മലയാളികളുടെ പ്രിയപ്പെട്ട നടിയാണ് നവ്യാ നായര്‍. മലയാളത്തില്‍ മാത്രമല്ല മറ്റ് തെന്നിന്ത്യന്‍ ഭാഷകളിലും സാന്നിധ്യം അറിയിച്ചിട്ടുണ്ട്. കലോത്സവ വേദികളിലൂടെ സിനിമയിലെത്തിയ നവ്യ മികച്ച നര്‍ത്തകിയുമാണ്.
മലയാളത്തില്‍ തുടരെത്തുടരെ ഹിറ്റുകള്‍ സമ്മാനിച്ച് തന്‍റെ കരിയറിന്‍റെ ഉയരത്തിൽ നിൽക്കുന്പോഴായിരുന്നു നവ്യ ഇടവേളയെടുക്കുന്നത്. വിവാഹത്തോടെയാണ് താരം സിനിമ വിടുന്നത്. പിന്നീട് നീണ്ട പത്ത് വര്‍ഷത്തിന് ശേഷമാണ് നവ്യ തിരിച്ചുവരുന്നത്. സമീപകാലത്ത് മലയാള സിനിമ കണ്ട ഏറ്റവും മികച്ച തിരിച്ചുവരവുകളിലൊന്നാണ് നവ്യയുടേത്.
ഒരുത്തീ എന്ന വി. കെ പ്രകാശ് ചിത്രത്തിലൂടെയാണ് നവ്യ തിരികെ വരുന്നത്. സിനിമ വലിയ വിജയമായി മാറുകയും നവ്യ തന്‍റെ മടങ്ങി വരവില്‍ കയ്യടി നേടുകയും ചെയ്തു. തുടര്‍ന്ന് ഡാന്‍സ് റിയാലിറ്റി ഷോ വിധി കര്‍ത്താവായി ടെലിവിഷനിലേക്കും നവ്യ എത്തി. നൃത്ത വേദികളിലും സജീവമാണ് നവ്യ.
സോഷ്യല്‍ മീഡിയയിലും വളരെ സജീവമാണ് നവ്യ നായര്‍. താരത്തിന്‍റെ ഫോട്ടോഷൂട്ടുകളും മറ്റും വൈറലായി മാറാറുണ്ട്. തന്‍റെ ജീവിതത്തിലെ നല്ല നിമിഷങ്ങളൊക്കെ നവ്യ സോഷ്യല്‍ മീഡിയിയലൂടെ പങ്കുവയ്ക്കാറുണ്ട്. ഇപ്പോഴിതാ നവ്യ പങ്കുവച്ച പുതിയ ചിത്രങ്ങളും വൈറലായി മാറുകയാണ്.
ഓറഞ്ച് നിറത്തിലുള്ള സ്ലീവ്‌ലെസ് വസ്ത്രം ധരിച്ചാണ് നവ്യ എത്തിയിരിക്കുന്നത്. ചിത്രങ്ങള്‍ സോഷ്യല്‍ മീഡിയ കീഴടക്കുകയാണ്. അതേസമയം നവ്യയുടെ ഫോട്ടോഷൂട്ടിനെതിരെ ചിലര്‍ മോശം കമന്‍റുകളുമായി എത്തിയിട്ടുണ്ട്. സിനിമകളിലെ നാട്ടിന്‍പുറത്തുകാരി ഇമേജിന്‍റെ പേരിലാണ് സോഷ്യല്‍ മീഡിയ നവ്യയ്‌ക്കെതിരേ സദാചാര ആക്രമണം നടത്തുന്നത്.
അതേസമയം നവ്യയ്ക്ക് പിന്തുണയുമായും ചിത്രങ്ങള്‍ക്ക് അഭിനന്ദനങ്ങളുമായും നിരവധി പേരാണ് എത്തിക്കൊണ്ടിരിക്കുന്നത്.
