സ്നേ​ഹ​മു​ള്ള ക​ള്ള​ൻ..! ബൈക്കിലെത്തി വിദേശവനിതകളുടെ ബാഗ് മോഷ്ടിച്ച കേസ്; രേഖകൾ അടങ്ങിയ ബാഗ് സ്റ്റേഷൻ പരിസര ത്ത് നിന്നും കണ്ടെത്തി; നന്ദിയറിയിച്ച് മാ​ർ​ത്ത​യും മ​റി​യ​യും നാട്ടിലേക്ക് മടങ്ങി

കൊ​ച്ചി: ഫോ​ർ​ട്ടു​കൊ​ച്ചി​യി​ൽ ക​വ​ർ​ച്ച​യ്ക്കി​ര​യാ​യ വി​ദേ​ശ വ​നി​ത​ക​ൾ സ്വ​ദേ​ശ​ത്തേ​ക്കു മ​ട​ങ്ങി. കൈ​യി​ലു​ണ്ടാ​യി​രു​ന്ന പ​ണ​മെ​ല്ലാം ന​ഷ്ട​പ്പെ​ട്ടെ​ങ്കി​ലും പാ​സ്പോ​ർ​ട്ടും അ​വ​ശ്യ രേ​ഖ​ക​ളും ല​ഭി​ച്ച​തി​ന്‍റെ ആ​ശ്വാ​സ​ത്തി​ലാ​യി​രു​ന്നു സ്ലോ​വാ​ക്യ സ്വ​ദേ​ശ​ിനി​ക​ളാ​യ മാ​ർ​ത്ത​യും മ​റി​യ​യും ഇ​ന്ന​ലെ വൈ​കു​ന്നേ​ര​മു​ള്ള വി​മാ​ന​ത്തി​ൽ തി​രി​കെ മ​ട​ങ്ങി​യ​ത്. വി​ദേ​ശി​ക​ള​ട​ക്ക​മു​ള്ള​വ​ർ നി​ര​വ​ധി​യെ​ത്തു​ന്ന ഫോ​ർ​ട്ടു​കൊ​ച്ചി​യി​ൽ ശ​നി​യാ​ഴ്ച രാ​ത്രി​യാ​ണ് സ​ഞ്ചാ​രി​ക​ളു​ടെ ഉ​റ​ക്കം കെ​ടു​ത്തു​ന്ന സം​ഭ​വ​മു​ണ്ടാ​യ​ത്.

ശ​നി​യാ​ഴ്ച രാ​ത്രി​യാ​ണ് മാ​ർ​ത്ത​യും മ​റി​യ​യും ഫോ​ർ​ട്ടു​കൊ​ച്ചി​യി​ലെ​ത്തി​യ​ത്. പ്ര​ദേ​ശ​ത്തെ ഹോം​സ്റ്റേ​യി​ൽ ത​ങ്ങി​യ ഇ​രു​വ​രും ഭ​ക്ഷ​ണം ക​ഴി​ക്കാ​നാ​യി പു​റ​ത്തി​റ​ങ്ങി​യ​പ്പോ​ൾ ബൈ​ക്കി​ലെ​ത്തി​യ ര​ണ്ടം​ഗ സം​ഘം ബാ​ഗ് ത​ട്ടി​പ്പ​റി​ച്ചു കൊ​ണ്ടു പോ​വു​ക​യാ​യി​രു​ന്നു. രാ​ത്രി ഒ​ന്‍​പ​തോ​ടെ സാ​ന്താ​ക്രൂ​സ് മൈ​താ​ന​ത്തി​നു സ​മീ​പ​ത്തു വ​ച്ചാ​യി​രു​ന്നു സം​ഭ​വം.

ബൈ​ക്കി​ലെ​ത്തി​യ​വ​രി​ൽ ഒ​രാ​ൾ ക​റു​ത്ത നി​റ​ത്തി​ലും ഒ​രാ​ൾ വെ​ളു​ത്ത നി​റ​ത്തി​ലു​മു​ള്ള വേ​ഷ​മാ​ണ് ധ​രി​ച്ച​തെ​ന്നാ​ണു മാ​ർ​ത്ത​യും മ​റി​യയും പോ​ലീ​സി​നോ​ടു പ​റ​ഞ്ഞ​ത്. ഹെ​ൽ​മ​റ്റ് ധ​രി​ച്ചി​രു​ന്ന​തി​നാ​ൽ മു​ഖം വ്യ​ക്ത​മാ​യി​ല്ലെ​ന്നും ഇ​വ​ർ പ​റ​യു​ന്നു.
സം​ഭ​വ​മ​റി​ഞ്ഞു ഫോ​ർ​ട്ടു​കൊ​ച്ചി പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി കേ​സ് ര​ജി​സ്റ്റ​ർ ചെ​യ്തി​രു​ന്നു.

അ​ന്വേ​ഷ​ണ​ത്തി​നൊ​ടു​വി​ൽ ഇ​ന്ന​ലെ പു​ല​ർ​ച്ചെ​യോ​ടെ ഉ​പേ​ക്ഷി​ച്ച നി​ല​യി​ൽ സ്റ്റേ​ഷ​നു സ​മീ​പ​ത്തു​നി​ന്നു ബാ​ഗ് ല​ഭി​ക്കു​ക​യാ​യി​രു​ന്നു. ബാ​ഗി​നു​ള്ളി​ൽ​നി​ന്നു പാ​സ്പോ​ർ​ട്ട് അ​ട​ക്ക​മു​ള്ള രേ​ഖ​ക​ൾ തി​രി​ച്ചു കി​ട്ടി​യെ​ങ്കി​ലും കാ​മ​റ, മൊ​ബൈ​ൽ ഫോ​ണ്‍, മു​ന്നൂ​റു യൂ​റോ( ഏ​ക​ദേ​ശം 22,200 ഇ​ന്ത്യ​ൻ രൂ​പ), ആ​റാ​യി​രം രൂ​പ എ​ന്നി​വ ന​ഷ്ട​​പ്പെ​ട്ടു.

മൊ​ഴി​ക​ൾ ല​ഭി​ച്ച​തി​ന്‍റെ സൂ​ച​ന​യി​ൽ ര​ണ്ടു പേ​രെ പി​ടി​കൂ​ടി​യി​രു​ന്നെ​ങ്കി​ലും വ​നി​ത​ക​ൾ​ക്കു തി​രി​ച്ച​റി​യാ​ൻ സാ​ധി​ക്കാ​ഞ്ഞ​തി​നാ​ൽ വി​ട്ട​യ്ക്കു​ക​യാ​യി​രു​ന്നു. നി​ന​ച്ചി​രി​ക്കാ​തെ ഉ​ണ്ടാ​യ ആ​ക്ര​മ​ണ​ത്തി​ന്‍റെ ഷോ​ക്കി​ലാ​യി​രു​ന്നു മാ​ർ​ത്ത​യും മ​റി​യ​യും നാ​ട്ടി​ലേ​ക്കു മ​ട​ങ്ങി​യ​ത്. എ​ന്താ​യാ​ലും ജീ​വ​നും പാ​സ്പോ​ർ​ട്ടും കി​ട്ടി​യ​ല്ലോ എ​ന്ന ആ​ശ്വാ​സം മാ​ത്ര​മാ​യി​രു​ന്നു അ​വ​ർ​ക്ക്.