മു​ള​കു​പൊ​ടി​യെ​റി​ഞ്ഞ് ലോ​ട്ട​റി​ക്ക​ച്ച​വ​ട​ക്കാ​ര​ന്‍റെ ബാ​ഗ് ത​ട്ടി​യെ​ടു​ക്കാ​ൻ ശ്ര​മം; തലേദിവസം വഴിചോദിച്ചെത്തിയ യുവാക്കളെ സംശയിച്ച്  ലോട്ടറിക്കാരൻ

കു​ന്നം​കു​ളം: മു​ള​കു പൊ​ടി​യെ​റി​ഞ്ഞ് ലോ​ട്ട​റി ക​ച്ച​വ​ട​ക്കാ​ര​ന്‍റെ പ​ണ​വും ലോ​ട്ട​റി​യു​മ​ട​ങ്ങി​യ ബാ​ഗ് ത​ട്ടി​യെ​ടു​ക്കാ​ൻ ശ്ര​മം. കു​ന്നം​കു​ളം പാ​റേ​ന്പാ​ടം പാ​റ​പ്പു​റ​ത്ത് താ​മ​സി​ക്കു​ന്ന ക​ല്ലാ​യി വീ​ട്ടി​ൽ ബാ​ല​നി​ൽ നി​ന്നാ​ണ് ബൈ​ക്കി​ലെ​ത്തി​യ സം​ഘം ബാ​ഗ് ക​വ​രാ​ൻ ശ്ര​മി​ച്ച​ത്. ഇ​ന്നു പു​ല​ർ​ച്ചെ അ​ഞ്ച​ര​യോ​ടെ​യാ​യി​രു​ന്നു സം​ഭ​വം.

രാ​വി​ലെ ലോ​ട്ട​റി​യു​മാ​യി ബാ​ല​ൻ ക​ച്ച​വ​ട​ത്തി​ന് ഇ​റ​ങ്ങു​ന്ന​ത് പ​തി​വാ​ണ്. വീ​ട്ടി​ൽ നി​ന്ന് പാ​റേ​ന്പാ​ടം ബ​സ് സ്റ്റോ​പ്പ് ജം​ഗ്ഷ​നി​ലേ​ക്ക് വ​രു​ന്ന​തി​നി​ട​യി​ലാ​യി​രു​ന്നു ക​വ​ർ​ച്ചാ ശ്ര​മം ന​ട​ന്ന​ത്. ബ​ഹ​ളം വെ​ച്ച​തോ​ടെ സം​ഘം ശ്ര​മം ഉ​പേ​ക്ഷി​ച്ച് ര​ക്ഷ​പ്പെ​ട്ടു.

ഇന്നലെ വൈ​കീ​ട്ട് നീ​ണ്ടൂ​രി​ലേ​ക്കു​ള്ള വ​ഴി ചോ​ദി​ച്ച് ബൈ​ക്കി​ൽ ര​ണ്ട് യു​വാ​ക്ക​ൾ ഈ ​ലോ​ട്ട​റി ക​ച്ച​വ​ട​ക്കാ​ര​നെ സ​മീ​പി​ച്ചി​രു​ന്നു. അ​വ​ർ ത​ന്നെ​യാ​ണോ ക​വ​ർ​ച്ച ചെ​യ്യാ​ൻ എ​ത്തി​യ​തെ​ന്നും ബാ​ല​ൻ സം​ശ​യി​ക്കു​ന്നു. കു​ന്നം​കു​ളം പോ​ലീ​സി​ൽ പ​രാ​തി ന​ൽ​കി.