മലയാളത്തിലെ യുവനടിമാരില്‍ ശ്രദ്ധേയയാണ് നിമിഷ സജയന്‍. സംസ്ഥാന സര്‍ക്കാര്‍ പുരസ്‌കാരം അടക്കം നേടാനും നിമിഷയ്ക്ക് സാധിച്ചിട്ടുണ്ട്.
അടുത്ത കാലത്തിറങ്ങിയ ദ ഗ്രേറ്റ് ഇന്ത്യന്‍ കിച്ചണ്‍, നായാട്ട് എന്നീ ചിത്രങ്ങളിലൂടെ കേരളത്തിന് പുറത്തും നിമിഷ ചര്‍ച്ചയായി മാറിയിരുന്നു.
ഇപ്പോഴിതാ ആരാധകര്‍ക്ക് ആവേശം പകര്‍ന്നു കൊണ്ട് മറ്റൊരു വാര്‍ത്തയും എത്തിയിരിക്കുകയാണ്. നിമിഷ ബോളിവുഡിലേക്കും ചുവടുവയ്ക്കുന്നു.
ദേശീയ പുരസ്‌കാര ജേതാവായ ഒനിര്‍ സംവിധാനം ചെയ്യുന്ന ചിത്രത്തിലൂടെയാണ് നിമിഷയുടെ ബോളിവുഡ് അരങ്ങേറ്റം. വിആര്‍ എന്നാണ് ചിത്രത്തിനന്‍റെ പേര്.
2011-ല് ഒനിര്‍ സംവിധാനം ചെയ്ത ഐ ആം ലൈക് ഐ ആം എന്ന ചിത്രത്തിന്‍റെ രണ്ടാം ഭാഗമാണ് വിആര്‍. ഈ ചിത്രത്തിലൂടെയാണ് നിമിഷ ബോളിവുഡിലെത്തുന്നത്. വാര്‍ത്ത പുറത്ത് വന്നതോടെ ആരാധകര്‍ ആവേശത്തിലാണ്.
നാല് വ്യത്യസ്ത കഥകള്‍ പറയുന്ന ആന്തോളജി ചിത്രമാണ് വിആര്‍. ചിത്രത്തിലെ താരങ്ങളെ തീരുമാനിച്ചു വരികയാണ്. സെപ്റ്റംബറോടെ ചിത്രീകരണം ആരംഭിക്കുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
നേരത്തെ നിമിഷയുടെ ദ ഗ്രേറ്റ് ഇന്ത്യന്‍ കിച്ചണ്‍, നായാട്ട് എന്നീ സിനിമകളിലെ പ്രകടനം കേരളത്തിന് പുറത്ത് വലിയ തോതില്‍ ചര്‍ച്ചയായിരുന്നു.
ബോളിവുഡ് താരം വിദ്യാ ബാലനടക്കം നിമിഷയെ പ്രശംസിച്ചു കൊണ്ട് രംഗത്ത് എത്തിയിരുന്നു. ഇതാണ് നിമിഷയുടെ ബോളിവുഡ് എന്‍ട്രിക്ക് കാരണമായത്.
