ക​ള്ള​ന്‍റെ പ്രാ​ർ​ഥ​ന കേ​ട്ടി​ല്ല! പൂ​ട്ട് ത​ക​ർ​ത്ത്  തി​രു​വാ​ഭ​ര​ണം ക​വ​ർ​ന്ന​ അ​മ്പ​ല​പ്പു​ഴ സ്വ​ദേ​ശി രാ​ജേ​ഷിനെ കുടുക്കി പോലീസ്

അ​രൂ​ർ: ശ്രീ​കു​മാ​ര​വി​ലാ​സം ക്ഷേ​ത്ര​ത്തി​ൽ ശ്രീ​കോ​വി​ലി​ന്‍റെ പ​ടി​യി​ൽ തൊ​ട്ട് തൊ​ഴു​ത​ശേ​ഷം പൂ​ട്ട് ത​ക​ർ​ത്ത് മോ​ഷ​ണം ന​ട​ത്തി​യ പ്ര​തി പി​ടി​യി​ൽ.

അ​മ്പ​ല​പ്പു​ഴ സ്വ​ദേ​ശി രാ​ജേ​ഷാ​ണ് പി​ടി​യി​ലാ​യ​ത്. ഇ​യാ​ളെ വെ​ള്ളി​യാ​ഴ്ച വൈ​കീ​ട്ടോ​ടെ അ​മ്പ​ല​പ്പു​ഴ​യി​ൽ​നി​ന്ന് അ​രൂ​ർ പോ​ലീ​സ് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

ക്ഷേ​ത്ര​ത്തി​ലെ പ്ര​തി​ഷ്ഠ​യാ​യ സു​ബ്ര​ഹ്മ​ണ്യ​സ്വാ​മി​ക്ക് ചാ​ർ​ത്തു​ന്ന പ​ത്ത് പ​വ​നോ​ളം വ​രു​ന്ന സ്വ​ർ​ണാ​ഭ​ര​ണ​ങ്ങ​ളാ​ണ് മോ​ഷ്ടി​ച്ച​ത്.

വെ​ള്ളി​യാ​ഴ്ച പു​ല​ർ​ച്ചെ 12.55നാ​ണ് ക്ഷേ​ത്ര​ത്തി​ൽ മോ​ഷ​ണം ന​ട​ന്ന​ത്. ക്ഷേ​ത്ര​ത്തി​ന്‍റെ നാ​ല​മ്പ​ല​ത്തി​നു​ള്ളി​ൽ ഒ​രു മ​ണി​ക്കൂ​റോ​ളം ചെ​ല​വി​ട്ട മോ​ഷ്ടാ​വ് ശ്രീ​കോ​വി​ലി​ന്‍റെ പ​ടി​യി​ൽ തൊ​ട്ട് തൊ​ഴു​തി​ട്ടാ​ണ് അ​ക​ത്തു​ക​യ​റി​യ​ത്.

ഇ​തി​ന്‍റെ സി​സി​ടി​വി ദൃ​ശ്യ​ങ്ങ​ൾ പു​റ​ത്തു​വ​ന്നി​രു​ന്നു. കാ​വി​മു​ണ്ടും നീ​ല ഷ​ർ​ട്ടും ധ​രി​ച്ചെ​ത്തി​യ മോ​ഷ്ടാ​വ് മു​ഖം​മൂ​ടി​യും ധ​രി​ച്ചി​രു​ന്നു. അ​ഞ്ച​ര​പ്പ​വ​ൻ തൂ​ക്കം വ​രു​ന്ന കി​രീ​ടം, മൂ​ന്നു പ​വ​ന്‍റെ നെ​ക്ലേ​സ്, ഒ​ന്ന​ര​പ്പ​വ​ന്‍റെ കു​ണ്ഡ​ലം എ​ന്നി​വ​യാ​ണ് ന​ഷ്ട​മാ​യ​ത്.

ദീ​പാ​രാ​ധ​ന സ​മ​യ​ത്ത് ചാ​ർ​ത്തു​ന്ന ഇ​വ അ​ത്താ​ഴ പൂ​ജ​യോ​ടെ അ​ഴി​ച്ച് ശ്രീ​കോ​വി​ലി​നു​ള്ളി​ലെ പ​ല​ക​യി​ൽ വ​യ്ക്കു​ക​യാ​ണ് പ​തി​വ്.

ക്ഷേ​ത്ര​വ​ള​പ്പി​ലെ ശാ​ന്തി​മ​ഠ​ത്തി​ൽ താ​മ​സി​ക്കു​ന്ന ക​ഴ​ക​ക്കാ​ര​നും മാ​ല കെ​ട്ടു​കാ​ര​നു​മാ​ണ് മോ​ഷ​ണം ആ​ദ്യ​മ​റി​ഞ്ഞ​ത്. ഇ​വ​ർ പു​ല​ർ​ച്ചെ എ​ഴു​ന്നേ​റ്റ​പ്പോ​ൾ തെ​ക്കു​ഭാ​ഗ​ത്തെ നാ​ല​മ്പ​ല വാ​തി​ൽ തു​റ​ന്നു​കി​ട​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ടു.

ഉ​ട​ൻ ദേ​വ​സ്വം ഭാ​ര​വാ​ഹി​ക​ളെ വി​വ​രം അ​റി​യി​ച്ചു. ഇ​വ​ർ സ്ഥ​ല​ത്തെ​ത്തി​യ​പ്പോ​ഴാ​ണ് ശ്രീ​കോ​വി​ലി​ന്‍റെ താ​ഴ് ത​ക​ർ​ത്ത് സ്വ​ർ​ണ ഉ​രു​പ്പ​ടി​ക​ൾ മോ​ഷ്ടി​ച്ച​താ​യി മ​ന​സി​ലാ​യ​ത്.

ഒ​ക്ടോ​ബ​ർ ഏ​ഴി​ന് ഇ​തേ രീ​തി​യി​ൽ ച​ന്തി​രൂ​ർ കാ​ഞ്ഞി​ര​ത്തി​ങ്ക​ൽ ക്ഷേ​ത്ര​ത്തി​ലും മോ​ഷ​ണം ന​ട​ന്നി​രു​ന്നു. ഇ​തി​ന്‍റെ അ​ന്വേ​ഷ​ണം വ​ഴി​മു​ട്ടി നി​ൽ​ക്കു​ന്ന​തി​നി​ടെ​യാ​ണ് അ​ഞ്ച് കി​ലോ​മീ​റ്റ​ർ പ​രി​ധി​യി​ൽ വീ​ണ്ടു​മൊ​രു മോ​ഷ​ണം ന​ട​ന്ന​ത്.

ക​ള​വു പോ​യ ആ​ഭ​ര​ണ​ങ്ങ​ളും ഇ​യാ​ളി​ൽ​നി​ന്ന് ക​ണ്ടെ​ത്തി​യ​താ​യാ​ണ് ല​ഭ്യ​മാ​യ വി​വ​രം. ഇ​ക്കാ​ര്യ​ത്തി​ൽ ശ​നി​യാ​ഴ്ച കൂ​ടു​ത​ൽ വെ​ളി​പ്പെ​ടു​ത്ത​ലു​ക​ൾ ഉ​ണ്ടാ​കു​മെ​ന്ന് ഉ​ന്ന​ത പോ​ലീ​സ് വൃ​ത്ത​ങ്ങ​ൾ അ​റി​യി​ച്ചു.