നഗ്ന​ദൃ​ശ്യം കാ​ണി​ച്ച് ഭീ​ഷ​ണി; പോ​ലീ​സ് വാ​ട്സ്ആ​പ്പ് ന​മ്പ​റി​ലേ​ക്ക് പ്ര​തി​ദി​നം എ​ത്തു​ന്ന​ത് 15ല​ധി​കം പ​രാ​തി​ക​ള്‍; 24 മണിക്കൂറും ജാഗ്രതയോടെ പോലീസ് സേന

സീ​മ മോ​ഹ​ന്‍​ലാ​ല്‍

കൊ​ച്ചി: വ്യ​ക്തി​ക​ളു​ടെ നഗ്ന​ദൃ​ശ്യ​ങ്ങ​ള്‍ ഓ​ണ്‍​ലൈ​നി​ല്‍ ചി​ത്രീ​ക​രി​ച്ച് മ​റ്റു​ള്ള​വ​ര്‍​ക്ക് അ​യ​ച്ചു​കൊ​ടു​ക്കു​മെ​ന്ന് ഭീ​ഷ​ണി​പ്പെ​ടു​ത്തി പ​ണം ത​ട്ടു​ന്ന​വ​ര്‍​ക്കെ​തി​രേ പ​രാ​തി​പ്പെ​ടാ​ന്‍ ഇ​നി മ​ടി​ക്കേ​ണ്ട.

പോ​ലീ​സ് സ്‌​റ്റേ​ഷ​നി​ല്‍​പോ​യി പ​രാ​തി​പ്പെ​ട്ടാ​ലു​ള്ള നാ​ണ​ക്കേ​ടു മൂ​ലം ച​തി​യി​ല്‍​പ്പെ​ടു​ന്ന പ​ല​രും അ​തു മൂ​ടി​വ​യ്ക്കു​ന്ന അ​വ​സ്ഥ​യാ​ണ് നി​ല​വി​ലു​ള്ള​ത്. അ​ല്ലെ​ങ്കി​ല്‍ ആ​ത്മ​ഹ​ത്യ​യി​ല്‍ അ​ഭ​യം തേ​ടും.

എ​ന്നാ​ല്‍ ന​ഗ്ന ദൃ​ശ്യ​ങ്ങ​ൾ കാ​ണി​ച്ച് ഭി​ഷ​ണി​പ്പെ​ടു​ത്തി പ​ണം​ത​ട്ടു​ന്ന സം​ഭ​വ​ങ്ങ​ൾ അ​റി​യി​ക്കു​ന്ന​തി​നു​ള്ള കേ​ര​ള പോ​ലീ​സി​ന്‍റെ വാ​ട്‌​സ്ആ​പ്പ് ന​മ്പ​റാ​യ 9497980900 ലേ​ക്ക് ഇ​ത്ത​രം ഭീ​ഷ​ണി​യെ​ക്കു​റി​ച്ച് കൃ​ത്യ​മാ​യ വി​വ​രം ന​ല്‍​കി​യാ​ല്‍ ന​ട​പ​ടി ഉ​ട​ന്‍ ഉ​ണ്ടാ​കും.

ഈ ​ന​മ്പ​റി​ലേ​ക്ക് ഇ​ത്ത​രം കു​റ്റ​കൃ​ത്യ​ങ്ങ​ള്‍ സം​ബ​ന്ധി​ച്ച് പ്ര​തി​ദി​നം 15ല​ധി​കം പ​രാ​തി​ക​ളാ​ണ് ല​ഭി​ക്കു​ന്ന​ത്. പോ​ലീ​സ് ആ​സ്ഥാ​ന​ത്ത് പ്ര​വ​ര്‍​ത്തി​ക്കു​ന്ന ഈ ​ന​മ്പ​റി​ലേ​ക്ക് എ​ത്തു​ന്ന സ​ന്ദേ​ശ​ങ്ങ​ളു​ടെ നി​ജ​സ്ഥി​തി മ​ന​സി​ലാ​ക്കി പ​രാ​തി​ക്കാ​ര​ന്‍ താ​മ​സി​ക്കു​ന്ന പ്ര​ദേ​ശ​ത്ത് പോ​ലീ​സ് സ്‌​റ്റേ​ഷ​നി​ലേ​ക്ക് വി​വ​രം കൈ​മാ​റി വേ​ണ്ട ന​ട​പ​ടി​ക​ള്‍ സ്വീ​ക​രി​ക്കു​ന്ന​താ​ണ് രീ​തി.

ബ്ലാ​ക്ക് മെ​യി​ലിം​ഗ്, മോ​ര്‍​ഫിം​ഗ് മു​ത​ലാ​യ കു​റ്റ​കൃ​ത്യ​ങ്ങ​ളും ഓ​ണ്‍​ലൈ​ന്‍ സാ​മ്പ​ത്തി​ക ത​ട്ടി​പ്പു​ക​ളും ഈ ​വാ​ട്ട്‌​സാ​പ്പ് ന​മ്പ​റി​ല്‍ അ​റി​യി​ക്കാം. ടെ​ക്സ്റ്റ്, ഫോ​ട്ടോ, വീ​ഡി​യോ, ശ​ബ്ദ​സ​ന്ദേ​ശം എ​ന്നീ മാ​ര്‍​ഗ​ങ്ങ​ളി​ലൂ​ടെ പ​രാ​തി ന​ല്‍​കാം.

നേ​രി​ട്ടു വി​ളി​ക്കാ​നാ​വി​ല്ല. ഈ ​സം​വി​ധാ​നം 24 മ​ണി​ക്കൂ​റും പ്ര​വ​ര്‍​ത്തി​ക്കും. ആ​വ​ശ്യ​മു​ള്ള​പ​ക്ഷം പ​രാ​തി​ക്കാ​രെ തി​രി​കെ​വി​ളി​ച്ച് വി​വ​ര​ങ്ങ​ള്‍ ശേ​ഖ​രി​ക്കും.