മണ്ണിന്‍റെ അടിയിൽ നിന്നും കണ്ടെത്തിയ ഭീമൻ ഞണ്ട് നവമാധ്യമങ്ങളിൽ വൈറലാകുന്നു. ഓസ്ട്രേലിയയിലെ ക്വീൻസ്‌ലൻഡ് സ്വദേശിയായ ഒരാൾ മണ്ണിന്‍റെ അടിയിൽ നിന്നും ഭീമൻ ഞണ്ടിനെ കൈകൊണ്ടു പിടിച്ച് പുറത്തെടുക്കുന്നതാണ് വീഡിയോയിൽ കാണാൻ സാധിക്കുന്നത്. ഒരു കന്പ് മാത്രമായിരുന്നു അദ്ദേഹം ഈ പരിശ്രമത്തിനിടെ ഉപകരണമായി ഉപയോഗിച്ചത്. എന്നാൽ ഈ സാഹസത്തിനിടെ അദ്ദേഹത്തിനു കൈയിലെ നഖം നഷ്ടപ്പെട്ടു.
ഈ ദൃശ്യങ്ങൾ സോഷ്യൽ മീഡിയായിൽ പോസ്റ്റ് ചെയ്തതിനെ തുടർന്ന് വൈറലായി മാറുകയായിരുന്നു. 12,000 തവണ വീഡിയോ കാണുകയും 8,400 തവണ ഷെയർ ചെയ്യുകയും ചെയ്തിട്ടുണ്ട്.
