ആ​വേ​ശ​മു​ണ​ർ​ത്തി 67-ാമ​ത് നെ​ഹ്റു ട്രോ​ഫി വ​ള്ളം​ക​ളി ഘോ​ഷ​യാ​ത്ര; മുഖ്യാതിഥിയായി സച്ചിനെത്തുന്നു

ആ​ല​പ്പു​ഴ: ന​ഗ​ര​ത്തി​ലെ വി​ദ്യാ​ല​യ​ങ്ങ​ളി​ൽ നി​ന്നെ​ത്തി​യ കു​രു​ന്നു​ക​ൾ വ​ർ​ണ​ക്കു​ട​യും ബ​ലൂ​ണു​ക​ളും കൊ​ടി തോ​ര​ണ​ങ്ങ​ളു​മാ​യി അ​ണി​നി​ര​ന്ന​തോ​ടെ ന​ഗ​രം നി​റ​ക്കൂ​ട്ടാ​യി. 67-ാമ​ത് നെ​ഹ്റു ട്രോ​ഫി വ​ള്ളം​ക​ളി​യു​ടെ വ​ര​വ​റി​യി​ച്ചു കൊ​ണ്ടു​ള്ള സാം​സ്കാ​രി​ക ഘോ​ഷ​യാ​ത്ര​യാ​ണ് വ​ഴി​യോ​ര​ങ്ങ​ളെ വ​ള്ളം​ക​ളി​യു​ടെ പു​ള​ക​ച്ചാ​ർ​ത്തു അ​ണി​യി​ച്ച​ത്. ഉ​ച്ച ക​ഴി​ഞ്ഞ് മൂ​ന്നു മ​ണി​യോ​ടെ ഇ​എം​എ​സ് സ്റ്റേ​ഡി​യ​ത്തി​ൽ നി​ന്നും തു​ട​ങ്ങി​യ സാം​സ്കാ​രി​ക ഘോ​ഷ​യാ​ത്ര ജി​ല്ല ക​ള​ക്ട​ർ ഡോ ​അ​ദീ​ല അ​ബ്ദു​ല്ല ഫ്ലാ​ഗ് ഓ​ഫ് ചെ​യ്തു.

ന​ഗ​ര​സ​ഭാ​ധ്യ​ക്ഷ​ൻ തോ​മ​സ് ജോ​സ​ഫ്, വി​ദ്യാ​ഭ്യാ​സ സ്റ്റാ​ന്‍റിം​ഗ് ക​മ്മ​റ്റി ചെ​യ​ർ​മാ​ൻ അ​ഡ്വ മ​നോ​ജ് കു​മാ​ർ, മ​റ്റു ന​ഗ​ര​സ​ഭാം​ഗ​ങ്ങ​ൾ, സാം​സ്കാ​രി​ക സം​ഘ​ട​ന പ്ര​തി​നി​ധി​ക​ൾ തു​ട​ങ്ങി​യ​വ​ർ ച​ട​ങ്ങി​ൽ പ​ങ്കെ​ടു​ത്തു. മ​ല​യാ​ളി​ക​ളു​ടെ സം​സ്കാ​രം വി​ളി​ച്ചോ​തു​ന്ന കൊ​ന്പ്, ചേ​ങ്ങി​ല, ഇ​ല​ത്താ​ളം തു​ട​ങ്ങി​യ വാ​ദ്യോ​പ​ക​ര​ണ​ങ്ങ​ളു​മാ​യി പ​ഞ്ച​വാ​ദ്യ​ക്കാ​രും ചെ​ണ്ട​മേ​ള​ക്കാ​രും ഘോ​ഷ​യാ​ത്ര​യു​ടെ മു​ന്പി​ൽ ന​ട​ന്നു നീ​ങ്ങി.

കൂ​റ്റ​ൻ ക​ഥ​ക​ളി വേ​ഷ​ക്കാ​രും മ​ല​ബാ​റി​ന്‍റെ സാം​സ്കാ​രി​ക ത​നി​മ വി​ളി​ച്ചോ​തു​ന്ന തെ​യ്യ​വും കാ​ഴ്ച​ക്കാ​ർ​ക്ക് ആ​വേ​ശം പ​ക​ർ​ന്നു. ന​ഗ​ര​ത്തി​ലെ സ്കൂ​ളു​ക​ൾ, ബി​എ​ഡ് കോ​ളേ​ജ്, ടി​ടി​ഐ തു​ട​ങ്ങി വി​ദ്യാ​ല​യ​ങ്ങ​ളി​ൽ നി​ന്നും വി​ദ്യാ​ർ​ഥി​ക​ൾ ജാ​ഥ​യി​ൽ അ​ണി​നി​ര​ന്നു. സ്കൗ​ട്ട് ആ​ൻ​ഡ് ഗൈ​ഡ്സ്, എ​ൻ​സി​സി, എ​സ്പി​സി കേ​ഡ​റ്റ്, റെ​ഡ് ക്രോ​സ്സ് എ​ന്നി​വ​രും ഘോ​ഷ​യാ​ത്ര​യു​ടെ ഭാ​ഗ​മാ​യി.

കു​ടും​ബ​ശ്രീ വ​നി​ത​ക​ളും, പു​തു​മ​യാ​ർ​ന്ന അ​നു​ഭ​വ​മു​യ​ർ​ത്തി ട്രാ​ൻ​സ്ജെ​ൻ​ഡ​ർ വ​നി​ത​ക​ളും ഘോ​ഷ​യാ​ത്ര​യു​ടെ ഭാ​ഗ​മാ​യി. ഘോ​ഷ​യാ​ത്ര​യി​ൽ താ​ര​മാ​യ​ത് ഇ​ത്ത​വ​ണ​ത്തെ ഭാ​ഗ്യ ചി​ഹ്ന​മാ​യ തു​ഴ​യേ​ന്തി​യ താ​റാ​വ് പ​ങ്ക​ൻ ആ​യി​രു​ന്നു. ന​ഗ​ര​ത്തി​ലെ പ​ല സ്കൂ​ളു​ക​ളി​ൽ നി​ന്നും എ​ത്തി​യ വി​ദ്യാ​ർ​ത്ഥി​ക​ൾ പ​ങ്ക​ന്‍റെ ചി​ത്രം പ​തി​ച്ച പ്ലേ​കാ​ർ​ഡു​ക​ളു​മാ​യാ​ണ് എ​ത്തി​യ​ത്. ഘോ​ഷ​യാ​ത്ര​യി​ൽ സ്ത്രീ ​ശാ​ക്തീ​ക​ര​ണ​വും സ്ത്രീ​ക​ൾ​ക്കെ​തി​രെ​യു​ള്ള അ​തി​ക്ര​മ​വും എ​ല്ലാം വി​ഷ​യ​മാ​ക്കി​യു​ള്ള ടാ​ബ്ലോ​ക​ളും അ​ണി​നി​ര​ന്നു.

നെ​ഹ്റു​ട്രോ​ഫി​യി​ൽ മു​ഖ്യ​മ​ന്ത്രി​യും സ​ച്ചി​നും

ആ​ല​പ്പു​ഴ: 67-ാമ​ത് നെ​ഹ്റു​ട്രോ​ഫി വ​ള്ളം​ക​ളി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും. സ​ച്ചി​ൻ തെൻഡു​ൽ​ക്ക​ർ മു​ഖ്യാ​തി​ഥി​യാ​യി​രി​ക്കും. ക​ള​ക്ടറേറ്റിൽ ചേ​ർ​ന്ന എ​ൻ​ടി​ബി​ആ​ർ എ​ക്സി​ക്യൂ​ട്ടീ​വ് ക​മ്മ​ിറ്റി​യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച് ധ​ന​മ​ന്ത്രി​തോ​മ​സ് ഐ​സ​ക് അ​റി​യി​ച്ച​താ​ണ് ഇ​ക്കാ​ര്യം. മ​ന്ത്രി​മാ​രാ​യ ജി.​സു​ധാ​ക​ര​ൻ, ക​ട​കം​പ​ള്ളി സു​രേ​ന്ദ്ര​ൻ, തോ​മ​സ് ഐ​സ​ക്, പി.​തി​ലോ​ത്ത​മ​ൻ എ​ന്നി​വ​ർ പ​ങ്കെ​ടു​ക്കും.

ഒ​രു മ​ണി മു​ത​ൽ ര​ണ്ടു​മ​ണി​വ​രെ ഡി​സ്പ്ലേ ന​ട​ക്കും.
ര​ണ്ട് മ​ണി​ക്ക് ഉ​ദ്ഘാ​ട​ന​ച്ച​ട​ങ്ങ് തു​ട​ങ്ങും. ബു​ധ​നാ​ഴ്ച സ്റ്റാ​ർ​ട്ടി​ങ് ഡി​വൈ​സി​ന്‍റെ പ​രീ​ക്ഷ​ണം വി​ജ​യ​ക​ര​മാ​യി ന​ട​ത്തി​യ​താ​യി ബ​ന്ധ​പ്പെ​ട്ട​വ​ർ യോ​ഗ​ത്തി​ൽ പ​റ​ഞ്ഞു. യോ​ഗ​ത്തി​ൽ ജി​ല്ല ക​ള​ക്ട​ർ ഡോ. ​അ​ദീ​ല അ​ബ്ദു​ള്ള, ന​ഗ​ര​സ​ഭാ ചെ​യ​ർ​മാ​ൻ തോ​മ​സ് ജോ​സ​ഫ് ടൂ​റി​സം വ​കു​പ്പ് ഡ​യ​റ​ക്ട​ർ ബാ​ല​കി​ര​ണ്‍, സ​ബ്ക​ള​ക്ട​ർ കൃ​ഷ്ണ​തേ​ജ തു​ട​ങ്ങി​യ​വ​ർ പ്ര​സം​ഗി​ച്ചു.