പാരീസ്: ഫ്രഞ്ച് ഓപ്പണ്‍ ടെന്നീസ് പുരുഷ സിംഗിള്‍സില്‍ നിലവിലെ ചാമ്പ്യന്‍ റഫേല്‍ നദാല്‍ അനായാസ ജയത്തോടെ മൂന്നാം റൗണ്ടില്‍. റോളംഗ് ഗാരോയില്‍ 12-ാം കിരീടം തേടിയിറങ്ങുന്ന നദാല്‍ യോഗ്യതാ മത്സരങ്ങള്‍ കളിച്ചെത്തിയ ജര്‍മനിയുടെ യാനിക് മാഡെനെ 6-1, 6-2, 6-4ന് തകര്‍ത്താണ് മുന്നേറിയത്.
ജപ്പാന്‍റെ കെയ് നിഷികോരി രക്ഷപ്പെട്ടു. നാലു സെറ്റ് നീണ്ട മത്സരത്തില്‍ നിഷികോരി ഫ്രാന്‍സിന്‍റെ ജോ വില്‍ഫ്രഡ് സോംഗയെ 4-6, 6-4, 6-4, 6-4ന് തോല്‍പ്പിച്ചു. ഗ്രീസിന്‍റെ സ്‌റ്റെഫാനോസ് സിറ്റ്‌സിപാസ് 4-6, 6-0, 6-3, 7-5ന് ഹ്യൂഗോ ഡെലീനെ തോല്‍പ്പിച്ചു.
വനിതാ സിംഗിള്‍സില്‍ കരോളിന പ്ലീഷ്‌കോവ 6-2, 6-2ന് ക്രിസ്റ്റീന കുസോവയെ പരാജയപ്പെടുത്തി. അനസ്താസിയ സെവസ്റ്റോവ 6-2, 6-4ന് മാന്‍ഡി മിനേലയെയും കാര്‍ല സുവാരസ് നവാരോ 6-1, 6-7(4-7), 6-3ന് ഷെല്‍ബി റോജേഴ്‌സിനെയും പരാജയപ്പെടുത്തി. പുരുഷ ഡബിള്‍സില്‍ ഇന്ത്യയുടെ ദിവിജ് ശരണും ബ്രസീലിന്‍റെ മാഴ്‌സലോ ഡെമോലിനര്‍ സഖ്യം രണ്ടാം റൗണ്ടില്‍
