സിനിമാ താരങ്ങൾക്കൊപ്പം സെൽഫിയെടുക്കാൻ ആരാധകർ തിടുക്കം കാട്ടാറുണ്ട്. അത് പലപ്പോഴും അക്രമത്തിലേക്കും വഴിമാറിയേക്കാം. അങ്ങനെ ഒരു സംഭവം കഴിഞ്ഞ ദിവസം നടന്നു. നടൻ നവാസുദ്ദീൻ സിദ്ദിഖിക്കാണ് ഒരു ആരാധകനിൽ നിന്നും മോശം അനുഭവമുണ്ടായത്.
ആള്‍ത്തിരക്കിനിടെ കാറിലേക്ക് കയറാന്‍ പോയ സിദ്ദിഖിയെ ഒരാൾ കഴുത്തിന് കുത്തിപ്പിടിച്ച് സെല്‍ഫിയെടുക്കാന്‍ ശ്രമിക്കുകയായിരുന്നു. ഉടന്‍ തന്നെ സുരക്ഷാ ജീവനക്കാര്‍ ഇടപെടുകയും ബലം പ്രയോഗിച്ച് സിദ്ദിഖിയെ മോചിപ്പിച്ച് കാറില്‍ കയറ്റി വിടുകയുമായിരുന്നു.
രാത് അകലേ എന്ന സിനിമയുടെ ചിത്രീകരണത്തിനായി നവാസുദ്ദീന്‍ സിദ്ദിഖി കാണ്‍പൂരില്‍ എത്തിയപ്പോഴായിരുന്നു സംഭവം നടന്നത്.
