രാ​ത്രി കു​ളി​ക്ക​രു​ത്, ശു​ചി​മു​റി ഉ​പ​യോ​ഗി​ക്ക​രു​ത്…! ഫ്ളാ​റ്റി​ലെ അ​യ​ൽ​ക്കാ​രി​യു​ടെ ആ​വ​ശ്യ​ത്തി​നെ​തി​രേ യു​വാ​വ് കോ​ട​തി​യി​ൽ

അ​യ​ൽ​ക്കാ​രെ​പ്പ​റ്റി പ​രാ​തി ഇ​ല്ലാ​ത്ത​വ​ർ ചു​രു​ക്ക​മാ​യി​രി​ക്കും. ചി​ല​ർ തൊ​ട്ട​തി​നും പി​ടി​ച്ച​തി​നു​മൊ​ക്കെ പ​രാ​തി പ​റ​ഞ്ഞ് സ്വ​സ്ഥ​ത കൊ​ടു​ത്തും. ശ​ല്യം സ​ഹി​ക്കാ​നാ​വാ​തെ അ​യ​ൽ​ക്കാ​ർ​ക്കെ​തി​രേ പോ​ലീ​സി​നെ​യും കോ​ട​തി​യെ​യും സ​മീ​പി​ക്കു​ന്ന​വ​രും കു​റ​വ​ല്ല. ഇ​തേ​പോ​ലെ സ്ഥി​രം ശ​ല്യ​മാ​യ അ​യ​ൽ​ക്കാ​രി​ക്കെ​തി​രേ കോ​ട​തി​യി​ൽ പോ​യി ന​ഷ്ട​പ​രി​ഹാ​രം നേ​ടി​യി​രി​ക്കു​ക​യാ​ണ് ഒ​രു ചൈ​നാ​ക്കാ​ര​ൻ.

ചൈ​ന​യി​ലെ ഷെ​ജി​യാ​ങ് പ്ര​വി​ശ്യ​യി​ലു​ള്ള ഒ​രു റെ​സി​ഡ​ൻ​ഷ്യ​ൽ ബ്ലോ​ക്കി​ലെ ര​ണ്ടാം നി​ല​യി​ൽ താ​മ​സി​ക്കു​ന്ന ഷാ​ങ്ങി​നാ​ണു കോ​ട​തി​യി​ൽ​നി​ന്ന് അ​നു​കൂ​ല​വി​ധി ല​ഭി​ച്ച​ത്. ഇ​തേ ബ്ലോ​ക്കി​ൽ ഒ​ന്നാം​നി​ല​യി​ൽ താ​മ​സി​ക്കു​ന്ന വാ​ങ് എ​ന്ന യു​വ​തി​ക്കെ​തി​രേ​യാ​യി​രു​ന്നു ഷാ​ങ്ങി​ന്‍റെ നി​മ​യ​പ്പോ​രാ​ട്ടം. മു​ക​ളി​ല​ത്തെ​നി​ല​യി​ൽ​നി​ന്നു​മു​ള്ള രാ​ത്രി​യി​ലെ​യും മ​റ്റും ശ​ബ്ദ​ങ്ങ​ൾ ത​ന്നെ അ​ലോ​സ​ര​പ്പെ​ടു​ത്തു​ക​യാ​ണെ​ന്നും അ​തി​നാ​ൽ ഒ​രു ശ​ബ്ദ​വും ഉ​ണ്ടാ​ക്കാ​ൻ പാ​ടി​ല്ലെ​ന്നും പ​റ​ഞ്ഞ് വാ​ങ് അ​യ​ൽ​വാ​സി​യാ​യ ഷാ​ങ്ങി​നെ നി​ര​ന്ത​രം ശാ​സി​ക്കു​ക​യാ​യി​രു​ന്നു.

ഇ​വ​രു​ടെ പ​രാ​തി​യെ​ത്തു​ട​ർ​ന്നു ത​ന്‍റെ ഫ്ലാ​റ്റി​ൽ​നി​ന്നു​ള്ള ശ​ബ്ദം പ​ര​മാ​വ​ധി കു​റ​യ്ക്കാ​ൻ വീ​ട് മു​ഴു​വ​ൻ പ​ര​വ​താ​നി വി​രി​ക്കു​ന്ന​ത​ട​ക്കം ഷാ​ങ് ചെ​യ്തി​രു​ന്നു. എ​ന്നാ​ൽ പ​ല്ലു​തേ​ക്കു​ക, കു​ളി​ക്കു​ക, അ​ബ​ദ്ധ​ത്തി​ൽ പാ​ത്ര​ങ്ങ​ൾ താ​ഴെ വീ​ഴു​ക തു​ട​ങ്ങി​യ കാ​ര്യ​ങ്ങ​ൾ​ക്കെ​ല്ലാം അ​യ​ൽ​ക്കാ​രി പ​രാ​തി തു​ട​ർ​ന്നു. കൂ​ടാ​തെ, രാ​ത്രി 10നു​ശേ​ഷം ടോ​യ്‌​ല​റ്റ് ഉ​പ​യോ​ഗി​ക്കാ​ൻ പാ​ടി​ല്ലെ​ന്ന ആ​വ​ശ്യ​വും വാ​ങ് ഉ​ന്ന​യി​ച്ചു. പോ​ലീ​സ് ഇ​ട​പെ​ട്ട് മ​ധ്യ​സ്ഥ​ത ച​ർ​ച്ച​ക​ൾ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല.

ഒ​ടു​വി​ൽ ഷാ​ങ് ത​ന്‍റെ ഫ്ലാ​റ്റ് വാ​ട​ക​യ്ക്ക് ന​ൽ​കി മ​റ്റൊ​രു ഫ്ളാ​റ്റി​ലേ​ക്ക് താ​മ​സം മാ​റ്റി. എ​ന്നാ​ൽ, പു​തി​യ​താ​യി താ​മ​സി​ക്കാ​നെ​ത്തി​യ​വ​ർ​ക്കും വാ​ങ്ങി​ന്‍റെ നി​ർ​ദേ​ശ​ങ്ങ​ൾ സ​ഹി​ക്കാ​തെ വ​ന്ന​തോ​ടെ പ​രാ​തി​യു​മാ​യി ഷാ​ങ് കോ​ട​തി​യെ സ​മീ​പി​ച്ചു. കോ​ട​തി ഷാ​ങി​ന് ന​ഷ്ട​പ​രി​ഹാ​ര​മാ​യി 2,750 ഡോ​ള​ർ ന​ൽ​കാ​ൻ അ​യ​ൽ​ക്കാ​രി​യാ​യ യു​വ​തി​യോ​ട് ഉ​ത്ത​ര​വി​ടു​ക​യും ചെ​യ്തു.