മെൽബൺ: സമ്മർദം താങ്ങാൻ സ്റ്റെഫാനോസ് സിറ്റ്സിപാസിനായില്ല…സ്വപ്ന കുതിപ്പ് നടത്തിയ ഗ്രീക്ക് യുവതാരം സിറ്റ്സിപാസ് ഓസ്ട്രേലിയൻ ഓപ്പണിൽ സെമിയിൽ റാഫേൽ നദാലിന്‍റെ മുന്പിൽ കീഴടങ്ങി. 6-2, 6-4, 6-0 എന്ന സ്കോറിനായിരുന്നു ലോക രണ്ടാം നമ്പറായ റാഫയുടെ വിജയം.
റോജർ ഫെഡററെ പ്രീക്വാർട്ടറിൽ അട്ടിമറിച്ച സിറ്റ്സിപാസ് പക്ഷേ സെമിയിൽ നദാലിനെതിരെ അടിപതറി. പതിനാലാം സീഡായ സിറ്റ്സിപാസിനെ മൂന്നു സെറ്റുകൾക്കാണ് നദാൽ പരാജയപ്പെടുത്തിയത്. രണ്ടാം സെറ്റിൽ മികച്ച പോരാട്ടം നടത്തിയ സിറ്റ്സിപാസ് മൂന്നാം സെറ്റിൽ തകർന്നടിഞ്ഞു.
രണ്ടാം സെമിയിൽ സെർബിയയുടെ നൊവാക് ജോക്കോവിച്ചും ഫ്രഞ്ച് താരം ലൂക്കാസ് പൂയിയും ഏറ്റുമുട്ടും.
