ലണ്ടൻ: ഇന്ത്യയെ കാര്‍ട്ടൂണുകളിലൂടെയും ട്രോളുകളിലൂടെയും അധിക്ഷേപിച്ച ബംഗ്ലാദേശ് ആരാധകരുടെ നടപടിക്കെതിരെ ബംഗ്ലാദേശ് നായകന്‍ മഷ്‌റഫെ മുര്‍ത്താസ. കാണികളുടെ നടപടി അംഗീകരിക്കാനാവില്ലെന്നും അപലപനീയമാണെന്നും ബംഗ്ലാ നായകന്‍ പറഞ്ഞു. എന്നാല്‍, ഇക്കാര്യങ്ങള്‍ കളിക്കാരുടെ നിയന്ത്രണത്തിലല്ലെന്ന് വ്യക്തമാക്കി.
കാര്‍ട്ടൂണുകള്‍ വിവാദമുണ്ടാക്കാന്‍ ലക്ഷ്യമിട്ടുള്ളവയാണ്. ഇന്ത്യന്‍ ടീമിനെ എക്കാലത്തും ബഹുമാനമേയുള്ളൂ എന്ന് മുര്‍ത്താസ പറഞ്ഞു. കഴിഞ്ഞ ദിവസമാണ് ഇന്ത്യന്‍ ടീമിനെ അപമാനിക്കുന്ന തരത്തില്‍ കാര്‍ട്ടൂണുകള്‍ ബംഗ്ലാ ആരാധകര്‍ സോഷ്യല്‍ മീഡിയയില്‍ പ്രചരിപ്പിച്ചത്.ഇന്ത്യന്‍ പതാക ധരിച്ച പട്ടിക്കു മുകളിലേക്ക് ബംഗ്ലാദേശിന്‍റെ പതാക പതിച്ച കടുവ ചാടി വീഴുന്ന ചിത്രമായിരുന്നു ഇത്.
