കോട്ടയം: യാത്രക്കാരന്‍റെ മർദനത്തിൽ പരിക്കേറ്റ കെഎസ്ആർടിസി ബസിലെ കണ്ടക്ടറെ ആശുപത്രിയിൽ പ്രവേശിപ്പിച്ചു.
കാസർഗോഡ്- കോട്ടയം ബസിലെ കണ്ടക്ടർ ബിജു തോമസിനാണ് മർദ്ദനമേറ്റത്. ഇന്നലെ വൈകുന്നേരമായിരുന്നു സംഭവം.
ഉച്ചകഴിഞ്ഞ് 3.45ന് കോട്ടയത്തുനിന്ന് ബസ് എടുത്തപ്പോൾ കയറിയ യാത്രക്കാരൻ ചങ്ങനാശേരിയിലേക്ക് ടിക്കറ്റ് ആവശ്യപ്പെട്ടു.
ബസ് ചങ്ങനാശേരിക്കു പോകില്ലെന്നും ബേക്കർ ജംഗ്ഷനിൽ ഇറങ്ങാനും കണ്ടക്ടർ പറഞ്ഞു.
ഇതിനെ തുടർന്നുണ്ടായ വാക്കുതർക്കത്തിനിടെയാണ് യാത്രക്കാരൻ കണ്ടക്ടറുടെ മൂക്കിനിടിച്ചത്. ഇദ്ദേഹത്തെ കോട്ടയം ജനറൽ ആശുപത്രിയിൽ പ്രവേശിപ്പിച്ചു.
