ബംഗളൂരു: കർണാടകയിൽ 300 രൂപയ്ക്കു വേണ്ടി മകൻ സ്വന്തം അമ്മയെ കൊലപ്പെടുത്തി. ബൈലഹോംഗല താലൂക്കിലെ ഉദിക്കേരി ഗ്രാമത്തിലാണു സംഭവം.
മഹാദേവി ഗുരെപ്പ തോലഗി (70) ആണ് കൊല്ലപ്പെട്ടത്. സംഭവത്തിൽ മഹാദേവിയുടെ മകൻ എരപ്പ ഗുരെപ്പ തോലഗി (34) യെ ദോദ്‌വാഡ പോലീസ് അറസ്റ്റ് ചെയ്തു.
300 രൂപ തരാൻ കഴിയില്ലെന്നു പറഞ്ഞ മഹാദേവിയുമായി വാക്കുതർക്കത്തിലേർപ്പെടുകയും മരക്കന്പുകൊണ്ട് എരപ്പ തലയ്ക്കടിക്കുകയുമായിരുന്നു. സംഭവസ്ഥലത്തുതന്നെ മഹാദേവി മരിച്ചു.
ഇവർ തമ്മിൽ വഴക്കു പതിവായിരുന്നുവെന്നും മകൻ അമ്മയെ ആക്രമിക്കാറുണ്ടായിരുന്നെന്നും അയൽക്കാർ പോലീസിനോടു പറഞ്ഞു.
