മുണ്ടക്കയം: കാട്ടുതീയിൽ ഏക്കറുകണക്കിന് വനഭൂമി കത്തി നശിച്ചു.
കോരുത്തോടിനു സമീപം മാങ്ങാപ്പേട്ട കോപ്പാറ വനത്തിലാണ് കാട്ടുതീയിൽ ഏക്കറുകണക്കിന് വനഭൂമി കത്തി നശിച്ചത്.
അണയ്ക്കാൻ വേണ്ട ആധുനിക സംവിധാനങ്ങൾ ഇല്ലാത്തതിനാൽ ഫോറസ്റ്റ് വാച്ചർമാർക്ക് തീ നിയന്ത്രിക്കാൻ സാധിക്കാത്തതുമൂലം ഹെക്റ്റർ കണക്കിന് വനഭൂമിയാണ് കത്തിനശിക്കുന്നത്.
ഇന്നലെ വൈകുന്നേരത്തോടെയാണ് തീപിടിത്തം ഉണ്ടായത്. ഇന്ന് രാവിലെ വരെയും തീയണയ്ക്കാൻ സാധിച്ചിട്ടില്ല. ഫയർ ഫോഴ്സ് എത്തിയെങ്കിലും കാട്ടിലേക്ക് എത്തിപ്പെടാൻ സാധിക്കാത്ത സ്ഥിതിയാണ് നിലവിലുള്ളത്.
