നായാട്ട്… കേ​ര​ള പോ​ലീ​സി​ലെ സം​ഭ​വ​ക​ഥ! സി​നി​മ​യി​ലും ജീ​വി​ത​ത്തി​ലും ചി​ല​രെ വീ​ണ്ടും ഓ​ർ​മി​പ്പി​ക്കു​ക​യാ​ണ് ‘ഓ​വ​ർ.. ഓ​വ​ർ.. 33 പി​റ​വം സ്റ്റേ​ഷ​ൻ’ എ​ന്ന വ​യ​ർ​ലെ​സ് സെ​റ്റി​ലെ വി​ളി​ക​ൾ…

റി​യാ​സ് കു​ട്ട​മ​ശേ​രി

പോ​ലീ​സു​കാ​ർ പ്ര​തി​സ്ഥാ​ന​ത്തു വ​രി​ക​യും രാ​ഷ്‌ട്രീയ​ക്കാ​ർ അ​തേ​റ്റെ​ടു​ക്കു​ക​യും ചെ​യ്യു​ന്ന സം​ഭ​വ​ബ​ഹു​ല​മാ​യ ത്രി​ല്ല​ർ സി​നി​മ​യാ​ണ് നാ​യാ​ട്ട്.

ക​ഥാ​പാ​ത്ര​ങ്ങ​ളു​ടെ അ​ഭി​ന​വ മി​ക​വും തി​ര​ക്ക​ഥ​യു​ടെ തി​ള​ക്ക​വും സം​വി​ധാ​ന വൈ​ഭ​വ​വും​ക്കൊ​ണ്ടും ഗം​ഭീ​ര ച​ല​ച്ചി​ത്രാ​വി​ക്ഷ്കാ​രം.
എ​ന്നാ​ൽ, ഇ​തി​ന്‍റെ ക​ഥ​ക്കും ക​ഥാ​പാ​ത്ര​ങ്ങ​ൾ​ക്കും ജീ​വി​ച്ചി​രി​ക്കു​ന്ന നാ​ലു പോ​ലീ​സു​കാ​രു​ടെ പ​ച്ച​യാ​യ ജീ​വി​ത​വു​മാ​യി സാ​ദൃ​ശ്യ​മു​ണ്ടെ​ങ്കി​ൽ അ​ത് തി​ക​ച്ചും യാ​ദൃ​ശ്ചി​ക​മ​ല്ല.

മ​റി​ച്ച് കേ​ര​ള പോ​ലീ​സി​ൽ ഇ​ന്നും കു​റ്റ​വി​ചാ​ര​ണ നേ​രി​ടു​ന്ന ഒ​രു സം​ഭ​വ ക​ഥ ത​ന്നെ​യാ​ണ്…

ഇ​ത് സി​നി​മാ ക​ഥ…

ഔ​ദ്യോ​ഗി​ക ജീ​വി​ത​യാ​ത്ര​യ്ക്കി​ട​യി​ൽ നി​ന​ച്ചി​രി​ക്കാ​തെ മൂ​ന്ന് പോ​ലീ​സു​കാ​ർ​ക്കി​ട​യി​ൽ സം​ഭ​വി​ച്ചു പോ​കു​ന്ന ഒ​രു ദു​ര​ന്ത​ത്തി​ന്‍റെ നേ​ർ​ക്കാ​ഴ്ച്ച​യാ​ണ് നാ​യാ​ട്ടെ​ന്ന സി​നി​മ ച​ർ​ച്ച ചെ​യ്യു​ന്ന​ത്.​

കോ​വി​ഡ് കാ​ല​ത്ത് തിയ​റ്റ​റു​ക​ൾ​ക്ക് പൂ​ട്ട് വീ​ണെ​ങ്കി​ലും സി​നി​മ സോ​ഷ്യ​ൽ മീ​ഡി​യ​ക​ളി​ലൂ​ടെ നാ​ടാ​കെ പ​ട​രു​ക​യാ​ണ്.​ന​ല്ല സി​നി​മ​യെ​ന്ന് ആ​സ്വാ​ദ​ക​ർ കൈ​യ​ടി​ച്ചു വ​ര​വേ​ൽ​ക്കു​ന്നു.

സാ​ധാ​ര​ണ പോ​ലീ​സു​കാ​രു​ടെ ജീ​വി​തം വ​ള​രെ റി​യ​ലി​സ്റ്റി​ക്കാ​യി ക​ണ്ട് ചി​ത്ര​മൊ​രു​ക്കാ​ൻ സം​വി​ധാ​യ​ക​ൻ മാ​ർ​ട്ടി​ൻ പ്ര​ക്കാ​ട്ടി​ന് ക​ഴി​ഞ്ഞു. സ​ഹ​ജീ​വി​ക​ളു​ടെ നൊ​മ്പ​ര​ങ്ങ​ൾ തി​രി​ച്ച​റി​ഞ്ഞ കോ​ട്ട​യം എ ​ആ​ർ ക്യാ​മ്പി​ലെ പോ​ലീ​സ് ഉ​ദ്യോ​ഗ​സ്ഥ​നാ​യ ഷാ​ഹി​യെ​ന്ന തി​ര​ക്ക​ഥാ​കൃ​ത്തി​ന്‍റെ തൂ​ലി​ക​യു​ടെ തീ​ക്ഷ്ണ​ത ഒ​രി​ക്ക​ൽ കൂ​ടി തി​രി​ച്ച​റി​ഞ്ഞ ച​ല​ച്ചി​ത്ര​കാ​വ്യം.

മ​ന​ഃപൂ​ർ​വ്വ​മ​ല്ലാ​ത്ത ഒ​രു അ​പ​ക​ട മ​ര​ണ​ത്തി​ന്‍റെ പേ​രി​ൽ സ​മൂ​ഹം കൊ​ല​യാ​ളി​ക​ളെ​ന്ന് വി​ളി​പ്പേ​ര് ചാ​ർ​ത്തി​യ മൂ​ന്നു പോ​ലീ​സു​കാ​രു​ടെ നി​സ​ഹാ​യ​ത ഫ​ലി​പ്പി​ക്കു​ന്ന​ത്തി​ൽ മ​ല​യാ​ളി​ക​ളു​ടെ ഇ​ഷ്ട​താ​ര​ങ്ങ​ളാ​യ കു​ഞ്ചാ​ക്കോ​യും ജോ​ജു​വും നി​മി​ഷ​യും മ​ത്സ​രി​ച്ച​ഭി​ന​യി​ച്ചു.

തെ​റ്റു​കാ​ര​ല്ലാ​തി​രി​ന്നി​ട്ടും രാഷ്‌ട്രീ​യ – മേ​ലു​ദ്യോ​ഗ​സ്ഥ അ​ധി​കാ​ര​ത്തി​ന്‍റെ നോ​ക്കും വാ​ക്കും പാ​വ​പ്പെ​ട്ട പോ​ലീ​സു​കാ​ർ​ക്കു നേ​രേ ​ത​ന്നെ​യാ​യി​രു​ന്നു​വെ​ന്ന് സ​മൂ​ഹ​ത്തെ ബോ​ധി​പ്പി​ക്കു​ന്ന​താ​ണ് സി​നി​മ​യു​ടെ ഇ​തി​വൃ​ത്തം.

ഇ​നി സി​നി​മ​യി​ല​ല്ല…

2011 മാ​ർ​ച്ച് 31. അ​ന്ന് എ​റ​ണാ​കു​ളം റൂ​റ​ൽ ജി​ല്ലാ പോ​ലീ​സി​ന്‍റെ പ​രി​ധി​യി​ലെ മു​ള​ന്തു​രു​ത്തി സ്റ്റേ​ഷ​നി​ൽ പ്ര​മാ​ദ​മാ​യ ഒ​രു കേ​സ് ര​ജി​സ്റ്റ​ർ ചെ​യ്തു.​ഈ സി​നി​മ​യി​ൽ ചി​ത്രീ​ക​രി​ച്ചി​രി​ക്കു​ന്ന​തി​നു സ​മാ​ന​മാ​യ ഒ​രു വാ​ഹ​ന അ​പ​ക​ടം.​രാ​ത്രി എട്ടു മ​ണി​യോ​ടെ സം​ഭ​വി​ച്ച ആ ​ദു​ര​ത്തി​ൽ ര​ണ്ടു വി​ദ്യാ​ർ​ഥി​ക​ളു​ടെ ജീ​വ​നാ​ണ് അ​ന്ന് പൊ​ലി​ഞ്ഞ​ത്.

സൈ​ക്ക​ളി​ൽ വ​ന്ന കു​ട്ടി​ക​ളെ എ​തി​രേ നി​ന്നു വ​ന്ന സ്വ​കാ​ര്യ കാ​ർ ഇ​ടി​ക്കു​ക​യാ​യി​രു​ന്നു. സം​ഭ​വ​ത്തി​ൽ മു​ള​ന്തു​രു​ത്തി സ്വ​ദേ​ശി​ക​ളാ​യ ശ്രീ​ജി​ത്ത് (14),അ​മ​ൽ കെ.​മ​ണി(13) എ​ന്നി​വ​രാ​ണ് മ​രി​ച്ച​ത്.

കു​ട്ടി​ക​ളു​ടെ മ​ര​ണം നാ​ട്ടി​ൽ വ​ൻ പ്ര​ക്ഷോ​ഭ​ങ്ങ​ൾ​ക്ക് വ​ഴി​യൊ​രു​ക്കി. പ​തി​നൊ​ന്നാം പ​ക്കം കേ​ര​ള നി​യ​മ​സ​ഭ​യി​ലേ​ക്കു​ള്ള തെ​ര​ഞ്ഞെ​ടു​പ്പു ന​ട​ക്കു​ന്ന​തി​നാ​ൽ സം​ഭ​വം പോ​ലീ​സി​ന്‍റെ നാ​യാ​ട്ടാ​യി പ്ര​തി​പ​ക്ഷ​മേ​റ്റെ​ടു​ത്തു. ആ​രോ​പ​ണം നേ​രി​ടാ​നാ​കാ​തെ ഭ​ര​ണ​പ​ക്ഷം കു​ഴ​ഞ്ഞു. പ്ര​മു​ഖ സ​മു​ദാ​യ സം​ഘ​ട​ന സ​മ​ര രം​ഗ​ത്തി​റ​ങ്ങി.

പോ​ലീ​സി​ലെ ഉ​ന്ന​ത ഉ​ദ്യോ​ഗ​സ്ഥ​ർ പ്ര​തി​സ​ന്ധി​യി​ലാ​യി. ഇ​തി​നി​ട​യി​ൽ അ​പ​ക​ടം വ​രു​ത്തി​യ കാ​റി​ലെ യാ​ത്ര​ക്കാ​രെ തി​രി​ച്ച​റി​ഞ്ഞു. വാ​ഹ​ന​ത്തി​ലു​ണ്ടാ​യി​രു​ന്ന​വ​ർ പി​റ​വം സ്റ്റേ​ഷ​നി​ലെ നാ​ലു പോ​ലീ​സു​കാ​രാ​ണെ​ന്ന​റി​ഞ്ഞ​തോ​ടെ ജ​ന​രോ​ഷം ആ​ളി​ക്ക​ത്തി.​

അ​ന്ന​ത്തെ എ​റ​ണാ​കു​ളം റേ​ഞ്ച് ഐ​ജി ആ​ർ.​ശ്രീ​ലേ​ഖ ഓ​ടി​യെ​ത്തി കു​റ്റ​ക്കാ​രാ​യ പോ​ലീ​സു​കാ​രെ സ​സ്പെ​ൻ​ഡ് ചെ​യ്ത് രം​ഗം ശാ​ന്ത​മാ​ക്കാ​ൻ ശ്ര​മി​ച്ചു.​

എ​ന്നാ​ൽ, പോ​ലീ​സു​കാ​രു​ടെ അ​റ​സ്റ്റി​ൽ കു​റ​ഞ്ഞ യാ​തൊ​രു ഒ​ത്തു​ത്തീ​ർ​പ്പി​നും നാ​ട്ടു​കാ​ർ കൂ​ട്ടാ​ക്കി​യി​ല്ല. ഒ​ടു​വി​ൽ, സ​മ​ര​ക്കാ​ർ​ക്കു വ​ഴ​ങ്ങി അ​ഞ്ച് പേ​രെ പ്ര​തി​ക​ളാ​ക്കി മു​ള​ന്തു​രു​ത്തി പോ​ലീ​സ് കേ​സ് ര​ജി​സ്റ്റ​ർ ചെ​യ്തു.

ദു​ര​ന്തം വ​ന്ന വ​ഴി..

സി​നി​മ​യി​ലേ​തെ​ന്ന പോ​ലെ, സം​ഭ​വദി​വ​സം രാ​ത്രി വി​ര​മി​ച്ച പി​റ​വം എ​സ് ഐ​യു​ടെ വീ​ട്ടി​ലെ യാ​ത്ര​യ​പ്പ് സ​ൽ​ക്കാ​രം ക​ഴി​ഞ്ഞു ടാ​ക്സി കാ​റി​ൽ മ​ട​ങ്ങു​ക​യാ​യി​രു​ന്നു സ്റ്റേ​ഷ​നി​ലെ നാ​ലു പോ​ലീ​സു​കാ​ർ.

കോ​ൺ​സ്റ്റ​ബി​ൾ​മാ​രാ​യ സോ​ജ​ൻ, ആ​ർ.​വി​ജ​യ​ൻ, അ​ജി​ത്കു​മാ​ർ, കോ​ൺ​സ്റ്റ​ബി​ൾ സ്റ്റാ​ൻ​ലി സേ​വ്യ​ർ, ടാ​ക്സി ഡ്രൈ​വ​ർ ഷൈ​ൻ രാ​ജ് എ​ന്നി​വ​ര​ട​ങ്ങി​യ​താ​യി​രു​ന്നു സം​ഘം.​മു​ള​ന്തു​രു​ത്തി വെ​ട്ടി​ക്ക​ൽ എ​ന്ന സ്ഥ​ല​ത്തി​നു സ​മീ​പം വ​ച്ച് ഇ​വ​ർ സ​ഞ്ച​രി​ച്ച കാ​റാ​ണ് കു​ട്ടി​ക​ളു​ടെ സൈ​ക്കി​ളി​ൽ ഇ​ടി​ച്ച​ത്.

റോ​ഡി​ൽ തെ​റി​ച്ചു​വീ​ണ കു​ട്ടി​ക​ളെ ആ​ശു​പ​ത്രി​യി​ലെ​ത്തി​ക്കാ​ൻ മ​ഫ്ത്തി​യി​ലു​ള്ള ഈ ​പോ​ലീ​സു​കാ​ർ അ​തു​വ​ഴി ക​ട​ന്നു പോ​യ വാ​ഹ​ന​ങ്ങ​ൾ​ക്ക് കൈ​കാ​ണി​ച്ചെ​ങ്കി​ലും ആ​രും സ​ഹാ​യി​ക്കാ​ൻ കൂ​ട്ടാ​ക്കി​യി​ല്ലെ​ന്നു പ​റ​യു​ന്നു.​

ഈ സ​മ​യ​മാ​ണ് യാ​ത്ര​യ​പ്പി​ൽ പ​ങ്കെ​ടു​ത്ത ശേ​ഷം മു​ള​ന്തു​രു​ത്തി സ്റ്റേ​ഷ​നി​ലെ പോ​ലീ​സ് അ​തു​വ​ഴി ക​ട​ന്നു വ​ന്ന​ത്. അ​വ​ർ ഉട​നെ പ​രി​ക്കേ​റ്റ കു​ട്ടി​ക​ളെ ആ​ശു​പ​ത്രി​യി​ലെ​ത്തി​ച്ചു.​ പ​ക്ഷെ, ഇ​രു​വ​രു​ടെ​യും ജീ​വ​ൻ ര​ക്ഷി​ക്കാ​നാ​യി​ല്ല.

ഇ​ല​ക്ഷ​ൻ ചൂ​ടി​ൽ കേ​സ് ക​ത്തി​ക്ക​യ​റി

കു​ട്ടി​ക​ളു​ടെ മ​ര​ണ​ത്തി​ൽ നാ​ടാ​കെ​യി​ള​കി മ​റി​ഞ്ഞു.​ഇ​ല​ക്‌ഷ​ൻ ബ​ഹി​ഷ്ക്ക​ര​ണ​മ​ട​ക്ക​മു​ള്ള സ​മ​രാ​യു​ധ​ങ്ങ​ളു​മാ​യി ജ​നം തെ​രു​വി​ലി​റ​ങ്ങി.​

റൂ​റ​ൽ എ​സ്പി വി​ക്രം ഐ​പി​എ​സി​ന്‍റെ നേ​തൃ​ത്വ​ത്തി​ൽ ഉ​ന്ന​ത പോ​ലീ​സ് സം​ഘം പി​റ​വ​ത്ത് ക്യാ​മ്പ് ചെ​യ്ത് സ്ഥി​തി​ഗ​തി​ക​ൾ ശാ​ന്ത​മാ​ക്കാ​ൻ അ​ശ്രാ​ന്ത പ​രി​ശ്ര​മം ന​ട​ത്തി. പോ​ലീ​സി​ന്‍റെ​യും സ​ർ​ക്കാ​രി​ന്‍റെ​യും മു​ഖം ര​ക്ഷി​ക്കാ​നു​ള്ള മാ​ര​ത്തോ​ൺ ച​ർ​ച്ച​ക​ളൊ​ന്നും പ്ര​തി​ഷേ​ധ​ത്തി​നു മു​ന്നി​ൽ ഫ​ലം ക​ണ്ടി​ല്ല.

അ​ന്വേ​ഷ​ണ​ത്തി​നി​ട​യി​ൽ അ​പ​ക​ട​മു​ണ്ടാ​ക്കി​യ കാ​റു​മാ​യി ഡ്രൈ​വ​ർ ഷൈ​ൻ രാ​ജ് പോ​ലീ​സി​ൽ കീ​ഴ​ട​ങ്ങി.​ പ്ര​തി​ചേ​ർ​ത്ത നാ​ലു പോ​ലീ​സു​കാ​രും ഇ​തി​ന​കം ജി​ല്ല വി​ട്ടി​രു​ന്നു.​

ഹൈ​ക്കോ​ട​തി​യി​ൽ നി​ന്നും അ​റ​സ്റ്റ് ത​ട​ഞ്ഞു കൊ​ണ്ടു​ള്ള താ​ൽ​ക്കാ​ലി​ക ഉ​ത്ത​ര​വു നേ​ടി അ​വ​ർ തി​രി​കെ നാ​ട്ടി​ലെ​ത്തി.​എ​ന്നാ​ൽ, അ​റ​സ്റ്റ് ഒ​ഴി​വാ​ക്കാ​ൻ ക​ഴി​യി​ല്ലാ​യെ​ന്ന ഉ​ദ്യോ​ഗ​സ്ഥ തീ​രു​മാ​ന​ത്തി​ലെ അ​പ​ക​ടം മ​ണ​ത്ത പോ​ലീ​സു​കാ​ർ മാ​സ​ങ്ങ​ളോ​ളം കേ​ര​ള​ത്തി​നു പു​റ​ത്ത് ഒ​ളി​വി​ൽ ക​ഴി​ഞ്ഞു.

സി​നി​മ​ക്ക് സ​മാ​ന​മാ​യ ഒ​ളി​ജീ​വി​തം

ത്ര​സി​പ്പി​ക്കു​ന്ന സം​ഭ​വ​ങ്ങ​ളി​ലൂ​ടെ​യാ​ണ് നാ​യാ​ട്ടി​ൽ സം​വി​ധാ​യ​ക​ൻ പോ​ലീ​സു​കാ​രു​ടെ ഒ​ളി​വു​കാ​ല ജീ​വി​തം അ​ഭ്ര​പാ​ളി​യി​ലേ​ക്ക് പ​ക​ർ​ത്തി​യി​രി​ക്കു​ന്ന​ത്.​

സ​മാ​ന​മാ​യ പൊ​ള്ളു​ന്ന ജീ​വി​താ​നു​ഭ​വം ത​ന്നെ​യാ​ണ് ഒ​ളി​വു കാ​ല​ത്ത് ത​ങ്ങ​ളും സ​ഹി​ച്ച​തെ​ന്ന് കു​റ്റാ​രോ​പി​ത​രാ​യ പോ​ലീ​സു​കാ​രും സ​മ്മ​തി​ക്കു​ന്നു.

നി​ര​പ​രാ​ധി​ത്വം തെ​ളി​യി​ക്കാ​ൻ സ്വ​ന്തം ജീ​വി​തം ത​ന്നെ അ​വ​സാ​നി​പ്പി​ക്കാ​ൻ അ​വ​രി​ൽ ചി​ല​ർ ശ്ര​മി​ച്ചു.​സി​നി​മ​യി​ല​ത് ജോ​ജു​വി​ന്‍റെ ക​ഥാ​പാ​ത്ര​മാ​യ മ​ണി​യെ​ന്ന പോ​ലീ​സു​കാ​ര​ന്‍റെ ആ​ത്മ​ഹ​ത്യ​ാ ശ്രമത്തിലാണ് ക​ലാ​ശി​ച്ച​തെ​ങ്കി​ൽ ഇ​വി​ടെ സ​ഹ​പ്ര​വ​ർ​ത്ത​ക​രു​ടെ യ​ഥാ​സ​മ​യ​ത്തെ ഇ​ട​പെ​ട​ലി​ലൂ​ടെ ദു​ര​ന്തം ഒ​ഴി​ഞ്ഞു പോ​കു​ക​യാ​യി​രു​ന്നു.

സി​നി​മ ന​ൽ​കു​ന്ന കൈ​യ​ടി

അ​പ്രി​യ​മാ​ണെ​ങ്കി​ലും ര​ണ്ടി​ട​ത്തും സം​ഭ​വി​ക്കു​ന്ന രം​ഗ​ങ്ങ​ളി​ൽ പ​ല​പ്പോ​ഴും സാ​മ്യ​ത​യു​ണ്ട്.​കു​റ്റാ​രോ​പി​ത​രാ​യ പോ​ലീ​സു​കാ​രു​ടെ ഭാ​ഗം പോ​ലും കേ​ൾ​ക്കാ​ൻ അ​വ​സ​രം ന​ൽ​കാ​തെ സ​മൂ​ഹ​ത്തോ​ടൊ​പ്പം സേ​ന​യി​ലെ ചി​ല​രും എ​തി​രാ​കു​ന്നു.

സ​ഹാ​യി​ക്കാ​നൊ​രു​ങ്ങു​ന്ന​വ​ർ​ക്കെ​തി​രെ ഉ​ന്ന​ത​രു​ടെ ഭീ​ഷ​ണി മു​ഴ​ങ്ങു​മ്പോ​ൾ പ​ല​ർ​ക്കും പ​ക​ച്ചു നി​ൽ​ക്കാ​നേ​ആ​വു​ന്നു​ള്ളൂ.​എ​ന്നാ​ൽ, ര​ക്ഷ​പ്പെ​ടാ​ൻ വ​ഴി​യൊ​രു​ക്കു​ന്ന സ​ഹ​പ്ര​വ​ർ​ത്ത​ക​നാ​യ പോ​ലീ​സു​കാ​ര​ന് സി​നി​മ ന​ൽ​കു​ന്ന കൈ​യടി സ​ത്യ​ത്തി​ലേ​ക്കു​ള്ള നേ​രി​യ പ്ര​തീ​ക്ഷ​യാ​ണ് ന​ൽ​കു​ന്ന​ത്.

ഇ​നി വി​ധി പ​റ​യ​ട്ടെ…

ഇ​ന്ത്യ​ൻ ശി​ക്ഷാ നി​യ​മ​പ്ര​കാ​രം 304 എ, 279 ​കൂ​ടാ​തെ മ​ദ്യ​പി​ച്ച് അ​ശ്ര​ദ്ധ​മാ​യി വാ​ഹ​ന​മോ​ടി​ക്ക​ല​ട​ക്ക​മു​ള്ള കു​റ്റ​ങ്ങ​ളാ​ണ് പ്ര​തി​ക​ൾ​ക്കെ​തി​രേ ചു​മ​ത്തി​യി​രു​ന്ന​ത്.​കേ​സി​ൽ ഹൈ​ക്കോ​ട​തി പ്ര​തി​ക​ളാ​യ പോ​ലീ​സു​കാ​ർ​ക്ക് ജാ​മ്യം നി​ഷേ​ധി​ച്ചു.

പോ​ലീ​സ് വേ​ട്ട ഭ​യ​ന്ന് നാ​ലു പോ​ലീ​സു​കാ​രും മാ​സ​ങ്ങ​ളോ​ളം ഒ​ളി​വി​ൽ പോ​യി. ഒ​ടു​വി​ൽ സു​പ്രിം കോ​ട​തി പ്ര​തി​ക​ൾ​ക്ക് മു​ൻ​കൂ​ർ ജാ​മ്യം ന​ൽ​കു​ക​യാ​യി​രു​ന്നു.

കേ​സ് പ​രി​ശോ​ധി​ച്ച സു​പ്രിം കോ​ട​തി പ്രൊ​സി​ക്യൂ​ഷ​ന്‍റെ പ​ല വാ​ദ​ങ്ങ​ളും ത​ള്ളി​ക്കള​യു​ക​യും പോ​ലീ​സു​കാ​ർ​ക്ക​നു​കൂ​ല​മാ​യ ചി​ല നി​ല​പാ​ടു​ക​ൾ സ്വീ​ക​രി​ക്കു​ക​യും ചെ​യ്തു.

​തു​ട​ർ​ന്ന് 2012-ൽ ​നാ​ലു പോ​ലീ​സു​കാ​രെ​യും സ​ർ​വീ​സി​ൽ ഉ​പാ​ധി​ക​ളോ​ടെ തി​രി​ച്ചെ​ടു​ത്തു.​എ​സ്ഐ, എഎ​സ്ഐ​മാ​രാ​യി അ​വ​രി​ന്ന് എ​റ​ണാ​കു​ളം ജി​ല്ല​യ്ക്ക് പു​റ​ത്തു​ള്ള വി​വി​ധ സ്റ്റേ​ഷ​നു​ക​ളി​ൽ ജോ​ലി ചെ​യ്തു വ​രു​ന്നു.

ഇ​തി​നി​ട​യി​ൽ സെ​ഷ​ൻ​സ് കോ​ട​തി​യി​ൽ കേ​സി​ന്‍റെ വി​ചാ​ര​ണ തു​ട​രു​ക​യാ​ണ്.​വാ​ഹ​ന അ​പ​ക​ട കേ​സു​ക​ളി​ൽ മ​ര​ണ​മ​ട​ക്കം സം​ഭ​വി​ച്ചാ​ൽ ഡ്രൈ​വ​റോ​ടൊ​പ്പം യാ​ത്ര​ക്കാ​രെ പ്ര​തി​ചേ​ർ​ക്കു​ന്ന​തി​ന്‍റെ നി​യ​മ സാ​ധ്യ​ത​യാ​ണ് പ്ര​തി​ക​ളാ​യ പോ​ലീ​സു​കാ​ർ കോ​ട​തി​ക​ളി​ൽ ചോ​ദ്യം ചെ​യ്ത​ത്.​

കൂ​ടാ​തെ, മ​രി​ച്ച കു​ട്ടി​ക​ൾ ദ​ളി​ത് സ​മു​ദാ​യ​ത്തി​ൽ​പ്പെ​ട്ട​വ​രാ​യ​തി​നാ​ൽ പ്ര​തി​ക​ൾ​ക്കെ​തി​രേ ചു​മ​ത്തി​യ ദ​ളി​ത് പീ​ഡ​ന​മെ​ന്ന വ​കു​പ്പും പി​ന്നീ​ട് നി​യ​മ സാ​ധു​ത​യി​ല്ലെ​ന്ന് ക​ണ്ടെ​ത്തു​ക​യാ​യി​രു​ന്നു.​ കേ​സ് ഇ​പ്പോ​ൾ എ​റ​ണാ​കു​ളം അ​തി​വേ​ഗ കോ​ട​തി​യി​ൽ വി​ചാ​ര​ണ തു​ട​രു​ക​യാ​ണ്.

പ​ത്തു വ​ർ​ഷ​ങ്ങ​ൾ​ക്ക് ശേ​ഷം..

പി​ന്നീ​ടും പി​റ​വ​ത്ത് പ​ല ഇ​ല​ക്‌ഷ​നു​ക​ളും ന​ട​ന്നു. ജ​യി​ക്കേ​ണ്ട​വ​ർ ജ​യി​ച്ചു. കേ​ര​ള ഭ​ര​ണം മാ​റി മാ​റി വ​ന്നു. പ​ക്ഷെ, ആ ​നാ​ലു പോ​ലീ​സു​കാ​രി​ന്നും കു​റ്റ​മോ​ചി​ത​രാ​യി​ട്ടി​ല്ല.

വി​ചാ​ര​ണ നേ​രി​ടു​മ്പോ​ഴും അ​വ​ർ പോ​ലീ​സ് സേ​ന​യ്ക്ക് വേ​ണ്ടി​ ഇപ്പോ​ഴും പ​ണി​യെ​ടു​ക്കു​ന്നു.​ മ​ന​ഃപൂ​ർ​വ​മ​ല്ലാ​ത്ത ന​ര​ഹ​ത്യ​യാ​യി ര​ജി​സ്റ്റ​ർ ചെ​യ്യേ​ണ്ട കേ​സി​ൽ ആ​ർ​ക്കാ​യി​രു​ന്നു ത​ങ്ങ​ളെ പ്ര​തി​യാ​ക്ക​ണ​മെ​ന്ന് ഇ​ത്ര വാ​ശി​യെ​ന്ന ചോ​ദ്യ​ത്തി​ന് സ്വ​യം ഉ​ത്ത​രം തേ​ടു​ക​യാ​ണ് ഇന്നു​ം അ​വ​ർ.

സി​നി​മ​യു​ടെ തി​ര​ക്ക​ഥ പോ​ലെ അ​വ​രു​ടെ സ​ർ​വീ​സ് ജീ​വി​ത​വും അ​വ​സാ​ന റോ​ളി​ൽ ഓ​ടി​ക്കൊ​ണ്ടി​രി​ക്കു​ന്നു. പി​റ​വ​ത്തെ സം​ഭ​വ​മാ​ണ് നാ​യാ​ട്ടെ​ന്ന സി​നി​മ​യെ ച​ലി​പ്പി​ക്കു​ന്ന​തി​നു പി​ന്നി​ലെ​ന്ന് അ​ണി​യ​റ പ്ര​വ​ർ​ത്ത​ക​ർ വ്യക്തമാക്കുമ്പോ​ൾ, സി​നി​മ​യി​ലും ജീ​വി​ത​ത്തി​ലും ചി​ല​രെ​യെ​ങ്കി​ലും വീ​ണ്ടും ഓ​ർ​മി​പ്പി​ക്കു​ക​യാ​ണ് “ഓ​വ​ർ.. ഓ​വ​ർ..33 പി​റ​വം സ്റ്റേ​ഷ​ൻ’ എ​ന്ന വ​യ​ർ​ലെ​സ് സെ​റ്റി​ലെ വി​ളി​ക​ൾ…