ലോകാവസാനം സംബന്ധിച്ച നിരവധി മുന്നറിയിപ്പുകള്‍ ലോകത്തിന്റെ വിവിധഭാഗങ്ങളിലുള്ള ശാസ്ത്രജ്ഞര്‍ നല്‍കുന്നുണ്ട്. സമാനമായ ഒരു മുന്നറിയിപ്പുമായി രംഗത്തെത്തിയിരിക്കുകയാണ് നാസയില്‍ നിന്നുള്ള ഒരു കൂട്ടം ശാസ്ത്രജ്ഞര്‍. ഭൂമിയെ ഒന്നാകെ വിഴുങ്ങാന്‍ ശേഷിയുള്ള കോസ്മിക് സുനാമിക്ക് സാധ്യതയുണ്ടെന്നാണു ശാസ്ത്രലോകത്തിന്റെ ഏറ്റവും പുതിയ മുന്നറിയിപ്പ്. ക്ഷീരപഥത്തിനു സമീപമുള്ള പെര്‍സിയൂസ് സൗരയുഥത്തില്‍ ഉടലെടുത്ത ഭീമന്‍ കോസ്മിക് സുനാമിയാണു ഭൂമിയ്ക്കാകെ ഭീഷണിയായി മാറുമെന്നു നാസയിലെ ശാസ്ത്രജ്ഞന്മാര്‍ കണ്ടെത്തിരിക്കുന്നത്. റോയല്‍ അസ്‌ട്രോണമിക്കല്‍ സൊസൈറ്റിയുടെ ജേണലിലാണ് ഈ അവിശ്വസനീയ കണ്ടെത്തലിന്റെ റിപ്പോര്‍ട്ട് പ്രസിദ്ധീകരിച്ചിരിക്കുന്നത്.
നൂറുകണക്കിന് കോടി വര്‍ഷങ്ങള്‍ക്കു മുമ്പ് പെര്‍സിയൂസ് സൗരയുഥത്തോട് മറ്റൊരു ചെറിയ സൗരയുഥം കൂട്ടിയിടിച്ചതാണ് ഈ ഊര്‍ജപ്രവാഹം തുടങ്ങാന്‍ കാരണമായത് എന്നു പറയുന്നു. ഈ സുനാമിയുടെ വലിപ്പം വര്‍ദ്ധിച്ചുകൊണ്ടിരിക്കുകയുമാണ്. ഭൂമിയുടെ കാന്തികമണ്ഡലത്തില്‍ കണ്ടെത്തിയ വിള്ളലിലൂടെ അപകടരമായ കോസ്മിക് തരംഗങ്ങള്‍ ഭൂമിയില്‍ എത്തുമോ എന്ന ഭീതിയിലാണിപ്പോള്‍ ശാസ്ത്രലോകം. നിമിഷനേരം കൊണ്ട് ഭൂമിയെ മുഴുവന്‍ ഇല്ലാതാക്കാന്‍ കെല്‍പ്പുള്ള സുനാമിയാണിതെന്നാണ് ശാസ്ത്രജ്ഞര്‍ പറയുന്നത്. മില്‍ക്കിവേ ഗ്യാലക്‌സിയുടെ ഇരട്ടി വലിപ്പമാണ് ഈ തിരമാലയ്ക്ക് ഉള്ളതെന്നും പറയുന്നു. പറയപ്പെടുന്നതില്‍ ഏത് രീതിയിലാണ് ലോകം അവസാനിക്കാന്‍ പോവുന്നതെന്ന് കാത്തിരുന്ന് തന്നെ കാണേണ്ടിയിരിക്കുന്നു.
