ച നടത്തുന്ന വിരുതൻ അറസ്റ്റിൽ. ചിറക്കൽ കുന്നുംകൈയിലെ പി.വി.നൗഷാദ് (49) നെയാണ് പരിയാരം സിഐ കെ.വി.ബാബു അറസ്റ്റ് ചെയ്തത്.
മെഡിക്കൽ കോളജ് പരിസരത്ത് രോഗികളുമായി എത്തി പാർക്ക് ചെയ്യുന്ന ഓട്ടോറിക്ഷകളിൽ കവർച്ച നടക്കുന്നതായി നിരവധി പരാതികൾ ഉയർന്നിരുന്നുവെങ്കിലും പോലീസിൽ രേഖാമൂലം പരാതികൾ ലഭിച്ചിരുന്നില്ല. കഴിഞ്ഞ 16ന് ഇവിടെ നിർത്തിയിട്ട ആലക്കോട് വെള്ളാട്ടെ ഇടുപുരയിടത്തിൽ അജിത് പ്രസാദിന്‍റെ കെഎൽ 59 എഫ് 3054 ഓട്ടോറിക്ഷയുടെ ഡാഷ് ബോർഡിൽ സൂക്ഷിച്ച 12,000 രൂപ മോഷ്ടിച്ച കേസിലാണ് നൗഷാദിനെ അറസ്റ്റ് ചെയ്തത്.
നേരത്തെ കക്കാട് അരയാൽ തറയിൽ സമാന രീതിയിൽ കവർച്ച നടത്തിയതിനാൽ നൗഷാദിനെ പിടികൂട ചോദ്യം ചെയ്തപ്പോഴാണ് കുറ്റം സമ്മതിച്ചത്. വൈകുന്നേരം പയ്യന്നൂർ കോടതിയിൽ ഹാജരാക്കും.
