ചാരുംമൂട്: സ്കൂൾ കുട്ടികൾക്കു മുമ്പിൽ നഗ്നതാ പ്രദർശനം നടത്തിയ മധ്യവയസ്കനെ നൂറനാട് പോ‌ലീസ് അറസ്റ്റ് ചെയ്തു. പാലമേൽ ആദിക്കാട്ടുകുളങ്ങര എള്ളും വിളകിഴക്കേതിൽ താമസിക്കുന്ന ചങ്ങനാശേരി ഫാത്തിമപുരത്ത് പുതുപറമ്പിൽ നവാസ് (54) ആണ് അറസ്റ്റിലായത്.
ഇയാൾ ഉപയോഗിച്ചിരുന്ന വാഹനവും പൊലീസ് കസ്റ്റഡിയിലെടുത്തു. ഇയാൾ കുട്ടികൾ വരുന്ന വിജനമായ വഴികളിൽ കാത്തുനിന്ന് ലൈംഗിക പ്രദർശനം നടത്തുകയായിരുന്നു. ഇൻസ്പെക്ടർ പി. ശ്രീജിത്ത്, എസ്ഐമാരായ എസ്. നിതീഷ്, സുഭാഷ് ബാബു എന്നിവരുടെ നേതൃത്വത്തിലായിരുന്നു പ്രതിയെ പിടികൂടിയത്.
