ചാവക്കാട്; കെട്ടിടനികുതി കുത്തനെ ഉയർത്തി പ്രതിഷേധവുമായി ഉടമകൾ. നികുതി വർധന 1400 ശതമാനം വരെയെനന് ഉടമകളുടെ യോഗം ആരോപിച്ചു.വാണിജ്യാവശ്യത്തിനുള്ള കെട്ടിടങ്ങളുടെ നികുതി വർധിപ്പിച്ച നഗരസഭ 2013 മുതൽ മുൻകാല പ്രാബല്യത്തോടെ അടയ്ക്കണമെന്നാണ് നോട്ടീസ് നൽകിയിരിക്കുന്നത്.
വർഷത്തിൽ കെട്ടിടങ്ങളുടെ വാടക അഞ്ച് ശതമാനം മാത്രമാണ് വർധിപ്പിക്കുന്നത്. എന്നാൽ ഭീമമായ വർധനയാണ് നഗരസഭ നടപ്പാക്കുന്നത്. ഇത് ഒരു കാരണവശാലും അംഗീകരിക്കുകയില്ലെന്നു ഉടമകൾ പറഞ്ഞു. നഗരസഭകളുടെ നിലപാടിൽ ഉടമകളുടെ യോഗം പ്രതിഷേധിച്ചു.
പ്രശ്നത്തിനു പരിഹാരം തേടി നഗരസഭാ ചെയർമാനു നിവേദനം നൽകും. ജാഫർ അധ്യക്ഷനായിരുന്നു. കെ.വി.അബ്ദുൽ ഹമീദ്, എച്ച്.എസ്. ഹനീഫ, എ.പി.ഇബ്രാഹിം, എ.പി.ഷഹീർ, മുഹമ്മദുകുട്ടി എന്നിവർ പ്രസംഗിച്ചു. 50 കെട്ടിട ഉടമകൾ യോഗത്തിൽ പങ്കെടുത്തു.
