കേരളത്തിന് ദീപാവലി സമ്മാനം; അ​ന്ത​ർ സം​സ്ഥാ​ന വ​ന്ദേ ഭാ​ര​ത് വ​രു​ന്നു

കൊ​ല്ലം: കേ​ര​ള​ത്തി​ന് ദീ​പാ​വ​ലി സ​മ്മാ​ന​മാ​യി മൂ​ന്നാ​മ​തൊ​രു വ​ന്ദേ ഭാ​ര​ത് എ​ക്സ്പ്ര​സ് കൂ​ടി. ചെ​ന്നൈ-​ബം​ഗ​ളൂ​രു- എ​റ​ണാ​കു​ളം റൂ​ട്ടി​ലാ​ണ് പു​തി​യ വ​ന്ദേ ഭാ​ര​തി​ന് റെ​യി​ൽ​വേ മ​ന്ത്രാ​ല​യം അ​നു​മ​തി ന​ൽ​കി​യി​ട്ടു​ള്ള​ത്. കേ​ര​ളം, ത​മി​ഴ്നാ​ട്, ക​ർ​ണാ​ട​ക സം​സ്ഥാ​ന​ങ്ങ​ളെ ത​മ്മി​ൽ ബ​ന്ധി​പ്പി​ക്കു​ന്ന വ​ന്ദേ ഭാ​ര​ത് സ​ർ​ക്കു​ലാ​ർ അ​ടി​സ്ഥാ​ന​ത്തി​ൽ സ​ർ​വീ​സ് ന​ട​ത്തു​മെ​ന്നാ​ണ് വി​വ​രം.

ചെ​ന്നൈ​യി​ൽ നി​ന്ന് വ്യാ​ഴാ​ഴ്ച​ക​ളി​ൽ സ​ർ​വീ​സ് ന​ട​ത്താ​നാ​ണ് ആ​ലോ​ചി​ക്കു​ന്ന​ത്. അ​വി​ടു​ന്ന് ബം​ഗ​ളൂ​രു വ​ഴി എ​റ​ണാ​കു​ള​ത്ത് എ​ത്തും. പി​ന്നീ​ട് എ​റ​ണാ​കു​ള​ത്ത് നി​ന്ന് ബം​ഗ​ളൂ​രു​വി​ന് പോ​യി തി​രി​കെ വീ​ണ്ടും എ​റ​ണാ​കു​ള​ത്ത് എ​ത്തും.

അ​തി​നു​ശേ​ഷം എ​റ​ണാ​കു​ള​ത്ത് നി​ന്ന് ബം​ഗ​ളൂ​രു വ​ഴി ചെ​ന്നൈ​യ്ക്ക് പോ​കു​ന്ന രീ​തി​യി​ലാ​ണ് സ​ർ​വീ​സ് ക്ര​മീ​ക​രി​ക്കു​ന്ന​ത്. ഇ​ത്ത​ര​ത്തി​ൽ എ​ട്ട് സ​ർ​വീ​സു​ക​ളാ​ണ് റെ​യി​ൽ​വേ മ​ന്ത്രാ​ല​യം പ​രി​ഗ​ണി​ക്കു​ന്ന​ത്. ദീ​പാ​വ​ലി സ്പെ​ഷ​ലാ​യി ഓ​ടി​ച്ച​ശേ​ഷം സ്ഥി​രം സം​വി​ധാ​ന​മാ​ക്കു​മെ​ന്നാ​ണ് സൂ​ച​ന. എ​ട്ട് കോ​ച്ചു​ക​ൾ ഉ​ണ്ടാ​കും.

കേ​ര​ള​ത്തി​ൽ നി​ന്നു​മു​ള്ള അ​ന്ത​ർ സം​സ്ഥാ​ന യാ​ത്ര​ക്കാ​രെ പ്ര​ധാ​ന​മാ​യും ല​ക്ഷ്യ​മി​ട്ടാ​ണ് പു​തി​യ വ​ന്ദേ ഭാ​ര​ത് സ​ർ​വീ​സ് ന​ട​ത്തു​ക. റെ​യി​ൽ​വേ അ​ടു​ത്തി​ടെ ന​ട​ത്തി​യ സാ​ധ്യ​താ പ​ഠ​ന​ത്തി​ലും എ​റ​ണാ​കു​ളം – ബം​ഗ​ളു​രു റൂ​ട്ടി​ൽ യാ​ത്ര​ക്കാ​രു​ടെ എ​ണ്ണ​ത്തി​ൽ വ​ൻ വ​ർ​ധ​ന ഉ​ള്ള​താ​യി വ്യ​ക്ത​മാ​യി​ട്ടു​ണ്ട്.

ജോ​ലി​ക്കും പ​ഠ​ന​ത്തി​നും മ​റ്റ് ആ​വ​ശ്യ​ങ്ങ​ൾ​ക്കാ​യി ചെ​ന്നൈ​യി​ലും ബം​ഗ​ളൂ​രു​വി​ലും പോ​യി വ​രു​ന്ന ആ​യി​ര​ക്ക​ണ​ക്കി​ന് മ​ല​യാ​ളി​ക​ൾ​ക്ക് പു​തി​യ വ​ന്ദേ ഭാ​ര​ത് ഏ​റെ പ്ര​യോ​ജ​നം ചെ​യ്യു​മെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ആ​ഴ്ച​ക​ളു​ടെ അ​വ​സാ​ന​ത്തി​ൽ ഈ ​റൂ​ട്ടി​ൽ യാ​ത്രി​ക​രു​ടെ തി​ര​ക്ക് അ​നി​യ​ന്ത്രി​ത​മാ​ണ്. ഏ​സി ക്ലാ​സു​ക​ളി​ല​ട​ക്കം ടി​ക്ക​റ്റ് ല​ഭ്യ​മാ​കാ​റു​മി​ല്ല. പു​തി​യ വ​ന്ദേ ഭാ​ര​ത് വ​രു​ന്ന​തോ​ടെ ഇ​തി​ന് ഒ​രു പ​രി​ധി​വ​രെ പ​രി​ഹാ​ര​മാ​കും എ​ന്നാ​ണ് പ്ര​തീ​ക്ഷ. മൂ​ന്നാം വ​ന്ദേ ഭാ​ര​ത് എ​ന്നു മു​ത​ൽ ഓ​ടി​ത്തു​ട​ങ്ങും എ​ന്ന കാ​ര്യ​ത്തി​ൽ ഉ​ട​ൻ പ്ര​ഖ്യാ​പ​നം ഉ​ണ്ടാ​കും.