നന്ദനം എന്ന ഒറ്റ ചിത്രത്തിലൂടെ മലയാളികളുടെ മനം കവര്‍ന്ന നടിയാണ് നവ്യ നായര്‍. വിവാഹത്തിന് ശേഷം സിനിമയില്‍ നിന്ന് വിട്ട് നിന്നുവെങ്കിലും സീന്‍ ഒന്ന് നമ്മുടെ വീട് എന്ന ചിത്രത്തിലൂടെ നടി സിനിമയിലേക്ക് തിരിച്ചെത്തി. കൂടാതെ സ്റ്റേജ് ഷോകളിലും നവ്യ സജീവമായിരുന്നു. ദൃശ്യത്തിന്റെ കന്നട റീമേക്കായ ദൃശ്യ എന്ന ചിത്രത്തിലും നവ്യ അഭിനയിച്ചു. നല്ല വേഷങ്ങള്‍ വന്നാല്‍ വീണ്ടും സിനിമയില്‍ സജീവമാകാനാണ് നവ്യയുടെ പ്ലാന്‍. ജനുവരിയിലാണ് നവ്യയും മുംബൈയില്‍ ജോലി നോക്കിയിരുന്ന സന്തോഷ് എന്‍ മേനോനും വിവാഹിതരാകുന്നത്. ഇരുവരുടെയും 7ാമത്തെ വിവാഹ വാര്‍ഷികം ആഘോഷിക്കുന്നതിന്റെ ചിത്രങ്ങള്‍ തന്റെ ഫേസ്ബുക്ക് പേജില്‍ പോസ്റ്റ് ചെയ്തിരിക്കുകയാണ് നവ്യ ഇപ്പോള്‍. സിനിമയില്‍ സജീവമായിരുന്ന നടിമാര്‍ വിവാഹശേഷം സിനിമയില്‍ നിന്ന് വിട്ടുനില്‍്ക്കുകയും പിന്നീട് ഒരു വര്‍ഷം പോലും തികയുന്നതിന് മുമ്പ് വിവാഹമോചിതരാവുകയും ചെയ്യുന്ന സാഹചര്യം നിലനില്‍ക്കുമ്പോഴാണ് നവ്യ തന്റെ വിവാഹ വാര്‍ഷികാഘോഷത്തിന്റെ ചിത്രങ്ങള്‍ ഫേസ്ബുക്കില്‍ പോസ്റ്റ് ചെയ്തത്.
ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയില്‍ എത്തുന്നത്. ധന്യ നായര്‍ എന്നാണ് യഥാര്‍ത്ഥ പേര്. രണ്ടാമത്തെ ചിത്രമായ മഴത്തുള്ളിക്കിലുക്കവും ദിലീപിനൊപ്പമായിരുന്നു. അതിന് ശേഷം അഭിനയിച്ച പൃഥ്വിരാജ് ചിത്രത്തിലെ ബാലാമണി എന്ന കഥാപാത്രം പ്രേക്ഷക ശ്രദ്ധ നേടി. ഇന്നും പ്രേക്ഷകരില്‍ അധികം പേര്‍ക്കും നവ്യയെ ബാലാമണിയായി കാണാനാണിഷ്ടം. അഴകിയ തീയേ എന്ന ചിത്രത്തിലൂടെയാണ് നവ്യ തമിഴില്‍ എത്തുന്നത്. രാധാ മോഹന്‍ സംവിധാനം ചെയ്ത ചിത്രത്തില്‍ നന്ദിനി എന്ന കഥാപാത്രത്തെ അവതരിപ്പിച്ചു. ചിതംഭരത്തില്‍ ഒരു അപസ്വാമിയാണ് നവ്യയുടെ രണ്ടാമത്തെ തമിഴ് ചിത്രം. ഗജയാണ് ആദ്യ കന്നട ചിത്രം.
