ന്യൂഡൽഹി: ദേശീയ അന്വേഷണ ഏജൻസി (എൻഐഎ) ഡയറക്‌ടർ ജനറലായി സദാനന്ദ് വസന്ത് ഡേറ്റ് ചുമതലയേറ്റു. ഇന്നലെ സർവീസിൽ നിന്നു വിരമിച്ച ദിനകർ ഗുപ്‌തയിൽനിന്നാണ് സദാനന്ദ് ചുമതലയേറ്റെടുത്തത്. നിലവിൽ മഹാരാഷ്ട്ര ആന്‍റി ടെററിസ്റ്റ് സ്ക്വാഡ് (എടിഎസ്) മേധാവിയായി പ്രവർത്തിക്കുകയായിരുന്നു.
മഹാരാഷ്ട്രയിൽ പോലീസ് കമ്മീഷണർ, ലോ ജോയിന്‍റ് കമ്മീഷണർ ആൻഡ് ഓർഡർ , മുംബൈ ക്രൈംബ്രാഞ്ച് ജോയിന്‍റ് കമ്മീഷണർ തുടങ്ങി നിരവധി സുപ്രധാന പദവികൾ വഹിച്ചിട്ടുണ്ട്. സിബിഐയിൽ ഡെപ്യൂട്ടി ഇൻസ്‌പെക്‌ടർ ജനറലായും സിആർപിഎഫ് ഇൻസ്‌പെക്‌ടർ ജനറലായും അദ്ദേഹം രണ്ടു തവണ സേവനമനുഷ്‌ഠിച്ചിട്ടുണ്ട്. മഹാരാഷ്ട്ര കേഡറിലെ 1990 ബാച്ച് ഐപിഎസ് ഉദ്യോഗസ്ഥനാണ് സദാനന്ദ് വസന്ത് ഡേറ്റ്.
