മ​ക​ളു​ടെ ഓ​ർ​മ​യ്ക്കാ​യി ഭൂ​മി ദാ​നം ന​ൽ​കി അ​മ്മ; സ്കൂ​ൾ വി​ക​സ​ന​ത്തി​നാ​യി സ​ർ​ക്കാ​രി​ന് ന​ൽ​കി​യ​ത് ഏ​ഴു​കോ​ടി വി​ല​മ​തി​ക്കു​ന്ന ഭൂ​മി

പ്രി​യ​പ്പെ​ട്ട​വ​ർ മ​ര​ണ​പ്പെ​ട്ട് കഴിഞ്ഞാൽ, അ​വ​ർ ജീ​വി​ച്ചി​രു​ന്ന കാ​ല​ത്ത് ഏ​റ്റ​വുമധികം ആ​ഗ്ര​ഹി​ച്ച​തെ​ന്താ​ണോ അ​ത് ന​ട​പ്പാ​ക്കാ​ൻ ആ​ളു​ക​ൾ ശ്ര​മി​ക്കാ​റു​ണ്ട്. അ​വ​രു​ടെ ഓ​ർ​മ​യ്ക്കാ​യി ചാ​രി​റ്റി പ്ര​വ​ർ​ത്ത​ന​ങ്ങ​ൾ ചെ​യ്യു​ക​ പാ​വ​പ്പെ​ട്ട​വ​ർ​ക്ക് ധ​ന​സ​ഹാ​യ​ങ്ങ​ൾ നൽകുക എന്നിങ്ങനെയുള്ള കാര്യങ്ങളും അതിൽപ്പെടുന്നു. എ​ന്നാ​ൽ ഇ​ത്ത​ര​ത്തി​ൽ ത​ന്‍റെ മ​ക​ൾ മ​ര​ണ​പ്പെ​ട്ട​പ്പോ​ൾ അ​വ​ളു​ടെ ഓ​ർ​മ്മ​യ്ക്കാ​യി ഒര​മ്മ ചെ​യ്ത പ്ര​വൃ​ത്തി​യാ​ണ് ഇ​പ്പോ​ൾ സ​മൂ​ഹ മാ​ധ്യ​മ​ങ്ങ​ളി​ൽ നി​റ​ഞ്ഞ് നി​ൽ​ക്കു​ന്ന​ത്.

സ​ർ​ക്കാ​രി​ന് ഏ​ഴു​കോ​ടി​യോ​ളം വി​ല​മ​തി​ക്കു​ന്ന ഭൂ​മി​യാ​ണ് ഈ ​അ​മ്മ മ​ക​ളു​ടെ ഓ​ർ​മ​യ്ക്കാ​യി ന​ൽ​കി​യ​ത്. മ​ധു​ര സ്വ​ദേ​ശി​യാ​യ പൂ​ര​ണം എ​ന്ന ആ​യി അ​മ്മാ​ൾ ഒ​രേ​ക്ക​ർ 52സെ​ന്‍റ് സ്ഥ​ല​മാ​ണ് സ​ർ​ക്കാ​രി​ന് സൗ​ജ​ന്യ​മാ​യി കൈമാറിയത്. സ്കൂ​ൾ വി​ക​സി​പ്പി​ക്കു​ന്ന​തി​ന് വേ​ണ്ടി​യാ​ണ് ഇ​വ​ർ ഭൂ​മി ന​ൽ​കി​യി​രി​ക്കു​ന്ന​ത്. ത​ന്‍റെ മ​ക​ൾ പി​ന്നോ​ക്കം നി​ൽ​ക്കു​ന്ന മ​നു​ഷ്യ​ർ​ക്ക് വേ​ണ്ടി പ്ര​വ​ർ​ത്തി​ക്ക​ണ​മെ​ന്ന് ആ​ഗ്ര​ഹി​ച്ചി​രു​ന്നു, അ​വ​ൾ​ക്കു​ള്ള ആ​ദ​ര​വാ​യി​ക്കൂ​ടി​യാ​ണ് പൂ​ര​ണം സ്ഥ​ലം വി​ട്ടു​ന​ൽ​കി​യി​രു​ന്ന​ത്.

പൂ​ര​ണം കാ​ന​റ ബാ​ങ്കി​ലെ ക്ല​ർ​ക്കാ​യി ജോ​ലി ചെ​യ്യു​ക​യാ​ണ്. ഏ​ഴ് കോ​ടി​യോ​ളം രൂ​പ വി​ല​മ​തി​ക്കു​ന്ന സ്ഥ​ലം അ​വ​ർ ത​ന്‍റെ സ്കൂ​ളാ​യ കോ​ടി​ക്കു​ള​ത്തെ പ​ഞ്ചാ​യ​ത്ത് യൂ​ണി​യ​ൻ മി​ഡി​ൽ സ്‌​കൂ​ളി​ന് ന​ൽ​കു​ക​യാ​യി​രു​ന്നു. ഹൈ​സ്കൂ​ളാ​യി സ്കൂ​ൾ വി​ക​സി​പ്പി​ക്കാ​നാ​യി​ട്ടാ​ണ് ഭൂ​മി ന​ൽ​കി​യി​രി​ക്കു​ന്ന​ത്.

ഒ​രേ​യൊ​രു അ​പേ​ക്ഷ മാ​ത്ര​മാ​ണ് പൂ​ര​ണ​ത്തി​ന് ഭൂ​മി വി​ട്ടു​ന​ൽ​കു​മ്പോ​ൾ ഉ​ണ്ടാ​യി​രു​ന്ന​ത്. അ​ത് ത​ന്‍റെ മ​ക​ളു​ടെ പേ​ര് ന​ൽ​ക​ണ​മെ​ന്നാ​യി​രു​ന്നു. ര​ണ്ട് വ​ർ​ഷം മു​ൻ​പാ​ണ് ഇ​വ​രു​ടെ മ​ക​ൾ ജ​ന​നി മ​രി​ച്ച​ത്. എ​ന്നാ​ൽ ഭൂ​മി സ്കൂ​ളി​നാ​യി എ​ഴു​തി ന​ൽ​കി​യ വി​വ​രം പൂ​ര​ണം ആ​രോ​ടും പ​റ​ഞ്ഞി​രു​ന്നി​ല്ല. ചീ​ഫ് എ​ജ്യു​ക്കേ​ഷ​ണ​ൽ ഓ​ഫീ​സ​ർ കെ ​കാ​ർ​ത്തി​ഗ​യ്ക്ക് രേ​ഖ​ക​ൾ കൈ​മാ​റി​യ ശേ​ഷം മ​ധു​ര എം​പി എ​സ്. വെ​ങ്കി​ടേ​ശ​ൻ, വി​ദ്യാ​ഭ്യാ​സ മ​ന്ത്രി അ​ൻ​ബി​ൽ മ​ഹേ​ഷ് പൊ​യ്യാ​മൊ​ഴി എ​ന്നി​വ​രു​ൾ​പ്പെ​ടെ അ​ന​വ​ധി​പ്പേ​ർ അ​ഭി​ന​ന്ദ​ന​ങ്ങ​ൾ അ​റി​യി​ച്ച​തോ​ടെ​യാ​ണ് ഇ​ക്കാ​ര്യം ജ​ന​ങ്ങ​ൾ അ​റി​ഞ്ഞ​ത്.

പൂ​ര​ണ​ത്തി​ന്‍റെ ജീ​വി​തം ഒ​രു​പാ​ട് ക​ഷ്ട​ത​ക​ളി​ലൂ​ടെ​യാ​ണ് ക​ട​ന്നു​പോ​യ​ത്. ജ​ന​നി കു​ഞ്ഞാ​യി​രി​ക്കു​മ്പോ​ഴാ​ണ് ഇ​വ​രു​ടെ ഭ​ർ​ത്താ​ന് മ​രി​ക്കു​ന്ന​ത്. തു​ട​ർ​ന്ന് ഭ​ർ​ത്താ​വി​ന്‍റെ ജോ​ലി ത​നി​ക്ക് ല​ഭി​ച്ചെ​ങ്കി​ലും മ​ക​ളെ വ​ള​ർ​ത്തു​ന്ന​തി​നാ​യി ഒ​രു​പാ​ട് ബു​ദ്ധി​മു​ട്ടു​ക​ൾ ഇ​വ​ർ​ക്ക് ഉ​ണ്ടാ​യി. ബി​കോം വി​ദ്യാ​ർ​ഥി​യാ​യി​രു​ന്ന ജ​ന​നി, സാ​മ്പ​ത്തി​ക​മാ​യി പി​ന്നോ​ക്കം നി​ൽ​ക്കു​ന്ന കു​ട്ടി​ക​ളെ സ​ഹാ​യി​ക്ക​ണ​മെ​ന്ന് ആ​ഗ്ര​ഹി​ച്ചി​രു​ന്നു. തു​ട​ർ​ന്ന് ത​ന്നാ​ൽ ക​ഴി​യു​ന്ന സ​ഹാ​യ​ങ്ങ​ൾ ചെ​യ്തു ന​ൽ​കി​യി​രു​ന്നു.

പാ​ര​മ്പ​ര്യ​മാ​യി ത​ന്‍റെ അ​ച്ഛ​നി​ൽ നി​ന്ന് കി​ട്ടി​യ സ്ഥ​ല​മാ​ണ് ഇ​പ്പോ​ൾ പൂ​ര​ണം സ്കൂ​ളി​ന്‍റെ വി​ക​സ​ന​ത്തി​നാ​യി വി​ട്ടു​ന​സ​ൽ​കി​യി​രി​ക്കു​ന്ന​ത്. പി​ന്നാ​ലെ പൂ​ര​ണ​ത്തെ അ​ഭി​ന​ന്ദി​ച്ചു​കൊ​ണ്ട് ത​മി​ഴ്നാ​ട് മു​ഖ്യ​മ​ന്ത്രി എം ​കെ സ്റ്റാ​ലി​നും മു​ന്നോ​ട്ട് വ​ന്നി​രു​ന്നു. റി​പ്പ​ബ്ലി​ക് ഡേ​യി​ൽ പ്ര​ത്യേ​കം പാ​രി​തോ​ഷി​കം ന​ൽ​കി പൂ​ര​ണ​ത്തെ അ​ഭി​ന​ന്ദി​ക്കും എ​ന്നും സ്റ്റാ​ലി​ൻ വ്യ​ക്ത​മാ​ക്കി.