കോട്ടയം: ആളൊഴിഞ്ഞ വീടിന്റെ പിന്നിലെ ഭിത്തിയില്‍ തലയോട്ടിയ്ക്കു സമാനമായ രീതിയില്‍ പടം വരച്ചിരിക്കുന്നത് പരിഭ്രാന്തി പരത്തി. മണര്‍കാട് പാതയില്‍ മാമ്മന്‍ കുരുവിളയുടെ വീടിന്റെ ഭിത്തിയിലാണ് കുപ്പിയ്ക്കുള്ളിലുള്ള സ്‌പ്രെ പെയിന്റുകൊണ്ട് പടം വരച്ചിക്കുന്നത്.
മാമ്മന്‍ കുരുവിളയും കുടുംബവും വിദേശത്താണ്. വീടിനു സമീപത്തു നിന്നും കാലിയായ സ്‌പ്രെ പെയിന്റു കുപ്പിയും കണ്ടെത്തിയിട്ടുണ്ട്. സമാനമായ രീതിയില്‍ പ്രദേശത്തെ മറ്റൊരു വീട്ടിന്റെ ഭിത്തിയിലും തലയോട്ടിയുടെ പടം വരച്ചിട്ടുള്ളതായി സ്ഥിരീകരിക്കാത്ത റിപ്പോര്‍ട്ടുകളുണ്ട്. നാട്ടുകാരാണ് സംഭവം ആദ്യം കാണുന്നത്. പിന്നീട് ഇവര്‍ പോലീസിനെ വിവരമറിയിക്കുകയായിരുന്നു.
സംഭവത്തെ തുടര്‍ന്ന് മണര്‍കാട് പോലീസ് അന്വേഷണം ആരംഭിച്ചു. പെയിന്റുകടകള്‍ കേന്ദ്രീകരിച്ചാണ് അന്വേഷണം പുരോഗമിക്കുന്നത്. സാമൂഹിക വിരുദ്ധരാകാം വീടിന്റെ ഭിത്തിയില്‍ തലയോട്ടിയ്ക്കു സമാനമായ ചിത്രം വരച്ചതെന്ന നിഗമനത്തിലാണ് പോലീസ്.
