ദുബായ്: നമീബിയ ഓസ്‌ട്രേലിയയില്‍ നടക്കുന്ന ട്വന്‍റി 20 ക്രിക്കറ്റ് ലോകകപ്പിനു യോഗ്യത നേടി. ട്വന്‍റി 20 ലോകകപ്പ് യോഗ്യതാ മത്സരത്തില്‍ ഒമാനെ 54 റൺസിന് തോൽപ്പിച്ചാണ് നമീബിയ യോഗ്യത സ്വന്തമാക്കിയത്. ആദ്യം ബാറ്റ് ചെയ്ത നമീബിയ 20 ഓവറിൽ ഏഴിന് 161 റൺസെടുത്തു. ഒമാൻ 19.1 ഓവറില്‍ 107 റണ്‍സിന് എല്ലാവരും പുറത്തായി.
പാപുവ ന്യൂ ഗിനിയ, അയർലൻഡ്, നെതർലൻഡ് ടീമുകൾ നേരത്തെ തന്നെ യോഗ്യത ഉറപ്പിച്ചിരുന്നു. അതേസമയം, ബുധനാഴ്ച നടക്കുന്ന സ്കോട്ട്ലൻഡിനെതിരെയുള്ള മത്സരം ജയിച്ചാൽ യുഎഇക്കും യോഗ്യത ഉറപ്പിക്കാം. രണ്ടാം എലിമിനേഷൻ പ്ലേഓഫിൽ ഹോങ്കോംഗിനെ തോൽപ്പിച്ചാൽ ഒമാനും സാധ്യതയുണ്ട്.
