മല്ലപ്പള്ളി: ഗ്രാമത്തിന്‍റെ നന്മയും വിശുദ്ധിയും തിരികെ വന്നെങ്കിൽ മാത്രമേ കേരളത്തിലെ മാലിന്യപ്രശ്നങ്ങളും ആരോഗ്യപ്രശ്നങ്ങളും പരിഹരിക്കാൻ കഴിയുകയുള്ളൂവെന്ന് ഡോ. എന്‍. ജയരാജ് എംഎൽഎ. മല്ലപ്പള്ളി സീനിയർ ചേംബറിന്‍റെ ആഭിമുഖ്യത്തിൽ നടന്ന കുടുംബസംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
കുടുംബ കൂട്ടായ്മകൾക്ക് ഇക്കാര്യത്തിൽ ഏറെ പങ്കുവഹിക്കാൻ കഴിയുമെന്നും അദ്ദേഹം കൂട്ടിച്ചേർത്തു. സാംജി തോമസ് അധ്യക്ഷത വഹിച്ചു. ഇന്ത്യൻ സീനിയർ ചേംബർ ദേശീയ ഉപാധ്യക്ഷൻ ജേക്കബ് തോമസ് തെക്കേപുരയ്ക്കൽ, പ്രഫ. ഏബ്രഹാം ജോർജ്, കുഞ്ഞുകോശി പോൾ, പ്രഫ. ജേക്കബ് എം. ഏബ്രഹാം, രാജൻ കെ. ജോർജ്, ഷാജി പാറേൽ, അജിമോൻ കയ്യാലാത്ത്, സാബു ജോസഫ്, ബെന്നി പാറേൽ, എബി കോശി ഉമ്മൻ, തോമസ് ജോർജ്, ഷാജി ജോർജ്, സ്വപ്ന മറിയം കോശി എന്നിവർ പ്രസംഗിച്ചു.
