ഹൈദരാബാദ്: ഭാര്യ മട്ടന്‍ കറി വച്ചു നല്‍കുന്നില്ലെന്ന പരാതി പറയാന്‍ പോലീസ് സ്‌റ്റേഷനില്‍ വിളിച്ച് ശല്യപ്പെടുത്തിയയാള്‍ അറസ്റ്റില്‍.
തെലുങ്കാനയിലെ നല്‍ഗൊണ്ട ജില്ലയില്‍ ഹോളി ദിനത്തിലാണ് ഏറെ അസാധാരണമായ സംഭവം നടന്നത്.
നവീന്‍ എന്ന യുവാവാണ് പരാതിക്കാരന്‍. മദ്യലഹരിയിലായിരുന്ന ഇയാള്‍ ആറ് പ്രാവശ്യം പോലീസ് സ്‌റ്റേഷനിലേക്ക് വിളിച്ചു.
ആദ്യം പോലീസുകാര്‍ ഇത് തമാശയായി കണ്ടു തള്ളിക്കളഞ്ഞു. എന്നാല്‍ തുടര്‍ച്ചയായി കോളുകള്‍ വന്നതോടെ ഉന്നത ഉദ്യോഗസ്ഥരുമായി ബന്ധപ്പെടുകയും ഇയാളെ കസ്റ്റഡിയിലെടുക്കുകയുമായിരുന്നു.
ഐപിസി സെക്ഷന്‍ 290, 510 വകുപ്പുകള്‍ പ്രകാരമാണ് ഇയാള്‍ക്കെതിരെ കേസെടുത്തത്.
