തിരുവനന്തപുരം: കേരളത്തിൽ വിദ്യാഭ്യാസവും സാമൂഹ്യ മുന്നേറ്റവും ഉണ്ടായിട്ടും ഇന്നും ജാതി വിവേചനം നിലനിൽക്കുന്നത് അപമാനകരമാണെന്ന് കെപിസിസി പ്രസിഡന്‍റ് മുല്ലപ്പള്ളി രാമചന്ദ്രൻ. ഭാരതീയ ദളിത് കോണ്ഗ്രസ് സംസ്ഥാന നേതൃയോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ജാതീയ വിവേചനങ്ങൾക്ക് എതിരേ പോരാട്ടം ശക്തമാക്കുവാൻ പൊതു സമൂഹം തയ്യാറാകണം. വിവേചനങ്ങൾ നിലനിൽക്കുന്നതുകൊണ്ട് രാജ്യത്ത് പൂർണമായ വികസന പ്രവർത്തനങ്ങൾ നടപ്പിലാക്കുവാൻ കഴിയുന്നില്ലെന്നും മുല്ലപ്പള്ളി പറഞ്ഞു.
സംസ്ഥാന പ്രസിഡന്‍റ് കെ വിദ്യാധരൻ അധ്യക്ഷത വഹിച്ചു. സംസ്ഥാന ഭാരവാഹികളായ കെ ബി ബാബുരാജ്, എൻ ജെ പ്രസാദ് , എൻ കെ അനിൽകുമാർ , എം കെ പുരുഷോത്തമൻ, രാജൻ പെരുന്പക്കാട് , അജിത് മാട്ടൂർ, പ്രകാശൻ കാലടി , കാട്ടാന്പള്ളി രാമചന്ദ്രൻ, എൻ അച്യുതൻ, എൻ അനിരുദ്ധൻ, പ്രേം നവാസ്, രവിപ്പുരത്ത് രവി, ആർ പി കുമാർ, എൻ പി പ്രസാദ്, ടിപി അനിത ശശി എന്നിവർ പ്രസംഗിച്ചു.
