കാ​ലി​ക്ക​ട്ട് സ​ർ​വ​ക​ലാ​ശാ​ലാ ലേ​ഡീ​സ് ഹോ​സ്റ്റ​ലി​ൽ മോ​ഷ​ണം പ​തി​വ് ; സി​സി​ടി​വി കാ​മ​റ​യി​ല്ലാ​ത്ത​ത് മോഷ്ടാക്കൾക്ക് സൗ​ക​ര്യം

തേ​ഞ്ഞി​പ്പ​ലം: കാ​ലി​ക്ക​ട്ട് സ​ർ​വ​ക​ലാ​ശാ​ലാ ലേ​ഡീ​സ് ഹോ​സ്റ്റ​ലി​ൽ മോ​ഷ​ണ​ങ്ങ​ൾ പ​തി​വെ​ന്ന് വി​ദ്യാ​ർ​ഥി​നി​ക​ളു​ടെ പ​രാ​തി. വി​ദ്യാ​ർ​ഥി​ക​ളു​ടെ റൂ​മി​ൽ സൂ​ക്ഷി​ച്ച പ​ന്ത്ര​ണ്ടാ​യി​ര​ത്തോ​ളം രൂ​പ​യാ​ണ് ഇ​ന്ന​ലെ മോ​ഷ​ണം പോ​യ​ത്. ഇ​തി​ന് മു​ൻ​പും നി​ര​വ​ധി ത​വ​ണ ഇ​ത്ത​ര​ത്തി​ൽ പ​ണ​വും സ്വ​ർ​ണാ​ഭ​ര​ണ​ങ്ങ​ളും റൂ​മി​ൽ നി​ന്നും മോ​ഷ​ണം പോ​യി​ട്ടു​ണ്ടെ​ന്നാ​ണ് വി​ദ്യാ​ർ​ഥി​നി​ക​ൾ പ​റ​യു​ന്ന​ത്.

വി​ദ്യാ​ർ​ഥി​നി​ക​ൾ ഉ​ൾ​പ്പെ​ടെ ആ​യി​ര​ത്തി അ​ഞ്ഞൂ​റോ​ളം വ​നി​ത​ക​ൾ താ​മ​സി​ക്കു​ന്ന സ​ർ​വ​ക​ലാ​ശാ​ലാ ലേ​ഡീ​സ് ഹോ​സ്റ്റ​ലി​ൽ ആ​വ​ശ്യ​ത്തി​ന് സെ​ക്യൂ​രി​റ്റി ജീ​വ​ന​ക്കാ​രി​ല്ല. സാ​മൂ​ഹി​ക​വി​രു​ദ്ധ​രു​ടെ ശ​ല്യം ഇ​ല്ലാ​താ​ക്കാ​ൻ ലേ​ഡി​സ് ഹോ​സ്റ്റ​ലി​ലും ക്യാ​ന്പ​സി​ലും സി​സി​ടി​വി സ്ഥാ​പി​ക്ക​ണ​മെ​ന്ന വി​ദ്യാ​ർ​ഥി​ക​ളു​ടെ ആ​വ​ശ്യം ഇ​തു​വ​രെ ന​ട​പ്പാ​യി​ട്ടു​മി​ല്ല.

വി​ദ്യാ​ർ​ഥി​നി​ക​ൾ​ക്ക് പ​ണ​വും രേ​ഖ​ക​ളും സു​ര​ക്ഷി​ത​മാ​യി സൂ​ക്ഷി​ക്കു​ന്ന​തി​ന് ലേ​ഡി​സ് ഹോ​സ്റ്റ​ലി​ലെ റൂ​മു​ക​ളി​ൽ ലോ​ക്ക​റു​ക​ൾ സ്ഥാ​പി​ക്ക​ണ​മെ​ന്നും ആ​വ​ശ്യ​മു​ണ്ട്. എ​ന്നാ​ൽ ഇ​ത്ത​രം ആ​വ​ശ്യ​ങ്ങ​ളൊ​ന്നും ത​ന്നെ ഇ​തു വ​രെ​യാ​യി​ട്ടും അം​ഗീ​ക​രി​ക്ക​പ്പെ​ട്ടി​ട്ടി​ല്ല.അ​തി​നാ​ൽ വി​ദ്യാ​ർ​ഥി​നി​ക​ളും അ​വ​രു​ടെ ര​ക്ഷി​താ​ക്ക​ളും ആ​ശ​ങ്ക​യി​ലാ​ണ്.