നിധീഷിന് കൊടുക്കാം, ഒരു ബിഗ് സല്യൂട്ട്! കോ​വി​ഡ് ബാ​ധി​ച്ച് വീട്ടുമുറ്റത്ത് കു​ഴ​ഞ്ഞു​വീ​ണ ന​ഴ്‌​സിന് ര​ക്ഷ​ക​നാ​യ​ത് ടാ​ക്‌​സി ഡ്രൈ​വ​ര്‍; ബോധരഹിതയായി കിടന്നത് ഒരുമണിക്കൂറോളം

കു​റ്റി​ക്കോ​ല്‍: കോ​വി​ഡ് പോ​സി​റ്റീ​വാ​യി ക്വാ​റ​ന്‍റൈ​നി​ല്‍ ക​ഴി​യു​ക​യാ​യി​രു​ന്ന ന​ഴ്‌​സ് ശ്വാ​സ​ത​ട​സം മൂ​ലം ആ​ശു​പ​ത്രി​യി​ലേ​ക്ക് പോ​കാ​നി​രി​ക്കേ വീ​ടി​നു മു​ന്നി​ല്‍ കു​ഴ​ഞ്ഞു​വീ​ണു.

സ​മീ​പ​വാ​സി​ക​ളാ​യ യു​വാ​ക്ക​ള്‍ വാ​ഹ​ന​ത്തി​നാ​യി പ​ല​രെ​യും വി​ളി​ച്ചെ​ങ്കി​ലും കോ​വി​ഡ് പോ​സി​റ്റീ​വാ​ണെ​ന്ന​റി​ഞ്ഞ​തോ​ടെ ഡ്രൈ​വ​ര്‍​മാ​ര്‍ പി​ന്‍​വ​ലി​ഞ്ഞു.

ഒ​ടു​വി​ല്‍ 10 കി​ലോ​മീ​റ്റ​റോ​ളം അ​ക​ലെ നി​ന്നെ​ത്തി​യ ടാ​ക്‌​സി ഡ്രൈ​വ​റാ​ണ് യു​വ​തി​യെ ആ​ശു​പ​ത്രി​യി​ലെ​ത്തി​ച്ച​ത്.

കു​റ്റി​ക്കോ​ലി​ലെ സ്വ​കാ​ര്യ ആ​ശു​പ​ത്രി​യി​ലെ ന​ഴ്സാ​യ യു​വ​തി​യാ​ണ് പ്ലാ​വു​ള്ള​ക​യ എ​ന്ന സ്ഥ​ല​ത്തു​ള്ള ത​ന്‍റെ വീ​ടി​ന് സ​മീ​പം കു​ഴ​ഞ്ഞു വീ​ണ​ത്.

ക​ഴി​ഞ്ഞ ദി​വ​സം രാ​ത്രി മു​ത​ല്‍ ശ്വാ​സ​ത​ട​സം നേ​രി​ട്ട​തു​മൂ​ല​മാ​ണ് ആ​ശു​പ​ത്രി​യി​ലേ​ക്ക് പോ​കാ​ന്‍ തീ​രു​മാ​നി​ച്ച​ത്.

വാ​ഹ​ന​ത്തി​നാ​യി പ​ല​രേ​യും ബ​ന്ധ​പ്പെ​ട്ടെ​ങ്കി​ലും ഫ​ല​മു​ണ്ടാ​യി​ല്ലെ​ന്ന് പ​റ​യു​ന്നു.

ഒ​ടു​വി​ല്‍ ഏ​തെ​ങ്കി​ലും വി​ധ​ത്തി​ല്‍ ആ​ശു​പ​ത്രി​യി​ല്‍ പോ​കാ​നാ​യി വീ​ട്ടി​ല്‍ നി​ന്നും ഇ​റ​ങ്ങാ​ന്‍ ശ്ര​മി​ക്കു​ന്ന​തി​നി​ടെ​യാ​ണ് കു​ഴ​ഞ്ഞു​വീ​ണ് ബോ​ധ​ര​ഹി​ത​യാ​യ​ത്.

ഇ​വ​രു​ടെ സ​ഹാ​യി​ക​ളും സ​മീ​പ​വാ​സി​ക​ളു​മാ​യ രാ​ധാ​കൃ​ഷ്ണ​നും ബി​ജു​വും ചേ​ര്‍​ന്ന് സ​മീ​പ​ത്തെ നി​ര​വ​ധി ഡ്രൈ​വ​ര്‍​മാ​രെ വി​ളി​ച്ചെ​ങ്കി​ലും രോ​ഗ​ഭീ​തി മൂ​ലം ആ​രും വ​രാ​ന്‍ കൂ​ട്ടാ​ക്കി​യി​ല്ല.

ഇ​തേ​ത്തു​ട​ര്‍​ന്നാ​ണ് 10 കി​ലോ​മീ​റ്റ​റോ​ളം അ​ക​ലെ പ​ള്ള​ത്തി​ങ്കാ​ലി​ലു​ള്ള സാ​മൂ​ഹ്യ​പ്ര​വ​ര്‍​ത്ത​ക​നും സൈ​ലോ ടാ​ക്‌​സി ഡ്രൈ​വ​റു​മാ​യ നി​ധീ​ഷ് കൊ​ല്ലം​പ​ണ​യെ ബ​ന്ധ​പ്പെ​ട്ട​ത്.

പ്രാ​യ​മാ​യ അ​ച്ഛ​ന​മ്മ​മാ​രും പ്ര​സ​വ ചി​കി​ത്സ​യി​ല്‍ ക​ഴി​യു​ന്ന ഭാ​ര്യ​യും വീ​ട്ടി​ലു​ള്ള​തി​നാ​ല്‍ ലോ​ക്ക് ഡൗ​ണി​ല്‍ പു​റ​ത്തി​റ​ങ്ങാ​തെ നി​ല്‍​ക്കു​ന്ന​തി​നി​ട​യി​ലാ​ണ് നി​ധീ​ഷി​ന് വി​വ​രം ല​ഭി​ക്കു​ന്ന​ത്.

അ​ടി​യ​ന്ത​ര ആ​വ​ശ്യം മു​ന്‍​നി​ര്‍​ത്തി വ​ണ്ടി​യു​മാ​യി ഓ​ടി​യെ​ത്തി​യ നി​ധീ​ഷാ​ണ് യു​വ​തി​യെ ആ​ശു​പ​ത്രി​യി​ലെ​ത്തി​ച്ച​ത്.

ഇ​തി​ന​കം യു​വ​തി ബോ​ധ​ര​ഹി​ത​യാ​യി ഒ​രു മ​ണി​ക്കൂ​റോ​ളം പി​ന്നി​ട്ടി​രു​ന്നു. ബേ​ഡ​ഡു​ക്ക താ​ലൂ​ക്കാ​ശു​പ​ത്രി​യി​ല്‍ എ​ത്തി​ച്ച യു​വ​തി സാ​മാ​ന്യം ഭേ​ദ​പ്പെ​ട്ട നി​ല​യി​ല്‍ ചി​കി​ത്സ​യി​ല്‍ തു​ട​രു​ക​യാ​ണ്.