ടെലിവിഷനില്‍നിന്നു സിനിമയിലേക്ക് ചുവടുമാറ്റുക എന്നത് അത്ര എളുപ്പമുള്ള കാര്യമല്ല. അത് മലയാളത്തിലാണെങ്കിലും ബോളിവുഡിലാണെങ്കിലും.
എന്നാൽ മറ്റുള്ളവര്‍ക്ക് ഒരു പ്രചോദനമായി ടെലിവിഷനില്‍നിന്നു സിനിമയിലെത്തി ഇന്ന് ബോളിവുഡില്‍ മാത്രമല്ല പാന്‍ ഇന്ത്യന്‍ റീച്ചുള്ള നായികയായി മാറിയ നടിയാണ് മൃണാൾ ഠാക്കൂര്‍. സീതാരാമത്തിലൂടെ തെന്നിന്ത്യയിൽ മുഴുവൻ ആരാധകരുള്ള താരമായി മൃണാൾ മാറി.
താരകുടുംബത്തിന്‍റെ പിന്‍ബലമില്ലാതെയാണ് മൃണാൾ ഇതൊക്കെ നേടിയത്. ആ നേട്ടത്തിലേക്കുള്ള യാത്ര ഒട്ടും സുഖകരമായിരുന്നില്ല. തനിക്ക് നേരിടേണ്ടി വന്ന മോശം അനുഭവങ്ങള്‍ മൃണാല്‍ മുന്പു തുറന്നു പറഞ്ഞിട്ടുണ്ട്.
താനൊരു താരപുത്രിയല്ലാത്തിനാല്‍ നേരിടേണ്ടി വന്ന രണ്ട് മോശം അനുഭവങ്ങളാണ് അടുത്തയിടെ മൃണാൾ പങ്കുവച്ചത്. ആദ്യത്തേത് നടക്കുന്നത് ഒരു അവാര്‍ഡ് ദാന ചടങ്ങില്‍ വച്ചാണ്. മികച്ച നടിക്കുള്ള ക്രിട്ടിക്‌സ് അവാര്‍ഡ് വാങ്ങാനായി ഞാന്‍ സ്റ്റേജിലേക്ക് കയറി.
അവാര്‍ഡ് വാങ്ങിയതും അവര്‍ എന്നോട് ഇതാണ് പുറത്തേക്കുള്ള വഴിയെന്ന് പറഞ്ഞു. എന്നാല്‍ ഒരു താരപുത്രി അതേ വേദിയില്‍ വന്നപ്പോള്‍ അവളുടെ മുഖത്തേക്ക് മൈക്ക് കുത്തിക്കയറ്റുകയായിരുന്നു- എന്നാണ് മൃണാൾ പറയുന്നത്.
രണ്ടാമത്തെ സംഭവം ഞാനനൊരു ഇവന്‍റില്‍ അഭിമുഖം നല്‍കിക്കൊ ണ്ടിരിക്കുകയായിരുന്നു. പെട്ടെന്ന് മാധ്യമ പ്രവര്‍ത്തകരെല്ലാം അവിടെനിന്ന് എഴുന്നേറ്റ് ഓടി.
ഒരു യുവ താരപുത്രി വന്നതായിരുന്നു കാരണം. ആ പാവത്തിന് തന്‍റെ വസ്ത്രം ശരിയാക്കാന്‍പോലും സമ്മതിക്കാതെ മീഡിയ അവളെ വളഞ്ഞു.
സ്വജനപക്ഷപാതത്തെക്കുറിച്ച് സംസാരിക്കുമ്പോള്‍ അതില്‍ മാധ്യമങ്ങള്‍ക്കും ആരാധകര്‍ക്കും പങ്കുണ്ട്. പ്രേക്ഷകര്‍ കാണാന്‍ ആഗ്രഹിക്കുന്നത് താരങ്ങളുടെ മക്കളെയാണ്, അതാണ് മാധ്യമങ്ങള്‍ അവര്‍ക്ക് നല്‍കുന്നതും.
അതിനാല്‍ താരങ്ങളുടെ മക്കളെ ഞാന്‍ ഒരിക്കലും കുറ്റം പറയില്ല- മൃണാൾ പറയുന്നു.സീതാരാമത്തിനുശേഷം വീണ്ടും തെലുങ്കിലേക്ക് എത്തുകയാണ് മൃണാൾ. നാനിയുടെ കൂടെ അഭിനയിക്കുന്ന ഹായ് നാനയാണ് മൃണാളിന്‍റെ ഏറ്റവും പുതിയ തെലുങ്ക് ചിത്രം.
