പലതരം മധുര പലഹാരങ്ങൾ നിറഞ്ഞ ചോക്ലേറ്റ് ഷേക്ക് ആസ്വദിക്കാത്തവർ ആരുണ്ട്? ക്രീം, ചോക്ലേറ്റ് ചിപ്‌സ്, വാനില സിറപ്പ് എന്നിവയെല്ലാം ഇട്ട ഷേക്ക് ഇഷ്ടപ്പെടാത്തവർ ചുരുക്കമായിരിക്കും. ഇത്തരത്തിലൊരു ഷേക്കിന്‍റെ വീഡിയോയാണ് സോഷ്യൽ മീഡിയയിൽ ഇപ്പോൾ വൈറലായിരിക്കുന്നത്. അമിതമായ അളവിൽ ചേക്ലേറ്റും മറ്റ് ചോക്ലേറ്റ് ഉത്പന്നങ്ങളും ഇതിൽ ചേർത്തിട്ടുണ്ട്.
ക്രീം കൊണ്ട് ഗ്ലാസ് മൂടുന്നത് കാണിച്ചാണ് വീഡിയോ ആരംഭിക്കുന്നത്. ചോക്ലേറ്റ് ഷേക്ക് ഈ ഗ്ലാസിലേക്ക് നിറയ്ക്കുകയും ചെയ്യുന്നു. ഇതിനെത്തുടർന്ന്, അദ്ദേഹം ഗ്ലാസിന്‍റെ വശത്ത് രണ്ട് ചോക്ലേറ്റ് വാഫിളുകൾ ചേർക്കുന്നു. അവയ്ക്ക് മുകളിൽ ചോക്ലേറ്റ് സോസ്, ചോക്ലേറ്റ് ചിപ്‌സ്, വാനില സോസ് എന്നിവ ഒഴിക്കുന്നു. തുടർന്ന് അദ്ദേഹം വാഫിളുകൾക്ക് മുകളിൽ നാല് മിനി പാൻകേക്കുകൾ സ്ഥാപിക്കുന്നു, അതോടൊപ്പം ചോക്ലേറ്റ് സോസ്, ചോക്കലേറ്റ് ചിപ്‌സ്, വാനില സോസ് എന്നിവയും ചേർത്തു.
എന്നാൽ ചോക്ലേറ്റിന്‍റെ ചേരുവകൾ ഇവിടെ കൊണ്ട് അവസാനിക്കുന്നില്ല. ഒരു ചോക്ലേറ്റ് കപ്പ് കേക്ക് തയാറാക്കി വച്ചിരിക്കുനന്ന ഷേക്കിലേക്ക് ചേർക്കുന്നു. തുടർന്ന് മുകളിൽ ഒരു ചോക്ലേറ്റ് സിറപ്പ് നിറച്ച് വയ്ക്കുകയും ചെയ്യുന്നു. തുടർന്ന്, ഒരു മിനി ന്യൂട്ടെല്ല ജാർ, ക്രീം എന്നിവ ചേർക്കുന്നു. ഒടുവിൽ, മധുര വിഭവത്തിന് മുകളിൽ ചോക്ലേറ്റ് സിറപ്പ് നിറച്ച് കൊടുക്കുന്നു.
വീഡിയോ കണ്ടതോടെ മധുര ചേരുവകളുടെ അമിത ഉപയോഗത്തെക്കുറിച്ച് ആളുകൾ കമൻ്റ് ചെയ്യാൻ തുടങ്ങി.ഒരു ഉപയോക്താവ് എഴുതിയത് “3 ദിവസത്തിന് ശേഷവും അവൻ ഇപ്പോഴും തൻ്റെ പഞ്ചസാര പാനീയത്തിൽ ചേരുവകൾ ചേർക്കുന്നു’ എന്നാണ്. ‘പ്രമേഹത്തിന് ശാരീരിക രൂപമെടുക്കാൻ കഴിയുമെങ്കിൽ, അത് ഇങ്ങനെയാണ്. അതിലെ കലോറിയുടെ എണ്ണം സങ്കൽപ്പിക്കുക’എന്നിങ്ങനെ പോകുന്നു കമന്‍റുകൾ.
I was waiting for him to stop but he never did pic.twitter.com/rLhers9ed4
— non aesthetic things (@PicturesFoIder) March 1, 2024
