പ​ണി​പാ​ള​ത്തി​ലൂ​ടെ… പ​ണം ക​വ​ർ​ന്നു​കൊ​ണ്ട് ഓ​ടി​യ​ത് റെ​യി​ൽ പാ​ള​ത്തി​ലൂ​ടെ; പെ​ട്ടെ​ന്ന് ട്രെ​യി​ൻ വ​ന്നു, എ​ല്ലാ പ​ദ്ധ​തി​ക​ളും പാ​ളി; മു​ക്കു​പ​ണ്ട ത​ട്ടി​പ്പു​കാ​രെ ചാ​ല​ക്കു​ടി പോ​ലീ​സ് കു​ടു​ക്കി​യ​തി​ങ്ങ​നെ…

ചാ​ല​ക്കു​ടി: ട്രെ​യി​ൻ വ​രു​ന്ന​തു​ക​ണ്ട് റെ​യി​ൽ​വേ മേ​ൽ​പ്പാ​ല​ത്തി​ൽ​നി​ന്ന് ചാ​ല​ക്കു​ടി​പു​ഴ​യി​ലേ​ക്കു ചാ​ടിയ മുക്കുപണ്ട തട്ടിപ്പ് സം​ഘ​ത്തി​ലെ നാലു പേ​ർ പി​ടി​യി​ൽ. പെ​രു​ന്പാ​വൂ​രി​ൽനി​ന്നാ​ണ് ആ​സാം സ്വ​ദേ​ശി​ക​ളായ മോ​ഷ​ണ​സം​ഘ​ത്തെ ചാ​ല​ക്കു​ടി പോ​ലീ​സ് പി​ടി​കൂ​ടി​യ​ത്. ഇ​തി​ൽ ട്രെയിൻ തട്ടി പരിക്കേറ്റ ഒ​രാൾ അ​ങ്ക​മാ​ലി​യി​ലെ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. പി​ടി​യി​ലാ​യ​വ​രെ വി​ശ​ദ​മാ​യി ചോ​ദ്യം ചെ​യ്തു വ​രുന്നു.
ചാ​ല​ക്കു​ടി പു​ഴ​യി​ലേ​ക്ക് റെ​യി​ൽ​പാ​ള​ത്തി​ൽനി​ന്നു ചാ​ടി​യ ഇ​വ​ർ പു​ഴ നീ​ന്തി​ക്ക​യ​റി ഓ​ട്ടോ​യി​ലാ​ണ് പെ​രു​ന്പാ​വൂ​രി​ലെ​ത്തി​യ​ത്. ഇ​ന്ന​ലെ പു​ല​ർ​ച്ചെ ഒ​രു​മ​ണി​യോ​ടെ നാ​ലു​പേ​ർ പാ​ല​ത്തി​ൽ​നി​ന്നു പു​ഴ​യി​ൽ ചാ​ടി​യെ​ന്നു ലോ​ക്കോ പൈ​ല​റ്റ് ചാ​ല​ക്കു​ടി റെ​യി​ൽ​വേ സ്റ്റേ​ഷ​ൻ മാ​സ്റ്റ​റെ അ​റി​യി​ക്കു​ക​യാ​യി​രു​ന്നു. പോ​ലീ​സ് സ്ഥ​ല​ത്തു പ​രി​ശോ​ധ​ന ന​ട​ത്തി​യെ​ങ്കി​ലും ഒ​രു വി​വ​ര​വും ല​ഭി​ച്ചി​ല്ല. അഗ്നിരക്ഷാസേനയും പു​ഴ​യി​ൽ തെ​ര​ച്ചി​ൽ ന​ട​ത്തിയിരുന്നു.
പോ​ലീ​സ് പി​ന്നീ​ട് ന​ട​ത്തി​യ വി​ശ​ദ​മാ​യ അ​ന്വേ​ഷ​ണ​ത്തി​ലാ​ണ് വ​സ്ത്ര​ങ്ങ​ൾ ന​ന​ഞ്ഞ​നി​ല​യി​ൽ നാ​ലു​പേ​ർ മു​രി​ങ്ങൂ​രി​ൽ വ​ന്ന് ഓ​ട്ടോ വി​ളി​ച്ച് കൊ​ര​ട്ടി​യി​ൽ ചെ​ന്നി​റ​ങ്ങി​യ​താ​യ വി​വ​രം ല​ഭി​ച്ച​ത്. ഇ​വ​രി​ൽ ഒ​രാ​ളു​ടെ ദേ​ഹ​ത്തു പ​രി​ക്കു​ണ്ടാ​യി​രു​ന്ന​താ​യി ഓ​ട്ടോ​ഡ്രൈ​വ​ർ പോ​ലീ​സി​നെ അ​റി​യി​ച്ചു. അ​ന്വേ​ഷ​ണ​ത്തി​ൽ ഇ​വ​ർ അ​ങ്ക​മാ​ലി​യി​ലേ​ക്കു പോ​യ​താ​യി മ​ന​സി​ലാ​യി. അ​ങ്ക​മാ​ലി​യി​ൽ പോ​ലീ​സ് അ​ന്വേ​ഷ​ണം ന​ട​ത്തു​ന്ന​തി​നി​ടെ പ​രി​ക്കേ​റ്റ​യാ​ൾ അ​ങ്ക​മാ​ലി​യി​ലെ ആ​ശു​പ​ത്രി​യി​ലു​ണ്ടെ​ന്ന് വി​വ​രം ല​ഭി​ക്കു​ക​യും ചെ​യ്തു. തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് സം​ഘ​ത്തെ പി​ടി​കൂ​ടി​യ​ത്.
ചാ​ല​ക്കു​ടി റെ​യി​ൽ​വേ സ്റ്റേ​ഷ​നി​ൽ​വ​ച്ച് സ്വ​ർ​ണം ന​ൽ​കാ​മെ​ന്നു​പ​റ​ഞ്ഞ് കോ​ഴി​ക്കോ​ട് സ്വ​ദേ​ശി​യെ ക​ബ​ളി​പ്പി​ച്ച് നാ​ലു​ല​ക്ഷം രൂ​പ​യ​ട​ങ്ങി​യ ബാ​ഗ് ത​ട്ടി​പ്പ​റി​ച്ചു​കൊ​ണ്ട് റെ​യി​ൽ​വേ പാ​ല​ത്തി​ലൂ​ടെ ഓ​ടു​ന്പോ​ഴാ​ണ് ട്രെ​യി​ൻ വ​രുന്നതു കണ്ട് നാ​ലു​പേ​രും പു​ഴ​യി​ലേ​ക്കു ചാ​ടിയത്. ഒ​രാ​ളു​ടെ ​ദേഹത്ത് ട്രെ​യി​ൻ ത​ട്ടു​ക​യും ചെ​യ്തു.
നേ​ര​ത്തേ പ​റ​ഞ്ഞു​റ​പ്പി​ച്ച ഇ​ട​പാ​ട​നു​സ​രി​ച്ച് ചാ​ല​ക്കു​ടി റെ​യി​ൽ​വേ സ്റ്റേ​ഷ​നി​ലെ​ത്തി സ്വ​ർ​ണ​മാ​ണെ​ന്നു​പ​റ​ഞ്ഞ് വ്യാ​ജ​സ്വ​ർ​ണം കൈ​മാ​റിയാണു തട്ടിപ്പ് നടത്തിയത്. ര​ണ്ടു​പേ​ർ ചേ​ർ​ന്ന് സ്വ​ർ​ണം ഉ​ര​ച്ചു​നോ​ക്കു​ന്ന​തി​നി​ടെ​ കോ​ഴി​ക്കോ​ട് സ്വ​ദേ​ശി​യു​ടെ പ​ക്ക​ലു​ണ്ടാ​യി​രു​ന്ന നാ​ലു​ല​ക്ഷം രൂ​പ​യ​ട​ങ്ങി​യ ബാ​ഗ് ത​ട്ടി​പ്പ​റി​ച്ചു​കൊ​ണ്ട് പ്രതികള്‌ ഓ​ടുകയായിരുന്നു. പ​ണം ന​ഷ്ട​പ്പെ​ട്ട​വ​ർ പോ​ലീ​സി​ൽ പ​രാ​തി​യു​മാ​യി എ​ത്തി​യ​പ്പോ​ഴാ​ണ്, ട്രെ​യി​ൻ വ​ന്ന​പ്പോ​ൾ പു​ഴ​യി​ൽ ചാ​ടി​യ​വ​ർ ക​വ​ർ​ച്ച​ക്കാ​രാ​ണെ​ന്ന സം​ശ​യം ഉ​യ​ർ​ന്ന​ത്.

ചാ​ല​ക്കു​ടി പോ​ലീ​സി​ന് കൈയടി

പു​ഴ​യി​ലേ​ക്ക് നാ​ലു​പേ​ർ ചാ​ടി​യെ​ന്ന ലോ​ക്കോ​പൈ​ല​റ്റി​ന്‍റെ മൊ​ഴി​യ​നു​സ​രി​ച്ച് ആ​ദ്യം വി​ശ​ദ​മാ​യി അ​ന്വേ​ഷി​ച്ചെ​ങ്കി​ലും ആ​രെ​യും ക​ണ്ടെ​ത്താ​നാ​യി​രു​ന്നി​ല്ല. എ​ന്നാ​ൽ അ​പ്പോ​ഴേ​ക്കും പ​ണം ന​ഷ്ട​പ്പെ​ട്ട​വ​രു​ടെ പ​രാ​തി കി​ട്ടി​യ​തോ​ടെ ചാ​ല​ക്കു​ടി പോ​ലീ​സ് അ​ന്വേ​ഷ​ണം സ​മീ​പ​പ്ര​ദേ​ശ​ങ്ങ​ളി​ലേക്കും വ്യാ​പി​പ്പി​ച്ചു. ഇ​തി​നി​ടെ​യാ​ണ് ഓ​ട്ടോ​ഡ്രൈ​വ​ർ ന​ൽ​കി​യ വി​വ​ര​ങ്ങ​ൾ പ്ര​തി​ക​ളെ ക​ണ്ടെ​ത്തു​ന്ന​തി​ന് നി​ർ​ണാ​യ​ക​മാ​യ​ത്. അ​ധി​കം വൈ​കാ​തെ ത​ന്നെ പ്ര​തി​ക​ളി​ലേ​ക്ക് പോലീസ് എ​ത്തു​ക​യാ​യി​രു​ന്നു.