മട്ടാഞ്ചേരി: കൂവപ്പാടത്തുള്ള വയോധികയെ ദേഹോപദ്രവം ഏല്പിച്ചശേഷം കത്തികാട്ടി ഭീഷണിപ്പെടുത്തി കഴുത്തില്‍ കിടന്ന അഞ്ച് പവന്‍ സ്വര്‍ണമാല കവര്‍ന്ന കേസില്‍ പ്രതി അറസ്റ്റില്‍. ആറ്റിങ്ങല്‍ കരിച്ചയില്‍ സ്വദേശി ശ്യാംകുമാര്‍ (33) ആണ് അറസ്റ്റിലായത്.
കഴിഞ്ഞ മാസം 23 ന് ഉച്ചയ്ക്ക് 12ഓടെയാണ് സംഭവം. വയോധിക വീട്ടില്‍ ഒറ്റയ്ക്കാണെന്ന് മനസിലാക്കിയാണ് പ്രതി കവര്‍ച്ച നടത്തിയത്.
സംഭവം നടന്ന ശേഷം വയോധിക മകനെ ഫോണിൽ ബന്ധപ്പെ ടുകയും മകന്‍ പോലീസിനെ അറിയിക്കുകയുമായിരുന്നു.
മട്ടാഞ്ചേരി ഇന്‍സ്‌പെക്ടര്‍ തൃദീപ് ചന്ദ്രന്‍റെ നേതൃത്വത്തിലാണ് പ്രതിയെ പിടികൂടിയത്. കൊച്ചിയില്‍ കേബിള്‍ ടിവിയുടെ ജോലി ചെയ്തു വരുന്ന ആളാണ് പ്രതി.
