നാദാപുരം: മാസങ്ങള്‍ക്ക് മുമ്പ് ഏറണാകുളത്ത് നിന്ന് കാണാതായ യുവതിയെ നാദാപുരത്ത് നിന്ന് പോലീസ് കണ്ടെത്തി. ഏറണാകുളം ഞാറക്കല്‍ പോലീസ് സ്റ്റേഷന്‍ പരിധിയില്‍ നിന്നാണ് ഭര്‍തൃമതിയായ ഇരുപത്തിരണ്ട്കാരിയെ കാണാതായത്.
തുടര്‍ന്ന് ബന്ധുക്കള്‍ ഞാറക്കല്‍ പോലീസില്‍ പരാതി നല്‍കി. നാദാപുരം എസ്ഐ ക്ക് ലഭിച്ച രഹസ്യ വിവരമാണ് യുവതിയെ കണ്ടെത്താൻ സഹായിച്ചത്. നാദാപുരം ടൗണിലെ ടെക്സറ്റയില്‍ നിന്നാണ് യുവതിയെ പോലീസ് കണ്ടെത്തിയത്.
കസ്റ്റഡിയിലെടുത്ത യുവതിയെ വൈകുന്നേരം വടകര വനിത സെല്ലിലേക്ക് മാറ്റുകയും രാത്രിയോടെ വടകരയിലെത്തിയ ഞാറക്കല്‍ പോലീസ് സംഘത്തിന് കൈമാറി.മൂന്നാഴ്ച്ചയോളമായി യുവതി നാദാപുരത്തെ കടയിൽ ജോലി ചെയ്ത് വരികയായിരുന്നു.
