അഭിനയത്തിന് ഇടവേള നല്‍കി കുടുംബിനിയായി കഴിയുന്ന നസ്രിയ നസ്റിന്റെ തിരിച്ചു വരവിനെ സംബന്ധിച്ച അഭ്യൂഹങ്ങള്‍ക്ക് അവസാനം. താന്‍ തിരിച്ചു വരികയാണെന്ന് പ്രഖ്യാപിച്ച് നസ്രിയ രംഗത്തെത്തിയിരിക്കുകയാണ്.
നല്ലൊരു തിരക്കഥ കിട്ടിയാല്‍ നസ്റിയ തിരിച്ചുവരുമെന്ന് ഭര്‍ത്താവ് ഫഹദ് ഫാസില്‍ നേരത്തെ പറഞ്ഞിരുന്നു. അഭിനയം നിര്‍ത്തില്ല, തീര്‍ച്ചയായും മടങ്ങിവരുമെന്ന് നസ്റിയയും ആരാധകര്‍ക്ക് ഉറപ്പ് നല്‍കിയിരുന്നു. ഇതിനു പിന്നാലെയാണ് ആരാധകരുടെ കാത്തിരിപ്പിന് അവസാനമിട്ടുകൊണ്ട് നസ്റിയ തന്നെ തിരിച്ചു വരവ് പ്രഖ്യാപിച്ചിരിക്കുന്നത്.
അഞ്ജലി മേനോന്‍ ചിത്രത്തിലൂടെയാണ് നടിയുടെ തിരിച്ചുവരവ്. ബാംഗ്ലൂര്‍ ഡെയ്സിന് ശേഷം അഞ്ജലി മേനോന്‍ സംവിധാനം ചെയ്യുന്ന ചിത്രമായിരിക്കുമിത്. പൃഥ്വിരാജും പാര്‍വതിയുമാണ് മറ്റ് പ്രധാനവേഷങ്ങളില്‍ എത്തുന്നത്.
