തിരുവനന്തപുരം: വഞ്ചിയൂരിലെ കണ്‍സ്യൂമർ ഫെഡിന്‍റെ കീഴിലുള്ള മദ്യവിൽപ്പനശാലയിൽ മോഷണം. മുന്തിയ ഇനം മദ്യവും ഔട്ട്‌ലെറ്റിൽ സൂക്ഷിച്ചിരുന്ന പണവും അപഹരിച്ചു. വഞ്ചിയൂർ ചെട്ടിക്കുളങ്ങരക്ക് സമീപം പ്രവർത്തിക്കുന്ന കണ്‍സ്യൂമർ ഫെഡിന്‍റെ മദ്യവിൽപ്പനശാലയിലാണ് മോഷണം നടന്നത്.
പൂട്ട് തകർത്ത് അകത്ത് കടന്ന മോഷ്ടാക്കൾ പതിനയ്യായിരത്തിൽപ്പരം രൂപയുടെ മദ്യം അപഹരിച്ചുവെന്ന് പോലീസ് പറഞ്ഞു. കൂടാതെ മേശയിൽ സൂക്ഷിച്ചിരുന്ന പണവും നഷ്ടമായെന്ന് കണ്‍സ്യൂമർഫെഡ് അധികൃതർ പോലീസിൽ പരാതി നൽകി. വഞ്ചിയൂർ പോലീസ് കേസെടുത്ത് അന്വേഷണം തുടങ്ങി.
