ഷി​ബു​ ബേ​ബി ജോ​ണി​ന്‍റെ വീ​ട്ടി​ലെ മോ​ഷ​ണം; വാതിൽ തുറന്ന് കവർച്ച നടത്തുന്നവരെ കേന്ദ്രീകരിച്ച് അന്വേഷണം

കൊ​ല്ലം: മു​ന്‍ മ​ന്ത്രി​യും ആ​ര്‍​എ​സ്പി നേ​താ​വു​മാ​യ ഷി​ബു​ബേ​ബി ജോ​ണി​ന്‍റെ കൊ​ല്ല​ത്തെ കു​ടും​ബ വീ​ട്ടി​ല്‍ നടന്ന മോ​ഷ​ണ​വു​മാ​യി ബ​ന്ധ​പ്പെ​ട്ട് അ​ന്വേ​ഷ​ണം ഊ​ർ​ജി​ത​മാ​ക്കി.

ഫിം​ഗ​ർ പ്രി​ന്‍റ് പ​രി​ശോ​ധ​ന തു​ട​ർ​ന്നു​വ​രി​ക​യാ​ണെ​ന്ന് കൊ​ല്ലം ഈ​സ്റ്റ് സി​ഐ പ​റ​ഞ്ഞു. വീ​ടി​ന്‍റെ വാ​തി​ല്‍ തു​റ​ന്ന് ക​വ​ര്‍​ച്ച ന​ട​ത്തു​ന്ന മോ​ഷ്ടാ​ക്ക​ളെ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​മാ​ണ് കൊ​ല്ലം എ​സി​പി​യു​ടെ നേ​തൃ​ത്വ​ത്തി​ലു​ള്ള സം​ഘം ന​ട​ത്തു​ന്ന​ത്.

ക​ട​പ്പാ​ക്ക​ട​യി​ലു​ള്ള കു​ടും​ബ​വീ​ടാ​യ വ​യ​ലി​ല്‍ വീ​ട്ടി​ല്‍ നി​ന്ന് 47 പ​വ​ന്‍ സ്വ​ര്‍​ണ​മാ​ണ് ന​ഷ്ട​മാ​യ​ത്. വീ​ടി​ന്‍റെ മു​ന്‍​വാ​തി​ല്‍ ത​ക​ര്‍​ത്ത് അ​ക​ത്തു​ക​ട​ന്ന ശേ​ഷം ഗ്ലാ​സ് വാ​തി​ലു​ക​ളും ത​ക​ര്‍​ത്താ​ണ് മോ​ഷ​ണം.

താ​ഴ​ത്തെ നി​ല​യി​ലെ അ​ല​മാ​ര​യി​ല്‍ സൂ​ക്ഷി​ച്ചി​രു​ന്ന സ്വ​ര്‍​ണാ​ഭ​ര​ണ​ങ്ങ​ളാ​ണ് ന​ഷ്ട​മാ​യ​ത്. ഷി​ബു ബേ​ബി ജോ​ണി​ന്‍റെ മാ​താ​വി​ന്‍റെ വി​വാ​ഹ സ്വ​ര്‍​ണാ​ഭ​ര​ണ​ങ്ങ​ളും സ​മ്മാ​ന​മാ​യി ല​ഭി​ച്ച ആ​ഭ​ര​ണ​ങ്ങ​ളു​മാ​ണ് മോ​ഷ​ണം പോ​യ​തെ​ന്ന് പോ​ലീ​സ് പ​റ​ഞ്ഞു.

ര​ണ്ട് നി​ല​യു​ള്ള വീ​ട്ടി​ലെ എ​ല്ലാ​മു​റി​ക​ളി​ലും മോ​ഷ്ടാ​ക്ക​ള്‍ പ്ര​വേ​ശി​ച്ച​താ​യി ക​രു​തു​ന്ന​താ​യി പോ​ലി​സ് പ​റ​ഞ്ഞു. സാ​ധാ​ര​ണ ഈ ​വീ​ട്ടി​ല്‍ രാ​ത്രി സ​മ​യ​ങ്ങ​ളി​ല്‍ ആ​രും ഉ​ണ്ടാ​വാ​റി​ല്ല.

ഷി​ബു​ബേ​ബി ജോ​ണി​ന്‍റെ മാ​താ​വ് പ​ക​ല്‍ സ​മ​യ​ങ്ങ​ളി​ല്‍ ഈ ​വീ​ട്ടി​ല്‍ എ​ത്തു​ക​യും രാ​ത്രി ഷി​ബു​വി​ന്‍റെ വീ​ട്ടി​ലേ​ക്ക് മ​ട​ങ്ങു​ക​യു​മാ​ണ് പ​തി​വ്.

ക​ഴി​ഞ്ഞ ദി​വ​സം രാ​വി​ലെ പ​തി​വ് പോ​ലെ വീ​ട്ടി​ൽ മാ​താ​വെ​ത്തി​യ​പ്പോ​ഴാ​ണ് മോ​ഷ​ണം ന​ട​ന്ന വി​വ​രം അ​റി​യു​ന്ന​ത്. അ​ര്‍​ധ രാ​ത്രി​യോ​ടെ​യാ​ണ് മോ​ഷ​ണം ന​ട​ന്ന​താ​യാ​ണ് പോ​ലീ​സ് സം​ശ​യി​ക്കു​ന്ന​ത്.

ഒ​ന്നി​ല്‍ കൂ​ടു​ത​ല്‍ പേ​ര്‍ ചേ​ര്‍​ന്നാ​യി​രി​ക്കും മോ​ഷ​ണം ന​ട​ത്തി​യ​തെ​ന്നും സം​ശ​യി​ക്കു​ന്നു.ഫോ​റ​ന്‍​സി​ക് വി​ദ​ഗ്ധ​രും ഡോ​ഗ് സ്‌​ക്വാ​ഡും സ്ഥ​ല​ത്ത് എ​ത്തി പ​രി​ശോ​ധ​ന ന​ട​ത്തി.

പോ​ലി​സ് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. പോ​ലീ​സ് നാ​യ വീ​ടി​ന് സ​മീ​പ പ്ര​ദേ​ശ​ങ്ങ​ളി​ല്‍ ചു​റ്റി​ക​റ​ങ്ങി​യ​ശേ​ഷം റോ​ഡ് വ​രെ പോ​യി. മോ​ഷ്ട​ക്കാ​ള്‍ വാ​ഹ​ന​ത്തി​ല്‍ എ​ത്തി​യെ​ന്നാ​ണ് പോ​ലി​സ് സം​ശ​യി​ക്കു​ന്ന​ത്.

പോ​ലീ​സ് സം​ഘം മൂ​ന്ന് ടീം ​ആ​യി അ​ന്വേ​ഷ​ണം ന​ട​ത്തി​വ​രി​ക​യാ​ണ്. സ​മീ​പ​ത്തെ സി​സി ടി​വി ദൃ​ശ്യ​ങ്ങ​ൾ ഉ​ൾ​പ്പ​ടെ​യു​ള്ള​വ പോ​ലീ​സ് പ​രി​ശോ​ധി​ച്ചു​വ​രി​ക​യാ​ണ്. പ്ര​തി​ക​ൾ ഉ​ട​ൻ പി​ടി​യി​ലാ​കു​മെ​ന്നാ​ണ് സൂ​ച​ന