കുമരകം: കുമരകത്ത് ലഹരി മൂത്ത് തോട്ടിൽ ചാടിയ യുവാവിന്‍റെ ഉടുമുണ്ട് ഒഴുകിപ്പോയതോടെ വെള്ളത്തിൽനിന്നും കയറാൻ സാധിക്കാതെയായി.
വിവരമറിഞ്ഞെത്തിയ പോലീസ് ഉദ്യോഗസ്ഥർ പുതിയ മുണ്ട് വാങ്ങി നൽകിയാണ് യുവാവിനെ കരയ്ക്കു കയറ്റി സ്റ്റേഷനിൽ എത്തിച്ചത്.
ഇന്നലെ വൈകുന്നേരം കുമരകം കവലയ്ക്കൽ പാലത്തിനു സമീപമായിരുന്നു ലഹരി മൂത്ത് ഓട്ടോറിക്ഷാക്കാരെയും വഴിയാത്രക്കാരേയും ശല്യം ചെയ്തതിന് നാലു യുവാക്കളെ പോലീസ് പിടികൂടിയത്.
ഇതിനിടയിലാണ് രസകരമായ സംഭവമുണ്ടായത്. പിടിയിലായ നാലു യുവാക്കളിൽ മൂന്നുപേരെ പിന്നീട് ജാമ്യത്തിൽ വിട്ടു.
