കോട്ടയം: നാഗന്പടത്തെ സാമൂഹ്യ വിരുദ്ധരെ ഒതുക്കാൻ പോലീസ് രംഗത്തിറങ്ങിയപ്പോൾ കിട്ടിയത് ബസിനുള്ളിലെ മദ്യപാനം. ഇന്നലെ മൂന്നു പേരെ ബസിൽ മദ്യപിച്ചതിന് പിടികൂടി. സർവീസ് അവസാനിച്ച ശേഷം ബസ് സ്റ്റാൻഡിൽ പാർക്ക് ചെയ്ത് ബസിനുള്ളിൽ മദ്യപാനം നടത്തുന്നുവെന്നാണ് പോലീസ് കണ്ടെത്തിയത്.
ബസ് സറ്റാൻഡിന്‍റെ വടക്കേ അറ്റത്ത് പാർക്ക് ചെയ്താണ് മദ്യപാനം നടത്തി വന്നത്. ഫുട് ഓവർ ബ്രിഡ്ജിനു സമീപത്തെ സാമൂഹ്യ വിരുദ്ധരെയും പിടിച്ചുപറിക്കാരെയും പൊക്കാൻ മഫ്തി പോലീസിനെ ഈ ഭാഗത്ത് നിയോഗിച്ചിട്ടുണ്ട്. ഇവരാണ് ബസിനുള്ളിൽ നടക്കുന്ന മദ്യപാനം കണ്ടെത്തിയ്
പിന്നീട് പോലീസ് എത്തി കയ്യോടെ പിടികൂടുകയും ചെയ്തു. അതേ സമയം സ്റ്റാൻഡിലെ സാമൂഹ്യ വിരുദ്ധരെയോ പിടിച്ചുപറിക്കാരെയോ ഇതുവരെ പിടികൂടാൻ കഴിഞ്ഞിട്ടില്ല. പോലീസ് രംഗത്തിറങ്ങിയതോടെ സാമൂഹ്യ വിരുദ്ധർ കളംമാറ്റി സ്ഥലം വിട്ടിരിക്കുകയാണ്.
