കാ​ഞ്ഞി​ര​പ്പ​ള്ളി ടൗ​ണി​ലും പ​രി​സ​ര​ങ്ങ​ളി​ലും മോ​ഷ​ണ​ശ​ല്യം വ​ർ​ധി​ച്ചു; അന്വേഷണം ശക്തമാക്കി പോലീസ്

കാ​ഞ്ഞി​ര​പ്പ​ള്ളി: കാ​ഞ്ഞി​ര​പ്പ​ള്ളി ടൗ​ണി​ലും പ​രി​സ​ര​ങ്ങ​ളി​ലും മോ​ഷ​ണ​ശ​ല്യം വ​ർ​ധി​ച്ച​താ​യി പ​രാ​തി. ബ​സി​ലും അ​ന്യ സം​സ്ഥാ​ന തൊ​ഴി​ലാ​ളി​ക​ൾ താ​മ​സി​ക്കു​ന്ന ക്യാ​ന്പു​ക​ളി​ലു​മാ​ണ് ഇ​പ്പോ​ൾ മോ​ഷ​ണ​ശ​ല്യം വ​ർ​ധി​ച്ചി​രി​ക്കു​ന്ന​ത്. ഇ​ന്ന​ലെ കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി​യി​ൽ വെ​ച്ച് വീ​ട്ട​മ്മ​യു​ടെ പ​ഴ്സ് ക​വ​ർ​ന്ന യു​വ​തി പോ​ലീ​സ് പി​ടി കൂ​ടി​യി​രു​ന്നു.

സി​സി​ടി​വി ദൃ​ശ്യ​ങ്ങ​ളെ അ​ടി​സ്ഥാ​ന​മാ​ക്കി ന​ട​ന്ന അ​ന്വേ​ഷ​ണ​ത്തി​ൽ പു​ഞ്ച​വ​യ​ൽ സ്വ​ദേ​ശി​നി​യാ​യ യു​വ​തി​യാ​ണ് പൊ​ൻ​കു​ന്നം പോ​ലീ​സി​ന്‍റെ ക​സ്റ്റ​ഡി​യി​ലാ​യ​ത്. ക​ഴി​ഞ്ഞ ദി​വ​സം ബ​സ് യാ​ത്ര​യ്ക്കി​ടെ പ​ഴു​മ​ല ക​തി​രോ​ലി​ൽ ച​ന്ദ്രി​ക​യു​ടെ മൂ​ന്ന​ര​പ​വ​ന്‍റെ സ്വ​ർ​ണ മാ​ല മോ​ഷ​ണം പോ​യി. പാ​റ​ത്തോ​ട്ടി​ൽ നി​ന്നും കെഎ​സ്ആ​ർ​ടി​സി ബ​സി​ൽ ക​യ​റി കാ​ഞ്ഞി​ര​പ്പ​ള്ളി ബ​സ് സ്റ്റാ​ൻ​ഡി​ൽ എ​ത്തി​യ​പ്പോ​ഴാ​ണ് ച​ന്ദ്രി​ക മാ​ല മോ​ഷ​ണ​പോ​യ കാ​ര്യം അ​റി​യു​ന്ന​ത്.

ക​ഴി​ഞ്ഞ ദി​വ​സ​ങ്ങ​ളി​ലാ​യി പ​ല ബ​സ് യാ​ത്ര​കാ​രു​ടെ​യും പ​ഴ്സ് അ​ട​ക്ക​മു​ള്ള സാ​ധ​ന​ങ്ങ​ൾ മോ​ഷ​ണം പോ​യ​താ​യി പ​രാ​തി പ​റ​യു​ന്നു. ടൗ​ണി​നു സ​മീ​പ​ത്ത് അ​ന്യ സം​സ്ഥാ​ന തൊ​ഴി​ലാ​ളി​ക​ൾ താ​മ​സി​ക്കു​ന്ന ക്യാ​ന്പു​ക​ളി​ൽ മോ​ഷ​ണ​വും മോ​ഷ​ണ​ശ്ര​മ​ങ്ങ​ളും ന​ട​ന്നി​രു​ന്നു. കു​രി​ശു​ങ്ക​ൽ ജം​ഗ്ഷ​ന് സ​മീ​പ​ത്ത് നി​ർ​മാ​ണ​ത്തി​ലി​രി​ക്കു​ന്ന കെ​ട്ടി​ട​ത്തി​ൽ കി​ട​ന്ന ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​ടെ ബാ​ഗും ക​ഴി​ഞ്ഞ​യാ​ഴ്ച രാ​ത്രി മോ​ഷ​ണം പോ​യ​താ​യി തൊ​ഴി​ലാ​ളി​ക​ൾ പ​റ​യു​ന്നു.

ഇ​തോ​ടൊ​പ്പം ടൗ​ണി​ലെ വി​വി​ധ ഭാ​ഗ​ങ്ങ​ളി​ൽ നി​ന്നാ​യി ബൈ​ക്കു​ക​ളും മോ​ഷ​ണം പോ​കു​ന്ന​താ​യി പ​രാ​തി ഉ​യ​ർ​ന്നി​രു​ന്നു. കാ​ഞ്ഞി​ര​പ്പ​ള്ളി പേ​ട്ട​ക​വ​ല​യി​ൽ പാ​ർ​ക്ക് ചെ​യ്തി​രു​ന്ന ബൈ​ക്ക് മോ​ഷ്ടി​ച്ച യു​വാ​വി​നെ പോ​ലീ​സ് അ​റ​സ്റ്റ് ചെ​യ്തി​രു​ന്നു. ക​ഴി​ഞ്ഞ ദി​വ​സംപേ​ട്ട സ്കൂ​ളി​നു സ​മീ​പ​ത്ത തൊ​ഴി​ലാ​ളി ക്യാ​ന്പി​ൽ മോ​ഷ്ടാ​വ് പ്ര​വേ​ശി​ച്ചെ​ങ്കി​ലും ഉ​റ​ങ്ങി കി​ട​ന്ന​വ​ർ അ​റി​ഞ്ഞ് ബ​ഹ​ളം വെ​ച്ച​തോ​ടെ ഓ​ടി ര​ക്ഷ​പ്പെ​ട്ടു. ടൗ​ണി​ലെ ര​ണ്ടു ക​ട​ക​ളി​ലും മോ​ഷ​ണം ശ്ര​മം ന​ട​ന്ന​താ​യും പ​രാ​തി​യു​ണ്ട്.