എ​ട​ത്വ, നീ​രേ​റ്റു​പു​റം പാ​ല​ങ്ങ​ളി​ൽ വ​ഴി​വി​ള​ക്കി​ല്ല; രാത്രികാലങ്ങളിൽ പാലത്തിൽനിന്നും  മാ​ലി​ന്യം തള്ളുന്നത് പതിവാകുന്നു;   നടപിയെടുക്കാതെ അധികൃതരും

എ​ട​ത്വ: നീ​രേ​റ്റു​പു​റം, എ​ട​ത്വ, പാ​ല​ത്തി​ലെ വ​ഴി​വി​ള​ക്കു​ക​ൾ കൂ​ട്ട​ത്തോ​ടെ ക​ണ്ണ​ട​ച്ചു. ഇ​രു​ളി​ന്‍റെ മ​റ​വി​ൽ മാ​ലി​ന്യം ത​ള്ളു​ന്ന​താ​യി പ​രാ​തി. അ​ന്പ​ല​പ്പു​ഴ-​തി​രു​വ​ല്ല സം​സ്ഥാ​ന​പാ​ത​യി​ലെ എ​ട​ത്വ, നീ​രേ​റ്റു​പു​റം എ​ന്നീ സ്ഥ​ല​ങ്ങ​ളി​ൽ സ്ഥി​തി​ചെ​യ്യു​ന്ന ര​ണ്ട് പാ​ല​ങ്ങ​ളി​ലെ വ​ഴി​വി​ള​ക്കു​ക​ൾ കൂ​ട്ട​ത്തോ​ടെ ക​ണ്ണ​ട​ച്ചി​ട്ട് മാ​സ​ങ്ങ​ൾ. എ​ട​ത്വ കോ​ള​ജ് പാ​ല​ത്തി​ൽ മാ​ത്രം അ​ന്പ​തോ​ളം തെ​രു​വു​വി​ള​ക്കു​ക​ളാ​ണ് ഉ​ള്ള​ത്.

സ്വ​കാ​ര്യ പ​ര​സ്യ ബോ​ർ​ഡാ​യി സ്ഥാ​പി​ച്ചി​രി​ക്കു​ന്ന വി​ള​ക്കു​ക​ൾ​ക്ക് പു​റ​മെ മൂ​ന്ന് വ​ലി​യ വി​ള​ക്കു​ക​ളും ഉ​ണ്ട്. എ​ട​ത്വ സെ​ന്‍റ് ജോ​ർ​ജ്ജ് ഫൊ​റോ​നാ​പ​ള്ളി​യി​ൽ ദി​വ​സ​വും നൂ​റ് ക​ണ​ക്കി​ന് തീ​ർ​ഥാ​ട​ക​രാ​ണ് എ​ത്തു​ന്ന​ത്. നീ​രേ​റ്റു​പു​റ​ത്ത് സ്ട്രീ​റ്റ് ലൈ​റ്റ് സ്ഥാ​പി​ച്ചി​രു​ന്ന ഇ​രു​ന്പ് പോ​സ്റ്റു​ക​ൾ ഒ​ടി​ഞ്ഞു​തൂ​ങ്ങി​യ നി​ല​യി​ലാ​ണ്.

പ്ര​സി​ദ്ധ​മാ​യ ച​ക്കു​ള​ത്തു​കാ​വ് ക്ഷേ​ത്ര​ത്തി​ന് അ​ൻ​പ​ത് മീ​റ്റ​ർ അ​ക​ലെ സ്ഥി​തി ചെ​യ്യു​ന്ന പാ​ല​ത്തി​ൽ വ​ഴി​വി​ള​ക്ക് പ്ര​കാ​ശി​ക്കാ​തെ വ​ന്ന​തോ​ടെ മാ​ലി​ന്യ​ങ്ങ​ൾ നീ​രേ​റ്റു​പു​റം പ​ന്പ​യാ​റ്റി​ലേ​ക്ക് ത​ള്ളു​ക​യാ​ണ്. ആ​ല​പ്പു​ഴ, പ​ത്ത​നം​തി​ട്ട ജി​ല്ല​ക​ളെ ത​മ്മി​ൽ വേ​ർ​തി​രി​ക്കു​ന്ന പാ​ല​മാ​യ​തി​നാ​ൽ പ​ഞ്ചാ​യ​ത്ത് അ​ധി​കൃ​ത​രും വ​ഴി​വി​ള​ക്ക് സ്ഥാ​പി​ക്കാ​ൻ മു​ൻ​കൈ എ​ടു​ക്കാ​റി​ല്ല. ഇ​ത് ക​ണ​ക്കു​കൂ​ട്ടി​യാ​ണ് മാ​ലി​ന്യ​ങ്ങ​ൾ ന​ദി​യി​ലേ​ക്ക് ത​ള്ളു​ന്ന​ത്.

ക​ഴി​ഞ്ഞ വ​ർ​ഷം പാ​ല​ത്തി​ന് പ​ടി​ഞ്ഞാ​റേ ക​ര​യി​ലെ റോ​ഡി​ൽ ത​ള്ളി​യ ക​ക്കൂ​സ് മാ​ലി​ന്യം ത​ക​ഴി​യി​ൽ നി​ന്നു​ള്ള ഫ​യ​ർ​ഫോ​ഴ്സ് ഉ​ദ്യോ​ഗ​സ്ഥ​ർ കി​ണ​ഞ്ഞ് പ​രി​ശ്ര​മി​ച്ചാ​ണ് മാ​റ്റി​യ​ത്. ദി​വ​സ​ങ്ങ​ളോ​ളം പ്ര​ദേ​ശ​ത്ത് രൂ​ക്ഷ​ഗ​ന്ധം പ​ര​ക്കു​ക​യും, ക​ച്ച​വ​ട സ്ഥാ​പ​ന​ങ്ങ​ൾ അ​ട​ച്ചി​ടു​ക​യും ചെ​യ്തി​രു​ന്നു.

ത​ക​ഴി, കേ​ള​മം​ഗം​ലം, ചെ​ക്കി​ടി​ക്കാ​ട് പാ​ല​ത്തി​ന്‍റെ അ​വ​സ്ഥ​യും വ്യ​ത്യ​സ്ഥ​മ​ല്ല. ഇ​വി​ടെ​യും വ​ഴി​വി​ള​ക്കി​ന്‍റ അ​ഭാ​വ​ത്തി​ൽ ഒ​രു​മാ​സം മു​ൻ​പ് ചെ​ക്കി​ടി​ക്കാ​ട് പ​റ​ത്ത​റ പാ​ല​ത്തി​ൽ അ​റ​വ് മാ​ലി​ന്യം ത​ള്ളി​യി​രു​ന്നു. ത​ക​ഴി വ​ലി​യ​പാ​ല​ത്തി​ന് താ​ഴെ​യും കേ​ള​മം​ഗ​ലം പാ​ല​ത്തി​ലും മാ​ലി​ന്യം ത​ള്ളി​യി​രു​ന്നു. വൈ​ദ്യു​തി വി​ള​ക്ക് ഇ​ല്ലാ​ത്ത​താ​ണ് പാ​ല​ങ്ങ​ൾ തി​ര​ഞ്ഞെ​ടു​ക്കാ​ൻ കാ​ര​ണം.

ന​ദി​യി​ലേ​യും, തോ​ടു​ക​ളി​ലേ​യും ജ​ല​ല​ഭ്യ​ത ആ​ശ്ര​യി​ക്കു​ന്ന​വ​രാ​ണ് ഏ​റെ​യും ദു​രി​ത​ത്തി​ലാ​കു​ന്ന​ത്. വ​ഴി​വി​ള​ക്ക് ക​ത്തി​ക്കാ​നു​ള്ള ന​ട​പ​ടി പ​ഞ്ചാ​യ​ത്ത് അ​ധി​കൃ​ത​ർ അ​ടി​യ​ന്തി​ര​മാ​യി ചെ​യ്യ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.